Mitiro 17:28 - Tshwa Bible

²⁸ Hakuva ka yena ha hanya, ha fambafamba, hi hi ni kuvakona ka hina; kota lezi va wulileko a vanwani va vasimi va nwina va tisimu, vaku: Hinawu kambe hi pswalo wakwe. Kol. 1:17; Maheb. 1:3; Tit. 1:12

Mitiro 17:28 ပူးပေါင်းရင်းမြစ်များ

Joba 12:10

A mihefemulo ya zontlhe zi hanyako yi kona canjeni gakwe, Ni mimoya ya vanhu vontlhe.

Tisimu 36:9

Hakuva a xibuka xa wutomi xi le ka wena, A kuwonekeleni ka wena hi ta wona kuwonekela. Jer. 2:13; 17:13

Tisimu 66:9

Loyi a hanyisileko mihefemulo ya hina, A nga vumelangi lezaku a mikonzo ya hina yi khuveka.

Jeremia 38:16

Zonake hosi Zedekia i lo hlambanya ka Jeremia xihundleni, aku: Ha Jehova a hanyako, loyi a hi nyikileko wutomi legi, nzi nga ta ku daya, hambu a ku ku nyikela a mandleni ya vanhu lava va hlotako wutomi ga wena.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Luka 20:38

Makunu a hi Nungungulu wa lava va fileko, kanilezi ngwa vahanyako; hakuva ka yena vontlhe vahanyi. Rom. 6:10, 11

Luka 3:38

wa Enosi, wa Sete, wa Adamu, wa Nungungulu. Gen. 5:1, 2

Johani 11:25

Jesu aku kakwe: Mina nzi kuvuka ni wutomi; loyi a kholwako ka mina, hambu loku a file, i ta hanya; Xip. 1:4; 3:36; 5:21; Kol. 3:4

Johani 5:26

Hakuva kota lezi Dadani a nga ni wutomi nzeni kakwe, hizalezo i nyikile Nʼwana a kuva ni wutomi nzeni kakwe.

Deuteronome 30:20

u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

Va le Kolosi 1:17

Hi yena a nga rangela zilo zontlhe, zontlhe zi te tsoma ha yena.

Titusi 1:12

A munwe wa vona, a nga muprofeti wabye, i ngalo: A va le Kreta mbahembi xikhati xontlhe, zihari zo biha, a zimiti zi lolohako. Miti. 17:28

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 12:9

Tlhatakumbiri, hi wa hi ni vadadani va nyama lava va nga hi tsayisa, hi wa hi ni xichawo ha vona; xana ngha hi nga ingisi a Dadani wa mimoya, a kuva hi hanya ke? Mitse. 27:16

Maheberu 2:11

Hakuva yena loyi a basisako, ni lava va basiswako, vontlhe va na ni Dadani munwe; hi kota ya lezo a nga na tingana a ku va vitana aku vamakabye, Mat. 28:10; Joh. 20:17; Rom. 8:9

1 Samueli 25:29

Hambu loku munhu a suka a hlongolisa, a hlota wutomi ga wena, a wutomi ga hosi ya mina gi ta hlayiswa ha Jehova Nungungulu wa wena, gi bohiwa ka nyanza yinwe ni lava va hanyako; kasike a wutomi ga valala va wena gi ta cukumetiwa kule kota xinziwanziwani. Tis. 6:10; 31:21; 97:10