Mitiro 17:23 - Tshwa Bible

²³ Hakuva khwatsi hilezi nzi nga kari nzi hunza, nzi cuwuka lezi mu zi khozelako, nzi lo kuma ni alati gi nga hi ni mutsalo, waku: Ga Nungungulu loyi a nga tibyiwiko. Makunu a Nungungulu loyi mu mu khozelako hi ku nga mu tivi, hi yena loyi nzi mu byelako ha yena. Efe. 2:12; 2 Tes. 2:4

Mitiro 17:23 ပူးပေါင်းရင်းမြစ်များ

Tisimu 147:20

A nga mahangi lezo ka manwani matiko, A zileletelo zakwe a ma zi tivi. Dumisani Jehova!

Tisimu 50:21

Lezi zilo u zi mahile, kanilezi mina nzi lo rutisa, U kala u alakanya lezaku mina nzi fana na wena. Kasike nzi ta ku laya, nzi xaxameta zontlhe mahlweni ka wena.

Isaya 45:4

Hi kota ya nanza ga mina Jakobe, Ni a hlawulilweko wa mina Israeli, Nzi ku vitanile hi vito ga wena; Nzi ku nyikile vito ga wudzunzo na u nga se ku nzi tiva.

Mateu 15:9

Kanilezi va nzi khozela mahala, Hakuva a zigonzo lezi va zi gonzisako zileletelo za vanhu ntsena. Isa. 29:13; Kol. 2:18-22

Johani 17:25

Dadani wa nongameto, a tiko a gi ku tivangi, kanilezi mina nzi ku tivile; na vona lava va zi tivile lezaku u nzi rumile. Xip. 8:55; 16:3, 27

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 4:22

Nwina mu khozela lexi mu nga xi tiviko; hina hi khozela lexi hi xi tivako; hakuva a kuhanyiswa ku huma hi ka VaJuda. 2 Tih. 17:29; Isa. 2:3; Lu. 24:47

Johani 8:54

Jesu i lo hlamula, aku: Loku nzi ti dzunza, a wudzunzo ga mina a hi nchumu, kanilezi hi Dadani a nzi dzunzisako, loyi ha yena mu nge ngalo, i Nungungulu wa nwina; Xip. 5:31, 41; 16:14; 17:1

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

1 Va le Korinte 1:21

Hakuva lezi a kutlhariheni ka Nungungulu a misava yi nga kala ku mu tiva Nungungulu hi wutlhari ga yona, zi lo mu xalalisa Nungungulu a ku hanyisa lava va kholwako hi wupumbu ga kukanela ka hina. Lu. 10:21

1 Va le Korinte 8:5

Hakuva hambu va hi kona lava va vitiwako lezaku vanungungulu le tilweni kutani misaveni, kota lezi ku nga kona “vanungungulu” vanyingi ni “tihosi” tinyingi; Joh. 10:34

Va le Efesusi 2:12

Alakanyani lezaku hi ka xikhati lexo mu wa hi kule na Kristu, mu wa hi handle ka wusumbulwa ga vaIsraeli, mu wa nga hi na xiavelo ka xivumelwano za xitsumbiso, na mu nga hi na kutsumba, mu nga hi na Nungungulu misaveni. Joh. 10:16; Rom. 9:4, 8; Kol. 1:21; 1 Tes. 4:13

2 Va le Tesalonika 2:4

loyi a vukelako ni ku ti kulisa hehla ka zontlhe zi vitwako mingungulu, ni zontlhe lezi zi khozelwako; a kala a ya tshama tempeleni ya Nungungulu, a ti wula lezaku i Nungungulu. Isa. 14:13; Ezek. 28:2; Dan. 11:36; 1 Kor. 8:5

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3