Mika 3:12 - Tshwa Bible

¹² Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Mika 3:12 ပူးပေါင်းရင်းမြစ်များ

Tisimu 107:34

A misava yo nona a yi maha ya munyu, Hi kota ya kubiha ka vaaki va kona. Joeli 1:10

Tisimu 79:1

Nungungulu, a vamatiko va enghenile tshombeni ya wena, Va hanahanisile a tempeli ya wena ya kubasa, Jerusalema va gi mahile marumbi.

Isaya 32:14

Hakuva a ziluvelo zi ta tsikiwa, A muti lowu wu tlhomeneko vanhu wu ta maha rumbi. A xitsunga ni makhokhola ya valanguteli zi tava tinzawu kala kupinzuka, A wukhanelo ga zihari za khwati ni wuriselo ga mitlhambi;

Jeremia 17:3

O xitsunga xa mina lomu sinwini, nzi ta nyikela a nhunzu ya wena ni titshomba ta wena akuva zi phangiwa, zinwe ni matshamu ya wena ma tlakukileko, hi kota ya zionho lezi u zi mahileko tikweni ga wena gontlhe.

Jeremia 22:5

Kanilezi loku mu nga ingisi leti timhaka, nza hlambanya hi wutsumbu ganga, ku wula Jehova, lezaku a yindlu leyi yi tava rumbi.

Jeremia 22:6

Hakuva Jehova i wula xungetano hi leyi yindlu ya hosi ya ka Juda, aku: A ka mina u kotisa Gileadi ni hloko ya Lebanoni, Kanilezi nzi ta ku hunzula uva xiwula, A miti yi nga hiko na vanhu.

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Jeremia 35:17

hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Jeremia 44:2

Jehova wa tiyimpi a Nungungulu wa Israeli, i ngalo: Mu wonile a makhombo wontihe lawa nzi ma nehileko hehla ka Jerusalema ni miti yontlhe ya ka Juda. Hi nga wonani, inyamutlha yi mahile marumbi, a ka hi na munhu ka yona,

Jeremia 52:13

I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Mikosi 5:18

Hakuva a xitsunga xa Zioni xi hahlukile, A mahlolwa ma fambafamba hehla ka xona.

Mika 1:6

Hikwalaho nzi ta hunzula Samaria a maha a nhulu ya maribye lomu masinwini, lomu ku nga byaliwa kona a zivina. Nzi ta chulula a maribye ya kona le nkoveni, nzi funungula a ziseketelo za kona.

Mateu 24:2

Kanilezi yena aku kabye: A mu zi woni zontlhe lezi ke? Hizinene nziku ka nwina: Laha ku nga ta siyiwa a ribye ginwe hehla ka ginwani, legi gi ta nga kala gi nga khungumulwa 1 Tih. 9:7; Jer. 26:18; Lu. 19:44