Mitiro 11:18 - Tshwa Bible

¹⁸ Laha na va zwile leti timhaka va lo miyela, va dumisa Nungungulu, vaku: Kasi Nungungulu i nyikile ni ka vamatiko a kuhunzuluka loku ku yisako wutomini.

Mitiro 11:18 ပူးပေါင်းရင်းမြစ်များ

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Ezekieli 36:26

Nzi ta mu nyika a mbilu yiswa, nzi mu chela a moya muswa. Nzi ta susa ambilu ya ribye nyameni ya nwina, nzi mu nyika a mbilu ya nyama. Jer. 31:33; 32:39; Maheb. 10:16

Ezekieli 47:22

Mu ta gi avelana xikari ka nwina ni vamatiko lava va akileko zinwe na nwina hi ku gi hlahluva hi hlolo; a vamatiko va ta pswala vana xikari ka nwina, mu ta va hlaya kota zisumbulwa xikari ka vana va ka Israeli; va tava ni tshomba zinwe na nwina xikari ka tixaka ta ka Israeli. Levi 19:34

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Mateu 9:8

Laha vanhu va nga zi wona, va lo rewuka va dumisa Nungungulu, loyi a nyikileko ntamu wa kunghahi ka vanhu.

Mitiro 11:1

Kanilezi a vapostoli ni vamakabye lava va nga hi le Judia va lozwa lezaku a vamatiko kambe va amukele a mhaka ya Nungungulu. Gen. 49:10

Mitiro 14:27

Laha va nga wa chikele, va lo tsombanyisa a handla, va hlawutela zontlhe lezi Nungungulu a zi mahileko ha vona, ni lezaku i vululele a vamatiko a nyangwa ya kukholwa. Xip. 15:4, 12; 1 Kor. 16:9

Mitiro 15:3

Vona na va heleketilwe hi handla, va lo tsemakanya Fenikia ni Samaria, na va hlawutela hi kuhunzuluka ka vamatiko, va tsakisa nguvu a vamakabye. Xip. 14:27; Rom. 15:24; 1 Kor. 16:6

Mitiro 20:21

na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 21:20

Vona laha va nga wa zi zwile va lo dumisa Nungungulu, vaku ka yena: Makabye, hi nga wona a mazana-zana ya vaJuda va kholilweko, vona vontlhe va pinyamela a navo; Xip. 23:3; Rom. 10:2; Gal. 1:14

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Va le Roma 9:30

Zonake hi taku yini ke? Hi ngalo, a vamatiko lava va nga kala va nga hloti a kululama, va ku kumile, a kululama loku ku nga ka kukholwa.

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

2 Va le Korinte 7:10

Hakuva a wusiwana legi a gi ranzako Nungungulu gi vanga kuhunzuluka, loku munhu a nga hiko na ku ti sola ha kona, hakuva ka yisa kuhanyisweni; kanilezi a wusiwana ga misava gi vanga kufa. 2 Sam. 12:13; Jer. 31:18-20; Mat. 26:75; 27:4, 5

Va le Galatia 1:24

Vona va lo dumisa Nungungulu ha mina.

Joxua 22:30

Mupristi Finiasi, ni tihosana ta tlhangano, ni tinduna ta mazanazana ya ka Israeli, lava va nga wa hi zinwe na yena, na va zwile timhaka leto ti nga wulawulwa hi vanana va ka Rubeni, ni vanana va ka Gadi, ni vanana va ka Manasa, ti lo va tangalisa khwatsi.