Mika 7:18 - Tshwa Bible

¹⁸ Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mika 7:18 ပူးပေါင်းရင်းမြစ်များ

Genesisi 4:7

Loku u maha khwatsi u nga ta tlakuswa ke? kanilezi loku u nga mahi khwatsi a xionho xi xiyelela nyangwe-ni, kuxuva ka xona ku ta kuva ka wena; kanilezi wena u ta xi fumela. Rom. 6:12

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

2 Kronekele 30:9

Hakuva loku nwina mu tlhelela ka Jehova, a vanakuloni ni vana va nwina va tava ni thomo mahlweni ka lava va va khomileko va yiswa wukhumbini, va ta wuyiswa lomu tikweni legi, hakuva Jehova Nungungulu wa nwina i tele hi tipswalo ni wuxinji; cima a nga ta mu fularela loku mu tlhelela ka yena.

2 Kronekele 6:21

Zwana a mikhongelo ya nanza ga wena ni ya vanhu va wena, a va ka Israeli, loku va khongela na va hi ka legi wutshamu; ingisa na u hi kwaleyo tilweni, wutshanwini lego u akileko ka gona: ingisa, u tsetselela!

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Tisimu 103:13

Khwatsi hi dadani a hawukelako a vanana vakwe, Hilezo Jehova wa va hawukela lava va mu chavako. Isa. 63:16; 64:8; Jer. 31:9

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Tisimu 35:10

A marambu ya mina wontihe ma taku: Jehova, himani a fananako na wena, Loyi a tlhatlhisako a xisiwana ka loyi a mu tlulako hi ntamu, Ina, loyi a tsimbeketilweko ni muvumali a ka loyi a mu wutlelako ke?

Tisimu 65:3

A zigoho zi nzi binzela mina, Kanilezi u ta tsetselela a zihambuko za hina.

Tisimu 65:4

I katekile a munhu loye wena u mu hlawulako, loye u mu tshinelako ka wena, Kasi a fela ku tshama ziluvelweni za wena. Hina hi ta xura hi malongo ya yindlu ya wena, Le wutshanwini go basa ga tempeli ya wena.

Tisimu 71:19

Nungungulu, a kululama ka wena ku tlakukile nguvu, U mahile zilo za hombe, Nungungulu, himani a ringanako na wena ke? Ekso. 15:11; 2 Sam. 7:22

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Tisimu 89:6

Hakuva himani le tilweni a nga ecanyiswako na Jehova? Himani xikari ka vana va Nungungulu a fananako na Jehova?

Tisimu 89:8

Jehova, Nungungulu wa tiyimpi, Himani a nga ni ntamu wo fanana ni wa wena, Jehova; A kutsumbeka ka wena ku ku ranzele.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 34:9

Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Isaya 33:24

A ku na muaki ni munwe a ta ngaku: Nza babya! A vanhu va akileko lomu va ta tsetselelwa zionho zabye. Joeli 3:10; Zak. 12:8

Isaya 38:17

A hlomulo loʼwa hombe wa mina wu nzi nehele kurula; Hi liranzo la wena u humesile moya wa mina rinzini ga kubola; Hakuva u hoxile zionho za mina zontlhe lenzhako ka wena.

Isaya 40:18

Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Isaya 40:25

Mu ta nzi fananisa na mani loyi nzi ta nga ringana naye ke? Ku wutisa Loyi a Basileko.

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 57:10

U wa karele hi ku famba nguvu, Kanilezi a ku na nga wula, uku: A zi vuni nchumu! U kumile ntamu wuswa, a ku rerekangi.

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Isaya 62:5

Hakuva khwatsi hilezi a jaha gi chadako nhwana, Zinghaho a vana va wena va ta tekana na wena; Ni kota lezi a muyeni a tsakelako muswika wakwe, Zinghaho a Nungungulu wa wena i ta ku tsakela.

Isaya 64:9

U nga zangari ku hunzisa, O Jehova, U nga hi alakanyeli kugoha kala kupinzuka! Kanilezi alakanya lezaku hina hontlhe hi vanhu va wena.

