Mitiro 13:15 - Tshwa Bible

¹⁵ Anzhako ka kuva na ku gonzilwe a nayo ni vaprofeti, a varangeli va sinagoga va lo va vitana, vaku: Vamakabye, loku mu hi ni mhaka ya ku khongotela vanhu, wulani. Lu. 4:16; Maheb. 13:22

Mitiro 13:15 ပူးပေါင်းရင်းမြစ်များ

Marku 5:22

Ku lota munwe wa varangeli va sinagoga, a vito gakwe hi Jairo; na a mu wona Jesu i lo ti wisa mikonzweni yakwe, Mat. 9:18; Lu. 8:41

Luka 16:16

A nayo ni vaprofeti zi lo simamisa a kala a chikela Johani; ku sukela lexo xikhati ya kanetwa a ivangeli ya mufumo wa Nungungulu, munwe ni munwani a maha hi ntamu ku enghena ka wona. Mat. 4:17; 11:12, 13; Xip. 7:29

Mitiro 1:16

Vamakabye, zi wa lavekile lezaku a Mutsalo wu tatiseka, lowu Moya wa ku Basa wu nga profeta hi kale hi nomu wa Davida ha Judasi, loyi a nga wa hi murangeli wa vona lava va nga khoma Jesu. Tis. 41:9; Joh. 18:3

Mitiro 13:27

Hakuva kota lezi a vaaki va le Jerusalema ni vahombe vabye, va nga kala ku mu tiva Jesu, va lo mu kona, va tatisisa lezo a timhaka ta vaprofeti leti ti gonziwako hi sabado ginwe ni ginwani. 1 Kor. 2:8

Mitiro 15:21

Hakuva kusukela xikhatini xa kaleloko, Mosi i navo le mitini yontlhe, lava va mu xumayelako, na a gonziwa masinagogeni masabado wontihe.

Mitiro 15:7

Anzhako ka kuva na va xuxile nguvu, Pedro i lo suka, aku ngalo kabye: Vamakabye, nwina ma zi tiva lezaku kale Nungungulu na a nzi hlawulile xikari ka nwina, lezaku a vamatiko vazwa a mhaka ya ivangeli hi nomu wa mina, va kholwa.

Mitiro 18:17

Zonake a vanhu vontlhe va lo khoma Sostenisi, a murangeli wa sinagoga, va muba mahlweni ka hubye; kanilezi Galio a nga khatalangi nchumu hi lezi zilo. 1 Kor. 1:1

Mitiro 18:8

Krispusi a nga hi murangeli wa sinagoga i lo kholwa ka Hosi, zinwe ni yindlu yakwe yontlhe; ni vanyingi va le Korinte lava va ngazwa Paule va lo kholwa, va bapatizwa: 1 Kor. 1:14

Mitiro 2:29

Vamakabye, nzi nga mu byela ziku dlunya hi kokwani Davida, lezaku i file a lahliwa, ni xilahla xakwe xa hi kona xikari ka hina kala ni nyamutlha lezi. Xip. 13:36

Mitiro 2:37

Laha na va zi zwile, va lo tlhabyiwa timbilwini, vaku ka Pedro ni ka vanwani vapostoli: Vamakabye, hi ta maha yini ke? Zak. 12:10; Lu. 3:10; Xip. 9:6; 16:30

Mitiro 2:4

Vontlhe va lo tatiswa hi Moya wa ku Basa, va sangula ku wulawula hi tinwani tirimi, kota lezi Moya wu nga va nyika ku wulawula zona. Xip. 1:5; Mar. 16:17; 1 Kor. 12:10; 13:1; 14:2

Mitiro 20:2

Laha a nga wa tsemakanyile lawo matlhelo, a khongotela vamakabye hi magezu yo tala, i lo chikela le Grekia.

Mitiro 22:1

Vamakabye ni vadadani, ingisani makunu a kutihlamulela ka mina mahlweni ka nwina. Xip. 7:2

Mitiro 4:36

Josefa, loyi a nga chuliwa hi vapostoli ku ngalo hi Barnabasi, lezo hi ku ngalo, Mukhongoteli, loyi a nga hi muLevi, a pswalelweko le Kupero,

Mitiro 7:2

Stefani aku ngalo: Vamakabye ni vadadani, nzi ingiseni. A Nungungulu wa kungangamela i lo woneka ka koko wa hina Abrahama, laha a nga wa hi le Mesopotamia, na a nga se ku aka Harani,

Va le Roma 12:8

kutani loyi a khongotelako, a ti nyikele kukhongoteleni kakwe; ni loyi a nyikako, a nyike hi matsenya; loyi a angamelako, a mahe lezo hi kupangama; ni loyi a mahako mitiro ya wuxinji, a zi mahe na xalele. Miti. 15:32; 20:28; 1 Kor. 14:3

1 Va le Korinte 14:3

Kanilezi loyi a profetako i byela vanhu a zilo zi akako, ni ku tangalisa, ni ku chavelela. Rom. 15:4

2 Va le Korinte 3:14

Kanilezi a kupima kabye ku lo nonohiswa, hakuva kala ni nyamutlha lezi, loku va gonza a mitsalo ya xivumelwano xa kale, a nguwo leyi ya ha hi kona; a nguwo leyi yi susiwa ntsena ka Kristu. Isa. 6:10; Joh. 12:40

1 Va le Tesalonika 2:3

Hakuva a kukhongotela ka hina a hi timhaka ti kanganyisako ni kungahlazeki, hambu hi mano.

Maheberu 13:22

Kanilezi nza mu khongotela, vamakabye, timiselani ni mhaka leyi ya ku mu luleka; hakuva nzi mu tsalele hi timhaka ti tsongwani. 1 Ped. 5:12