Mitiro 15:20 - Tshwa Bible

²⁰ kanilezi va tsaleliwa lezaku va tsika a manyala ya zifananiso, ni kubhaya, ni lezi zi fileko hi ku tlimbiwa, ni nkhata. Gen. 35:2; Ekso. 20:3; 1 Kor. 6:9; Levi 3:17; 1 Ped. 4:3

Mitiro 15:20 ပူးပေါင်းရင်းမြစ်များ

Genesisi 35:2

Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani. Jox. 24:2, 23; 1 Sam. 7:3

Genesisi 9:4

Kanilezi a nyama leyi yi nga ni wutomi, gi nga wona nkhata, mu ngagi. Levi 17:10; Miti. 15:20

Eksodusi 20:23

Mu nga ti maheli vanungungulu va siliva ni va nzalama, ahandle ka mina.

Ezekieli 33:25

Hikwalaho wulawula ka vona, uku: Hosi Jehova i ngalo: Muga nyama yi nga ni nkhata, mu tlakusela a zifananiso a mahlo ya nwina, mu halata nkhata; mu ta fumela a tiko ke? Gen. 9:4; Levi 19:26; Ezek. 18:6

Ezekieli 4:14

Zonake nzi te ngalo: Ha! Hosi Jehova! Cima a nzi ti nyenyezisangi; kusukela wusweni ga mina kala lezi a nzi ngagi a xilo xakuva xi ti feleko ha xoce, ge hambu lexi xi delweko hi zivanza; a nyama yo biha cima a yi se nga enghena nonwini wa mina. Levi 7:18, 24; Miti. 10:14

Danieli 1:8

Danieli i lo funga mbilwini yakwe lezaku a nga ta ti nyenyezisa hi zakuga za hosi, hambu hi vinya legi yi nwako gona. Hikwalaho i lo kombela ka nduna ya mithenwa lezaku a nga kurumetwi ku ti nyenyezisa.

Levi 18:6

Ngha ku nga hi kona wanuna a tshinelako ka xaka gakwe, legi gi nga nyama yinwe naye, a funungula a wumbyiri ga yena. Hi mina Jehova.

Levi 19:26

Mu ngagi a zilo lezi zi nga ni nkhata. Mu nga mahi wutumbe, hambu ni ku hlahluva. Miti. 15:20

Levi 3:17

Ku tava xileletelo xa kala kupinzuka zizukulwaneni za nwina, kontlhe lomu mu ta nga aka kona; mu nga dzuki muga mafura, hambu ni nkhata. Gen. 9:4; Deut. 12:16; Miti. 15:20

Mitsengo 25:2

A vaMoabi va lo ramba vanhu miphahlweni ya vanungungulu vabye, zonake a vanhu va loga, va khizama mahlweni ka vanungungulu vabye.

Mitiro 15:29

zi nga lezaku mu tsika lezi zi phahlelweko ka zifananiso, ni nkhata, ni lezi zi fileko hi ku tlimbiwa, ni kubhaya. Loku mu ti wonela ka lezo, mu tava mu mahile khwatsi. Salani khwatsi! Levi 17:14; Xip. 21:25; Kuv. 2:14

Mitiro 21:25

Kanilezi hi kukumbuka a vamatiko lava va kholilweko, hi lo va tsalela hi laya lezaku ava ti hlayise ka lezi zi phahlelwako ka zifananiso, ni nkhata, ni lezi zi fileko hi ku tlimbiwa, ni kubhaya. Gen. 9:4; Xip. 15:20, 29

1 Va le Korinte 5:11

Kanilezi nzi mu tsalela lezaku loku a hi kona munhu loyi a vitwako makabye na hi xibhayi, kutani munaveli, kutani mukhozeli wa zifananiso, kutani murukateli, kutani xidakwa, kutani khamba; mu nga mahi wunghana naye, ge, hambu kuga naye. Mat. 18:17; Rom. 16:17; Gal. 2:12; 2 Joh. 10

1 Va le Korinte 6:13

A zakuga za rumbu, ni rumbu ga zakuga; kanilezi Nungungulu i ta mbhetisa zontlhe. Kanilezi a miri a hi wa wubhayi, kanilezi ngwa Hosi, ni Hosi nja miri. Efe. 5:23; 1 Tes. 4:3

1 Va le Korinte 6:18

Chavani wubhayi! A zionho zontlhe lezi munhu a zi mahako zi lahandle ka miri wakwe; kanilezi loyi a bhayako i onhisa a miri wakwe. Rom. 1:24; 1 Tes. 4:4

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

1 Va le Korinte 7:2

kanilezi hi kota ya wubhayi, ngha wanuna munwe ni munwani a hi ni sati wakwe, ni wasati munwe ni munwani a hi ni nuna wakwe. Mav. 5:19

