Mika 7:11 - Tshwa Bible

¹¹ Hi siku ga kuaketwa ka makhurisi ya wena a mimbhingano ya wena yi ta tshinetwa kule.

Mika 7:11 ပူးပေါင်းရင်းမြစ်များ

Nehemia 2:17

Zonake nzi te ngalo kabye: Ma yi wona mhango leyi hi nga ka yona, lezi a Jerusalema gi hahlulisilweko zona, ni kuhiswa ka tivati hi nzilo. Ngonani hi ta vuxa a ligingisi ta Jerusalema, kasi hi nga have xihlekiso kambe.

Nehemia 2:8

ni papilo goya ka Asafa, a muhlayisi wa khwati ga hosi, kasi a fela ku nziha a tisinya to maha ha tona a timhanze ta tinyangwa ta khokhola ga yindlu ya Jehova, ni ta ligingisi la muti, ni ta yindlu leyi nzi ta nga tshama ka yona. A hosi yi lo nzi nyika, khwatsi hi lezi a canja ga ginene ga Nungungulu wa mina gi nga hi hehla ka mina.

Nehemia 4:3

Makunu Tobia a muAmoni, loyi a nga wa hi kusuhi naye, aku: Zaleziya va zi akako, loku a hlathi gi kanziha hehla ka zona, gi ta khungumula a ligingisi leliya la maribye.

Nehemia 4:6

Zinghaho hi lo aka a ligingisi; lontlhe li lo tlhangana laha xikari ka kutlakuka ka lona, hakuva a vanhu va wa ti tsitsiritile ntirweni lowo.

Isaya 54:11

O wena loyi u hlokiswako, u nzuliswako hi bhubhutsa, Na u nga hi na muchaveleli, Nzi ta ku akisa hi maribye ya lisima, Nzi aka a ziseketelo za wena hi masafire. Kuv. 21:19

Isaya 54:2

Anamisa a wutshamu ga tenda ga wena, U lehisa a tinguwo ta tenda ga wena; u nga chavi. Lehisa a tingoti ta wena, U tiyisa a timhingu ta wena.

Isaya 58:12

A vanhu va wena va ta tlhela va vuxa marumbi ya kale, Uta aketa a ziseketelo za kaleloko; U ta vitanwa lezaku Muvuxi wa makhurisi ma bhoxilweko Ni Mululamisi wa tindlela lezaku vanhu va aka laha tikweni.

Isaya 61:4

Va ta aketa a marumbi ya kale, Va ta vuxa a tigingisi ta kaleloko, Ni ku aka luswa a miti yi hahlulweko, Yi khungumulweko xikhatini xa kale.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.