Mika 6:8 - Tshwa Bible

⁸ Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Mika 6:8 ပူးပေါင်းရင်းမြစ်များ

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Genesisi 5:22

Anzhako kakuva a belekile Metusela. Enoki i lo famba zinwe na Nungungulu 300 wa malembe; a ka xikhati lexo i lo beleka varisanyana ni vanhanyana.

2 Kronekele 30:11

Hambu lezo, a vanwani va ka Axeri ni va ka Manasa ni va ka Zebuloni va lo ti koramisa vata Jerusalema.

2 Kronekele 32:26

Kanilezi laha Hezekia a nga wa ti koramisile kutikukumukiseni ka mbilu yakwe zinwe ni vanhu va Jerusalema, a zanga ya Jehova a yi tangi hehla kabye masikwini ya Hezekia.

2 Kronekele 33:19

A mukhongelo wakwe ni ku hlamuliwa ka wona, ni kuonha kakwe, ni kuhambuka kakwe, ni wutshamu legi a akileko ka gona a matshamu ma tlakukileko, ni laha a nga yimisa kona a zifananiso za Axtarte, ni zifananiso zi vatlilweko, na a nga se ti koramisa, zi tsalilwe lomu ka matimu ya vawoni.

2 Kronekele 33:23

Cima a nga ti koramisangi mahlweni ka Jehova, kota a raru wakwe Manasa a nga wa ti koramisile; kanilezi i lo hunzeleta kuonheni.

2 Kronekele 34:27

Kota lezi a mbilu ya wena yi olovileko, u ti koramisa mahlweni ka Nungungulu a siku legi u ngazwa a timhaka takwe xungetano ni wutshamu legi ni vanhu va kona, u hanzula a tinguwo ta wena u rila mahlweni ka mina, mina nzi ku zwile, ku wula Jehova.

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Tisimu 101:1

Nzi ta yimbelela hi wuxinji ni nongameto, Nzi yimbelela ha wena Jehova.

Tisimu 112:4

Lomu munyameni a wakululama i ta wona kuwonekela; Yena ngwa tipswalo, ni wuxinji, i lulamile.

Tisimu 112:9

Wa hana, a nyika ka lava va vumalako; A kululama kakwe ku simamisa kala kupinzuka; A limhonzo lakwe li ta tlakuswa hi wudzunzo. 1 Sam. 2:1; 2 Kor. 9:9

Tisimu 37:26

Wontihe masiku wa zwela wuxinji, a pembisa; A vana vakwe va katekisilwe. Lu. 6:34

Tisimu 73:28

Kanilezi zi nzi sasekele a ku tshama kusuhi ni Nungungulu; Nzi mahile Hosi Jehova a kuva wuchavelo ga mina, Kasi nza fela ku tlhatlhambutela a mitiro ya wena yontlhe.

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Isaya 56:1

Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. Rom. 13:11

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Jeremia 22:16

I lamule a mhaka ya lava va tsimbeketilweko ni ku vumala, Hi kota ya lezo i wa humelela. Xana lezo a hi ku nzi tiva ke? Ku wula Jehova,

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Jeremia 9:23

Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Ezekieli 33:14

Ni kambe, loku nziku ka wakubiha: Futsi u tafa; loku a hunzuluka xionhweni xakwe, a maha lezi zi nga za nayo ni kululama;

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Hosea 12:6

Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.

Hosea 6:6

Hakuva nzi ranza wuxinji, a nzi ranzi miphahlelo; ni ku tiva Nungungulu ka hunza a minyikelo ya kuhiswa. 1 Sam. 15:22; Mat. 9:13; 12:7

Levi 26:41

kota lezi minawu nzi hambene navo, nzi va yisa matikweni ya valala vabye; loku a timbilu tabye leti ti nga hiko minkwera ti ti solisa, ni loku va amukela zitsayiso za kuonha kabye,

Amosi 5:24

Kanilezi nongameto a wu khulunge khwatsi i mati, ni kululama kukotisa congo wu nga pswhiko.

Mika 6:9

A gezu ga Jehova gi huwelela mutini, loyi a tlharihileko i ta chava a vito ga wena! Zwanani hi nhonga ni loyi a yi leleteleko.

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Zakaria 7:9

Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

Mateu 5:3

Va katekile a zisiwana moyeni, hakuva mufumo wa le tilweni ngwabye. Lu. 6:20

Mateu 5:7

Va katekile lava va nga ni wuxinji, hakuva va ta mahelwa wuxinji. Tis. 41:1; Maheb. 6:10; Jak. 2:13

Luka 10:42

kasi xilo xinwe ntsena xi lavekako. Maria i hlawule a xiavelo xo saseka, lexi xi ta nga kala xi nga tekiwi ka yena.

Luka 11:42

Kanilezi khombo a give ka nwina vaFarisi; hakuva mu nyikela a za wukhume ka minte ni rue ni khubyanyi wontihe, kasi mu tsika nongameto ni kuranza ka Nungungulu; kanilezi mu wa fanele ku maha lezi, na mu nga tsikangi ku humesa leʼzo ranga. Mat. 23:23

Luka 12:14

Jesu aku ngalo kakwe: I sawe, himani a nzi vekileko a kuva mulamuli ni muavanyisi xikari ka nwina ke? Joh. 18:36

Luka 6:36

Ngha mu hi ni wuxinji, khwatsi hilezi a Raru wa nwina a nga ni wuxinji.

Va le Roma 7:16

Kanilezi loku nzi maha lezi nzi nga zi ranziko, nza vumela lezaku a nayo wu nene.

Va le Roma 9:20

Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8

1 Va le Korinte 7:16

Hakuva wena wasati, u zi tiva hikuyini lezaku u ta hanyisa a nuna wa wena ke? Na wena wanuna, u zi tiva hikuyini lezaku u ta hanyisa a sati wa wena ke? 1 Ped. 3:1

Va le Efesusi 4:32

Ngha mu hi ni wunene ka munwe ni munwani, mu zwelana wusiwana, ni ku tsetselelana, kota lezi Nungungulu kambe a nga mu tsetselela ha Kristu.

Deuteronome 27:10

Hikwalaho ingisa a gezu ga Jehova Nungungulu wa wena, u hlayisa milayo yakwe ni zileletelo zakwe lezi nzi ku leletelako inyamutlha.

Deuteronome 30:15

Cuwuka inyamutlha nzi vekile mahlweni ka wena a wutomi ni zinene, a kufa ni kubiha;

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

2 Va le Tesalonika 2:16

A Hosi ya hina Jesu Kristu, ni Nungungulu a Dadani wa hina, loyi a hi ranzileko, ni ku hi nyika a kutangaliswa ka pinzukelwa, ni kutsumba ko saseka hi tipswalo takwe, Kuv. 1:5

Jakobe 2:20

Xipumbu nzi wena, hikuyini u nga ranziko a ku tiva lezaku a kukholwa loku ku nga hava mitiro a ku vuni nchumu ke?

Joxua 24:14

Makunu chavani Jehova mu mu khozela hi ku kholeka ni zinene. Susani a vanungungulu lava a vararu va nwina va nga wa va khozela le tlhatuko wa congo ni le Gipite, mu khozela Jehova.

1 Pedro 3:8

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12

1 Samueli 12:23

Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7