Mitiro 14:17 - Tshwa Bible

¹⁷ Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

Mitiro 14:17 ပူးပေါင်းရင်းမြစ်များ

1 Tihosi 18:1

Makunu laha na ku hunzile masiku yo tata, a gezu ga Jehova gi lota ka Elija hi lembe ga wunharu, giku: Famba u ya ti kombisa ka Ahabi, zonake nzi ta nisa vuta laha misaveni. Jak. 5:17

Nehemia 9:25

Va lo teka a miti yi bhiyelweko, ni tiko go nona, va teka ni tiyindlu ti nga wa tele hi zilo zo saseka, a tihlowo ti kelilweko, zivina, mioliva, ni tisinya tinyingi ta mihanzu. Zinghaho va loga, va xura, va kulukelana, va ti tsakela hi wunene ga wena.

Joba 36:31

Hakuva wa lamula a vanhu ha zona, A nyika vanhu a zakuga za ku tala.

Joba 37:6

Hakuva wa wula ka gapongo: Wela misaveni; A wula lezo kambe ni ka refu ga vula, Ni ka ntita yakwe kambe.

Joba 5:10

Loyi a nisako vula hehla ka misava, A rumela mati lomu mikoveni;

Tisimu 145:9

Jehova i nene ka vontlhe, I hawukela mitiro yakwe yontlhe.

Tisimu 4:7

U tsakisile a mbilu ya mina Ku hunza a kutsaka ka timbilu tabye Loku va nyikwa mavele ni vinya go tala.

Tisimu 52:1

Munhu wa lunya; Hikuyini u ti kukumukisako hi kubiha ke? A wuxinji ga Nungungulu gi simamisa kala kupinzuka.

Isaya 22:13

Kanilezi nwina mu lo maha migiyo ya litsako, mu lo tlhava tikavi ni tiyivu; ku giwa tinyama, ku nwiwa vinya, muku: A hi geni, hinwa, hakuva manziko hi tafa!

Isaya 40:21

A mu zi tivi ke? A mu zi zwangi? A mu tiviswangi hi kusanguleni ke? A mu zi pimangi a kutumbulukeni ka misava ke?

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 5:24

A va wuli timbilwini tabye ku: A hi chaveni Jehova Nungungulu wa hina, loyi a nyikako vula yo ranga ni ya wuxika hi tinguva ta yona, a wihi a hi hlayiselako a maviki ya kutshovela ka hina. Deut. 11:14; Miti. 14:17

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Joeli 2:23

Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Levi 26:4

zonake nzi ta mu nyika tivula hi zikhati za tona; ni misava yi ta humesa a pfuno wa yona, ni tisinya ta lomu masinwini ti ta pswala mihanzu ya tona.

Mateu 5:45

kasi mu fela kuva vana va Raru wa nwina loyi a nga le tilweni; hakuva wa tsuwukisa gambo gakwe hehla ka vobiha ni ka vosaseka, a nisa vula hehla ka valulamileko ni ka va nga lulamangiko.

Luka 6:35

Kanilezi ranzani valala va nwina, mu va mahela kusaseka, ni ku va pemba na mu nga tsumbi ku tlheliselwa; zonake a nchachazelo wa nwina wu ta maha wa hombe, mu ta maha vana va Loyi a nga Hehla-hehla; hakuva yena i na ni tipswalo ka lava va nga bongiko ni ka lava va bihileko. Tis. 37:26; Mat. 5:45

Mitiro 14:18

Hambu lezi va nga wula lezo, kutsongwani va wa lava ku tsanzeka ku tsimbeta a zidlemo lezaku zi nga va phahleli.

Mitiro 17:26

I lo maha tixaka tontlhe ta vanhu ti huma ka nyapanze munwe, a kuva ti aka misaveni yontlhe; na a tiyisile a zikhati za tona zi yimisilweko, ni mimbhingano ya kuaka ka tona;

Deuteronome 11:14

nzi ta nyika a vula ka tiko ga nwina hi tinguva ta kona, a vula ya tsangela nguva, ni vula yo gumesa; u ta hula a mbewu ya wena, ni vinya ga wena, ni mafura ya wena. Jer. 5:24; Joeli 2:23

Deuteronome 28:12

Jehova i ta ku vululela tilo, gi nga bako gakwe ga titshomba, ni ku nyika a misava ya wena a tivula hi zikhati za tona, ni ku katekisa yontlhe mitiro ya mandla ya wena. Wena u ta cenekisa matiko ya ku tala, kanilezi wena u nga ta ceneka nchumu ka wona.

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.