Mitiro 17:25 - Tshwa Bible

²⁵ Tlhatakumbiri a nga tirelwi hi mandla ya vanhu, a ku khwatsi o vumala nchumu; kasi hi yena a va nyikako wutomi vontlhe, ni kuhefemula, ni zilo Zontlhe.

Mitiro 17:25 ပူးပေါင်းရင်းမြစ်များ

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Joba 12:10

A mihefemulo ya zontlhe zi hanyako yi kona canjeni gakwe, Ni mimoya ya vanhu vontlhe.

Joba 22:2

A munhu a ngava ni xivuno ka Nungungulu? Loyi a tlharihileko i na ni xivuno ka wutsumbu gakwe,

Joba 27:3

Na nza ha hefemula, A moya wa Nungungulu na wa ha enghena tinhovini ta mina,

Joba 33:4

Nzi mahilwe hi Moya wa Nungungulu; Ni moya wa Nyamintamu wa nziha kuhanya.

Joba 34:14

Loku a wa ti alakanyela wutsumbu gakwe ntsena, A susa a moya wakwe ni kuhefemula kakwe,

Tisimu 16:2

Nzi ngalo ka Jehova: Hi wena Hosi ya mina, A nzi na kusasa handle ka wena!

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Jeremia 38:16

Zonake hosi Zedekia i lo hlambanya ka Jeremia xihundleni, aku: Ha Jehova a hanyako, loyi a hi nyikileko wutomi legi, nzi nga ta ku daya, hambu a ku ku nyikela a mandleni ya vanhu lava va hlotako wutomi ga wena.

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10

Mitsengo 27:16

Jehova, Nungungulu wa mimoya ya tinyama tontlhe, ngha a yimisa a munhu hehla ka tlhangano, loyi a ta nga maha murangeli wabye,

Mateu 5:45

kasi mu fela kuva vana va Raru wa nwina loyi a nga le tilweni; hakuva wa tsuwukisa gambo gakwe hehla ka vobiha ni ka vosaseka, a nisa vula hehla ka valulamileko ni ka va nga lulamangiko.

Mateu 9:13

Fambani mu ya gonza lezaku zi wula yini leʼzo ngalo: Nzi ranza wuxinji, a nzi ranzi miphahlo. Hakuva a nzi telangi a ku ta vitana a valulamileko, kanilezi a vaonhi. Hos. 6:6; Xip. 12:7; 1 Tim. 1:15

Mitiro 14:17

Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

Mitiro 17:28

Hakuva ka yena ha hanya, ha fambafamba, hi hi ni kuvakona ka hina; kota lezi va wulileko a vanwani va vasimi va nwina va tisimu, vaku: Hinawu kambe hi pswalo wakwe. Kol. 1:17; Maheb. 1:3; Tit. 1:12

Va le Roma 11:35

Kutani himani a rangileko ku yi nyika nchumu, lowu yi faneleko a ku wu tlhelisela ke? Joba 35:7

Deuteronome 30:20

u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.