Isaya 65:19

Mina nzi ta tsaka hi Jerusalema. Nzi tsakela vanhu va mina; Cima ku nga ta ha zwala ka yena a gezu ga kurila, Hambu gezu ga tihuwa.

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 3:5

Xana i tava ni khulo gakwe kala kupinzuka ke? I ta simamisa nago kala magumo ke? Wena u wulile a zakunghahi, Kanilezi u maha zilo zi bihileko u kala u zi mbhetisa.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Jeremia 32:41

Nzi ta tangaliswa ha vona, nzi va katekisa; futsi nzi ta va zimeka tikweni legi hi mbilu ya mina yontlhe ni muhefemulo wa mina wontihe. Deut. 30:9

Jeremia 33:8

Nzi ta va basisa kubiheni kabye kontlhe loku va nzi onheleko ha kona; nzi va tsetselela a zigoho zabye zontlhe lezi va nzi vukeleko ha zona, lezi va nga hambuka ha zona mahlweni mina, Ezek. 36:25; Zak. 13:1; Miti. 10:43

Jeremia 38:8

Ebed-Meleki i lo huma ndlwini ya hosi, a ya wulawula ni hosi, aku:

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Ezekieli 18:23

Nzi wa ta tsakela a kufa ka loyi wa kubiha ke? ku wula Hosi Jehova, nzi nga tsakeli lezaku a hunzuluka ndleleni yakwe a hanya ke?

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 33:16

A ku na xionho ni xinwe xa lezi a zi mahileko xi ta nga alakanyiwa; i mahile lezi zi nga za nayo ni kululama, hizinene i ta hanya.

Danieli 9:9

A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Hosea 14:5

Nzi ta ku khwatsi nzi nzhokati ka Israeli; na yena i ta pfepfa ku fanana ni xitsangi, a tlhava mitsu ku fanana ni tisinya ta Lebanoni.

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Amosi 1:11

Jehova i ngalo: Hi kota ya zionho zinharu za Edome, kutani mune wa zona, nzi nga ta susa a xitsayiso, hakuva i hlongolisile a nakulobye hi supado, a nga mu zweli wuxinji, a simamisa ku zangara, a tshama ni khulo hi masiku. Gen. 27:40; Mitse. 20:20; Isa. 34:5

Amosi 7:8

Jehova aku ka mina: Amosi, xini u xi wonako? Mina nziku: Lingoti la xiringaniso. Zonake a Hosi yiku: Languta, nzi ta hayeka a lingoti la xiringaniso xikari ka vanhu va mina va ka Israeli; nzi nga ta ha va tsetselela kambe.

Amosi 8:2

Yena aku ka mina: Amosi, xini u xi wonako? Mina nziku: Xirunzu xo tala hi mihanzu yi buvileko. Zonake Jehova aku ka mina: A kugumelwa ka vanhu va mina va Israeli ku chikele. Nzi nga ta ha va tsetselela kambe. Am. 7:8

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

Zefania 3:17

Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.

Mitsengo 23:21

A nzi kumi khombo ka Jakobe, Hambu ni ku wona kukarateka ka Israeli. Jehova, Nungungulu wakwe, i zinwe na yena, I Hosi yabye leyi va mahako guwa ga ku yi tsakela.

Luka 15:32

Kanilezi zi wa fanele ku va hi tsaka ni ku nengela; hakuva a nakuloni loyi i wa file, kanilezi i tlhelile a hanya; i wa lahlekile, makunu i kumilwe.

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Va le Roma 11:4

A hlamulo ya Nungungulu yi te yini kakwe ke? Yi ngalo: Nzi ti siyele a 7,000 wa vavanuna lava va nga khizamangiko mahlweni ka Baali.

Deuteronome 33:26

O Jexuruni! A nga kona wa ku fanana ni Nungungulu, Loyi a tako ku ta ku vuna na khilele matilo; A wukulu gakwe gi tlakusilwe le marefini,

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.