Mitiro 15:1 - Tshwa Bible

¹ A vanhu vo kari va lo relela vata hi le Judia, va ta gonzisa a vamakabye, vaku: Loku mu nga engheni wukwera kota nayo wa Mosi, a mu na ku hanyiswa. Gen. 17:10; Gal. 2:12; Joh. 7:22

Mitiro 15:1 ပူးပေါင်းရင်းမြစ်များ

Levi 12:3

Hi siku ga wuntlhanu ni manharu, a nwanana i ta mahiwa nkwera; Gen. 17:12; Lu. 2:21; Joh. 7:22

Johani 7:22

Mosi i lo mu nyika wukwera (a hi lezaku gi sangulwe hi Mosi, kanilezi hi vakokwani), kanilezi hi sabado mu enghenisa munhu wukwera. Gen. 17:10; Levi 12:3

Mitiro 1:15

Hi lawo masiku Pedro i lo yima xikari ka vamakabye, laha ku nga wa tsombene a tsengo wa 120 wa vanhu, aku ngalo: Kuv. 3:4

Mitiro 15:22

Zonake a vapostoli ni masingalakati, zinwe ni handla gontlhe, vaku, zi sasekile loku ku hlawuliwa a vavanuna xikari kabye, va va rumela Antiokia zinwe na Paule na Barnabasi; ku hlawuliwa Judasi a vitwako Barsaba, na Silasi, va nga varangeli xikari ka vamakabye.

Mitiro 15:23

Va lo tsala papilo, va famba nago, gaku: Hina vapostoli ni masingalakati ni vamakabye, ha losetela a ka vamakabye lava va nga vamatiko va le Antiokia, ni le Siria, ni le Kilikia, hiku:

Mitiro 15:24

Kota lezi hi zi zwileko lezaku a vokari va humileko ka hina va mu karatile hi kuwulawula kabye, va kanakanisa a mihefemulo ya nwina, na va nga leletelwangi hi hina; Gal. 2:4; 5:12

Mitiro 15:3

Vona na va heleketilwe hi handla, va lo tsemakanya Fenikia ni Samaria, na va hlawutela hi kuhunzuluka ka vamatiko, va tsakisa nguvu a vamakabye. Xip. 14:27; Rom. 15:24; 1 Kor. 16:6

Mitiro 15:32

Judasi na Silasi, lezi va nga hi vaprofeti, va lo luleka vamakabye hi magezu yo tala, va va tiyisa. Xip. 14:22; 18:23

Mitiro 15:5

Kanilezi a vanwani va ntlawa wa vaFarisi, lava va kholilweko, va lo suka, vaku: Za laveka lezaku a vamatiko va engheniswa wukwera, va layiwa a kuva va hlayisa a nayo wa Mosi.

Mitiro 21:20

Vona laha va nga wa zi zwile va lo dumisa Nungungulu, vaku ka yena: Makabye, hi nga wona a mazana-zana ya vaJuda va kholilweko, vona vontlhe va pinyamela a navo; Xip. 23:3; Rom. 10:2; Gal. 1:14

Mitiro 6:14

hakuva hi mu zwile a wula lezaku Jesu loyi wa le Nazareta i ta hahlula legi wutshamu, a hunzula a mikhuwo leyi hi nga nyikwa hi Mosi. Xip. 25:8; Dan. 9:26

Va le Galatia 2:1

Zonake anzhako ka 14 wa malembe nzi lo engeta nziya Jerusalema, zinwe ha Barnabasi, nzi teka na Titusi kambe. Miti. 15:2

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Va le Galatia 6:12

Vontlhe lava va navelako a kuva ni wudumo gi nene nyameni, va mu kurumeta a ku enghena wukwera; va maha lezo ntsena kasi va nga xaniswi hi kota ya xihambano xa Kristu. Fil. 3:18

Va le Kolosi 2:16

Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; Rom. 14:3; Gal. 4:10

Va le Kolosi 2:8

Ti woneleni lezaku a munhu a nga dzuki a mu koka hi tigonzo ta wutlhari ga hava hi ku lanzela a mikhuwo ya vanhu, ni mintamu yo sangula ya misava, na ku nga hi ka Kristu. Jer. 29:8; Mat. 15:2; Maheb. 13:9