Mika 5:7 - Tshwa Bible

⁷ A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Mika 5:7 ပူးပေါင်းရင်းမြစ်များ

2 Samueli 17:12

Kasi hina hi fela ku ya mu kuma kani hi kwihi laho a nga kona, hi mu pomela khwatsi hi nzhokati loku yiwa laha misaveni, kasi ku nga poni ni munhu munwe, hambu yena wutsumbu.

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Tisimu 133:3

Zi fanana ni nzhokati ya le Hermoni, Leyi yi welako zitsungeni za Zioni; Hakuva hi laho Jehova a rumako makatekwa, A wutomi kala kupinzuka.

Tisimu 72:6

I ta kota vula loku yina lomu magelweni, Kotisa a ti vula ti tsanisako misava.

Mavingu 19:12

A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,

Isaya 32:15

Kala loku a moya wu chululwe ka hina hi le hehla, Ni xiwula xi maha simu ga pfuno, Ni simu ga pfuno gi hunzuka gi maha xigwangwa. Ezek. 39:29; Joeli 2:28

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 55:10

Kota lezi a vula ni gapongo zi nako hi le tilweni, Zi nga tlheliko na zi nga se ku tsakamisa misava, Zi yi nonisa ni ku yi milisa, Kasi ya nyika mbewu ka mubyali, ni zakuga ka mugi;

Isaya 66:19

Nzi ta yimisa a xikombiso xikari kabye; lava va ta nga pona nzi ta va rumela matikweni, vaya le Tarxixi, le Pule, ni le Ludi, lava va fulako hi mawura, le Tubale, ni le Javane, ni le matikweni ya le kule le bimbini, lawa ma kalako ma nga se kuzwa a wudumo ga mina; vona va ta tlhatlhambutela a wukulu ga mina xikari ka matiko.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Ezekieli 14:22

Hambulezo ku tava kona a misalela ya varisanyana ni vanhanyana lava va ta nga pona. Langutani, va tata ka nwina, mu ta wona a mahanyela yabye ni zimaho zabye, zonake mu ta chavelelwa mu rivala a khombo legi nzi nga neha hehla ka Jerusalema, zi nga zontlhe lezi nzi mu neheleko zona.

Ezekieli 47:1

I lo nzi wuyisa nyangweni ya yindlu; laho nzi lo wona a mati na ma huma hi lahasi ka xipimbitsi xa nyangwa ya yindlu hi tlhelo ga Mutsuwuka-gambo, hakuva a yindlu yi wa cuwukile Mutsuwuka-gambo. A mati ma wa relela hi tlhelo ga xinene ga yindlu, a Dzongeni ga alati. Joeli 3:18; Zak. 13:1; Kuv. 22:1

Ezekieli 5:5

Hosi Jehova i ngalo: Hi loyi Jerusalema! nzi mu vekile xikari ka mifumo, a matiko ma mu ranzele.

Danieli 11:32

Hi mano yakwe i ta ti kokela lava va vukelako a xivumelwano; kanilezi lava va tivako Nungungulu wabye va tava ni ntamu va tira zihlamaliso.

Hosea 14:5

Nzi ta ku khwatsi nzi nzhokati ka Israeli; na yena i ta pfepfa ku fanana ni xitsangi, a tlhava mitsu ku fanana ni tisinya ta Lebanoni.

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Mika 4:13

Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18

Zakaria 14:8

Hi siku lego a mati ya xibuka xi nga pswhiko ma ta huma Jerusalema, a khihlanya ga wona ma ta khulungela bimbini ga Muhuma-gambo, a ginwani khihlanya gi khulungela bimbini ga Mupela-gambo. Ma tava tano laha ximunwini ni laha wuxikeni. Deut. 11:24; Joh. 4:14; Kuv. 22:1

Zakaria 9:13

Hakuva nzi ta kondla Juda a ku khwatsi i wura, Efraime a hi ligalala la kona; nzi ta vuxa a vana va Wena Zioni, va Vukela a vana va maGreki, nzi ku maha u fanana ni supado ya nhenha.

Mateu 28:19

hikwalaho fambani, mu va maha vapizani a matiko wontihe, mu va bapatiza hi vito ga Dadani ni ga Nʼwana ni ga Moya wa ku Basa; Isa. 52:10; Mar. 16:15; Kol. 1:23

Mitiro 11:15

Kota lezi nzi nga sangula ku kanela, a Moya wa ku Basa wu lo relela hehla ka vona, kota lezi wu nga mahisa zona ka hina kusanguleni.

Mitiro 13:46

Zonake Paule na Barnabasi va lo wulawula hi kutiya, vaku: Zi wa lavekile lezaku a mhaka ya Nungungulu yi kanelwa ka nwina kuranga. Kanilezi kota lezi nwina mu yi alako, mu ti lamula lezaku a mu fanelwi hi wutomi ga pinzukelwa, mangabye, hi hunzulukela ka vamatiko. Isa. 55:5; Mat. 10:6; 21:43; Rom. 1:16

Mitiro 16:9

Ni wusiku ku lo woneka a muwoniso ka Paule, wa wanuna wa le Makedonia a nga yima a mu khongotela, aku: Tlhatuka, uta leno Makedonia, u ta hi vunetela. Mitse. 12:6; Xip. 10:30

Mitiro 9:15

Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

Va le Roma 10:20

Na Isaya i tiyisa aku: Nzi lo kumiwa hi lava va nga kala va nga nzi lavi; Nzi ti wonekelisa ka lava va nga kala va nga wutiseli ha mina. Isa. 65:1

Va le Roma 11:12

Makunu loku a kuwa kabye ku fumisile tiko, ni kulahlekelwa kabye ku hi kufuma ka vamatiko, zi nga ta hunzisa nguvu loku va hunzuluka vontlhe ke? Jer. 13:4; Zak. 2:11

Va le Roma 9:30

Zonake hi taku yini ke? Hi ngalo, a vamatiko lava va nga kala va nga hloti a kululama, va ku kumile, a kululama loku ku nga ka kukholwa.

1 Va le Korinte 3:6

Mina nzi lo byala, Apolose a cheletela mati, kanilezi hi Nungungulu a nga milisa. Isa. 55:10; Miti. 18:4; 19:1

Deuteronome 32:2

A gonzo ya mina yi ta dona khwatsi i vula, A gezu ga mina gi ta tsakamisa khwatsi i nzhokati; Khwatsi i vula hehla ka byanyi go nyuka, Khwatsi manamula-nghala hehla ka byanyi!

Valamuli 6:36

Gideoni aku ka Nungungulu: Loku hakunene u ta ponisa Israeli hi canja ga mina, kota kuwula ka wena,