1 Va le Korinte 8:1

Makunu xungetano ni lezi zi phahlelweko zifananisweni, ha zi tiva lezaku hontlhe hi na ni kutiva. A kutiva ka kukumukisa, kanilezi liranzo la aka. Miti. 15:20; Rom. 14:14

2 Va le Korinte 12:21

Ku nga taku loku nzi chikele ka nwina, a Nungungulu wa mina i ta nzi bohlisa mahlweni ka nwina, zonake nzi rilela vanyingi lava va onhileko kale, va nga hunzulukangiko a kunyenyezeni ni wubhayini ni wurembini legi va gi mahileko. 1 Kor. 5:1; Xip. 2:1, 4; Fil. 3:18

Va le Galatia 5:19

Makunu a mitiro ya nyama yi la su dlunya, yi nga leyi: a kubhaya, a kungahlazeki, a wurembi, 1 Kor. 3:3; Efe. 5:3; Jak. 3:14

Va le Efesusi 5:3

Kanilezi a wubhayi ni kungahlazeki kontlhe, ni makangwa, ngha zi nga kumbukwi xikari ka nwina, a zi faneli vobasa.

Deuteronome 12:16

Ntsena lezaku mu ngagi a nkhata; wu halateni misaveni khwatsi hi mati.

Deuteronome 14:21

Nwina mu nga taga xa kufa ha xoce. Wena u nga xi nyika muluveli loyi a akileko laha mutini wa wena, aga; kutani ku xi xavisa ka wamatiko; hakuva nwina mu vanhu va basileko va Jehova Nungungulu wa nwina. U nga bhiki ximhutana mafini ya nyine wa xona.

Deuteronome 15:23

Ntsena lezaku u ngagi a nkhata wa zona; u ta wu halata lahasi kota mati.

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

1 Va le Tesalonika 4:3

Hakuva a kuranza ka Nungungulu hi lezaku mu basiswa, ni lezaku mu tsika wubhayi. Efe. 5:17

Maheberu 12:16

Ti woneleni lezaku ku ngavi kona a xibhayi, hambu ni munhu a kanyisako, kota Esau loyi a nga xavisa a wutewula gakwe hi ngelo munwe wa zakuga. Gen. 25:33

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

1 Pedro 4:3

Hakuva xi enele a xikhati lexi mu nga maha a kuranza ka vamatiko, laha mu nga famba wubhayini, ni le kunaveleni, ni le kupopiweni, ni le maguweni, ni le mabyaleni, ni le manyaleni ya ku khozela zifananiso. Efe. 2:2

Kuvululelwa 10:2

Yi wa hi ni xibhukwana xi vululelweko canjeni ga yona. Yi lo kanzihela a bimbi hi konzo wa yona wa xinene, lowu wa xibhabha wu kanzihela misaveni. Mat. 28:18

Kuvululelwa 10:8

Zonake a gezu legi nzi nga gizwa gi huma le tilweni, gi lo engeta gi wulawula ka mina, giku: Famba, u ya teka a bhuku legi gi vululekileko canjeni ga ngelosi leyi yi yimileko le bimbini ni le misaveni.

Kuvululelwa 2:14

Kanilezi nzi na ni zisolo zinwani ha wena, hakuva laho u na ni vanwani lava va namarelako a gonzo ya Balami, loyi a nga gonzisa Balaki a ku veka xikhunguvanyiso mahlweni ka vanana va Israeli, lezaku vaga zakuga lezi zi phahlelweko zifananisweni, ni ku bhaya. Mitse. 25:1; Miti. 15:29; 1 Kor. 8:9

Kuvululelwa 2:20

Kanilezi nzi na ni xisolo lexi ha wena, lezaku u vumela Jezebeli, a wasati loyi a ti wulako ku muprofeti, a gonzisa ni ku xengetela a malanza ya mina a kuva ma bhaya, ni kuga nyama yi phahlelweko zifananisweni. Ekso. 34:15; 1 Tih. 16:31; Miti. 15:20

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23

1 Samueli 14:32

Zonake a vanhu va lo tsutsumela muphangweni, va ya teka tiyivu ni tihomu ni marole; va lo zi daya lahasi vaga nyama ya kona na yi hi ni nkhata.

1 Samueli 14:33

A vanhu va lo ya byela Saule vaku: A vanhu va goha va vukela Jehova hi kuga a nyama na yi hi ni nkhata. Saule aku ngalo: Mu onhile. Wumbulutani a ribye ga hombe gita laha ka mina! Gen. 9:4; Levi 3:17; Deut. 12:16