Mavingu 8:17 - Tshwa Bible

¹⁷ Nzi ranza lava va nzi ranzako; ava va nzi lavisisako va nzi kuma.

Mavingu 8:17 ပူးပေါင်းရင်းမြစ်များ

2 Kronekele 34:3

Hakuva hi lembe ga wu 8 ga kufuma kakwe, na ha hi muswa, i lo sangula ku hlota Nungungulu wa dadani wakwe Davida. Hi lembe ga wu 12 ga kufuma kakwe i lo sangula ku basisa va ka Juda ni va le Jerusalema, a susa a tiyindlu ta matshamu ma tlakukileko, ni zifananiso za Axtarte, ni zifananiso zi vatlilweko ni lezi zi wumbilweko.

Tisimu 91:14

Khwatsi hilezi a nzi ranzako, nzi ta mu tlhatlhisa, Nzi ta mu hlayisa hakuva i tivile a vito ga mina.

Mavingu 1:28

Zonake va ta vitana ka mina, kanilezi cima nzi nga ta hlamula; a ta nzi lava, kanilezi va nga ta nzi kuma. Jer. 11:11; Ezek. 8:18; Mik. 3:4

Mavingu 2:4

Loku u ku hlota kukotisa siliva, ku lavisisa kukotisa tshomba yi fihlilweko,

Mavingu 2:5

Zonake u ta tiva ku chava Jehova, ta kuma wutivi ga Nungungulu.

Mavingu 4:6

U nga tsiki wutlhari, gi ta ku hlayisa, i ranze, gi ta ku hanyisa.

Mavingu 8:16

Hi kota ya mina a tihosana ta fuma, ahombe ni vontlhe valamuli va misava.

Mutshawuteli 12:1

Alakanya Muvangi wa wena masikwini ya wuswa ga wena, na ku nga se kuta a masiku ya kubiha, na ma nga se ku chikela malembe lawa u ta nga wula ha wona, aku; A nzi tsakiswi ha wona; Tis. 71:17; 119:9

Xizimba xa ka Solomoni 3:4

Na nza hi ku va hunza, Nzi lo kuma loyi a muhefemulo wa mina wu mu ranzako. Nzi lo mu khoma, a nzi mu tsikangi, Kala nzi mu yisa ndlwini ya mamani, Lomu tsawini ga loyi a nga nzi beleka.

Isaya 45:19

A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. Deut. 30:11; Joh. 18:20

Isaya 55:6

Hlotani Jehova na a ha kumeka, Mu vitaneni na a ha hi kusuhani!

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Marku 10:14

Laha Jesu na zi wonile, i lo tsanwa, aku kabye: Vumeleni a vanana a kuta ka mina, mu nga va beleteli; hakuva a mufumo wa Nungungulu ngwa va kunghahi. 1 Kor. 14:20; 1 Ped. 2:2

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

Johani 14:23

Jesu i lo mu hlamula, aku: Loku munhu a nzi ranza, i ta hlayisa timhaka ta mina; Dadani i ta mu ranza, zonake hi tata ka yena, hi tshama zinwe naye. 1 Joh. 2:24; Kuv. 3:20

Johani 16:27

hakuva yena Dadani wutsumbu wa mu ranza, hilezi mu nzi ranzile, mu kholwa lezaku nzi tile hi ka Dadani. Xip. 3:13; 14:21; 17:8

Johani 5:4

Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

1 Johani 4:19

Hina ha ranza, hakuva yena i lo ranga a hi ranza.

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.