Mika 4:10 - Tshwa Bible

¹⁰ Wena nhanyana wa Zioni, lunwa u bayiseka, kukotisa a wasati loyi a nga xikhatini xa kubeleka; hakuva makunu u ta huma mutini u ya tshama khwatini, u chikela ni le Babuloni. Hi laho u ta nga tlhatlhiswa kona, laho Jehova i ta ku tirula canjeni ga valala va wena.

Mika 4:10 ပူးပေါင်းရင်းမြစ်များ

2 Tihosi 20:18

Va ta teka ni vana va wena lava va humako hi ka wena, va maha malanza lomu ndlwini ya hosi ya le Babuloni.

2 Tihosi 25:4

Zonake a ligingisi la muti li lo bhoxiwa, vontlhe vavanuna va yimpi va panzanyeka ni wusiku hi ndlela ya nyangwa, hi laha xikari ka makhurisi mambiri, kusuhani ni simu ga hosi. Va lo famba hi ndlela ya libala, a maKaldea na ma kari ma vimbezela a muti.

2 Kronekele 33:11

Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17

2 Kronekele 36:20

Lava va ponileko matlhari, i lo va gula a va yisa le Babuloni kasi va fela ku ya mu tirela, yena zinwe ni vanana vakwe, kala ku huma a mufumo wa Persia.

2 Kronekele 36:23

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava; i nzi leletele a kuva nzi mu akela a yindlu le Jerusalema lomu tikweni ga ka Juda. Ni wihi xikari ka nwina loyi a nga wa vanhu vakwe, Jehova Nungungulu wakwe ave zinwe naye, ngha a kanziha a famba kona!

Tisimu 106:10

A va ponisa mandleni ya vavengi, A va tirula mandleni ya valala.

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Isaya 45:13

Hi mina nzi vuxileko Kurusi kululameni ka mina, Nzi ta lulameta tontlhe tindlela takwe. I ta aka a muti wa mina, a tlhatlhisa vakhomilweko va mina, Na a nga zi mahi hi kota ya nzhiho kutani nchachazelo, Ku wula Jehova wa tiyimpi.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Jeremia 13:4

Teka a bhandi legi u gi xavileko, gi nga xiwunwini xa wena, suka uya Eufrate, u ya gi fihla seyo lomu kovotlweni wa ribye.

Jeremia 15:21

Nzi ta ku ponisa canjeni ga vakubiha, Nzi ku tirula mandleni ya lava va tihanyi.

Jeremia 29:20

Hikwalaho zwanani a mhaka ya Jehova, nwina nwentlhe mu nga wukhumbini, nwina nzi mu rumeleko hi Jerusalema kuya Babuloni.

Jeremia 4:31

Hakuva nzazwa a gezu go fanana ni ga wasati a lunwako, Na gi tsikwila kota wasati loyi a ha sangulako ku tewula. I gezu ga nhwana wa Zioni a hefemutekako ni ku nawuluta mandla yakwe, Aku: Yowe, Nzi file, a vadayi vata!

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 52:27

A hosi ya le Babuloni yi lo va daya le Ribla lomu tikweni ga Hamate. Zinghaho Juda i lo khonwa tikweni gakwe a yiswa wukhumbini.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Hosea 13:13

A kubayiseka ka wasati a lunwako ku ta wela hehla kakwe. Yena i nʼwana loyi a nga xipumbu, hakuva a nga humi kubelekiweni hi xikhati xa kona. 2 Tih. 19:3; Isa. 37:3

Hosea 2:14

Hikwalaho nzi ta mu kupeta nzi mu yisa xiwuleni, nzi wulawula ni mbilu yakwe.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Kuvululelwa 12:14

Ni wasati i lo nyikiwa a tipapa timbiri ta gama ga hombe, lezaku a fela ku purumela xiwuleni, a ka wutshamu legi a ta nga wundliwa kona a xikhati, ni zikhati zimbiri, ni khihlanya ga xikhati, a hi kule ni nyoka. Ekso. 19:4; Dan. 7:25; Xip. 17:3