Mitiro 10:34 - Tshwa Bible

³⁴ Pedro i lo vulula nomu wakwe, aku ngalo: Hakunene nza zi wona lezaku Nungungulu a nga hi na xihlawulela;

Mitiro 10:34 ပူးပေါင်းရင်းမြစ်များ

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Joba 34:19

Nungungulu a nga cuwuki xiyimo xa tihosana, A nga khataleli vafumileko ku hunza zisiwana; Hakuva vontlhe va hi ntiro wa mandla yakwe. Deut. 10:17; Miti. 10:34; Kol. 3:25

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mateu 5:2

Zonake i lo vulula nomu wakwe a va gonzisa, aku:

Luka 20:21

Va lo mu wutisa, vaku: Mugonzisi, ha zi tiva lezaku wena u wulawula u gonzisa hi kululamileko; a ku languti a dzumba ga munhu, kanilezi u gonzisa a ndlela ya Nungungulu hi zinene. Mat. 22:16; Mar. 12:14

Mitiro 10:33

Lezo nzi lo rumela ka wena; u mahile khwatsi lezi u tileko. Makunu hontlhe hi laha mahlweni ka Nungungulu, a kuzwa zontlhe lezi u layelweko zona hi Hosi.

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Mitiro 8:35

Filipu i lo vulula nomu wakwe, a sangula hi lowu mutsalo, a mu gonzisa ivangeli ya Jesu. Lu. 24:27

Va le Roma 2:11

Hakuva Nungungulu a nga na xihlawulela. Joba 34:19

Va le Roma 3:29

Xana Nungungulu i Nungungulu wa vaJuda voce ke? A hi Nungungulu wa vamatiko kambe ke? Ina, ngwa vamatiko kambe,

Va le Galatia 2:6

Kanilezi lava va tibyiwako hi lezaku mbamani (kutani mba ku yini, a hi nchumu ka mina; Nungungulu a nga cuwuki xiyimo xa munhu), nzi ngalo: Vona lava va nga vahombe a va nzi engetelangi nchumu. Xip. 6:3; Miti. 10:34; Rom. 2:11; 2 Kor. 2:11

Va le Efesusi 6:9

Na nwina venyi, mahani zalezo ka malanza ya nwina, mu tsika a ku va dzukisa; na mu tiva lezaku loyi a nga Hosi ya vona ni ya nwina i le tilweni, ni lezaku ka yena a ku na kuhlawulwa munhu. Kol. 4:1; 1 Ped. 1:17

Deuteronome 1:17

Mu nga lamuli hi ku cuwuka nghohe ya munhu; kanilezi nwina mu tazwa a timhaka ta ntsongwani kota timhaka ta wahombe; mu nga chavi xiyimo xa munhu, hakuva kulamula kuta hi ka Nungungulu. Loku yinwani mhaka yi mu tsanza, mu ta yi neha mahlweni ka mina nzi ta ta yizwa. Ekso. 18:26; 23:3; Jak. 2:9

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Va le Kolosi 3:11

Laho a ku na muGreki ni muJuda, ni xitshiva ni khuna, ni wamatiko ni muSkite, a khumbi ni loyi a tlhatlhekileko; kanilezi Kristu hi yena zontlhe, i kona ka vontlhe. Gal. 3:28

Va le Kolosi 3:25

Loyi a mahako kubiha i ta tlheliselwa hi kota ya kubiha loku a ku mahileko, hakuva a ku na kuhlawulwa munhu.

Jakobe 2:1

Vamakabye va mina, a kukholweni ka nwina hi Hosi ya hina Jesu Kristu, a Hosi ya kungangamela, mu nga hlawuli vanhu. Deut. 1:17; Mat. 22:16; 1 Kor. 2:8

Jakobe 2:4

Xana a mu mahi xihlawulela xikari ka nwina ke, muva Valamuli va nga ni maalakanyo ya kubiha ke?

Jakobe 2:9

Kanilezi ma onha loku mu hi ni kuhlawula vanhu, ma koniwa hi nayo lezaku mu vahambunyeti.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11