Mavingu 27:20 - Tshwa Bible

²⁰ A Xeole ni Abaddoni cima a zi xuri, inghaho ni mahlo ya munhu cima a ma eneliswi.

Mavingu 27:20 ပူးပေါင်းရင်းမြစ်များ

Joba 26:6

A Xeole xipangwa mahlweni ka Nungungulu, Ni Abaddoni a gi siretiwi ka yena. Mav. 15:11; Maheb. 4:13

Mavingu 15:11

A Xeole ni Abaddoni zi le kuwoneni ka Jehova; guvunguvu a timbilu ta vana va vanhu. Joba 26:6; Maheb. 4:13

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Mavingu 27:19

Khwatsi hi nghohe yi wonekako lomu matini, yi fanana ni nwinyi wa yona, inghaho ni mbilu ya munhu yi fanana ni ya munwani.

Mutshawuteli 1:8

Zontlhe za karata, a munhu a nga zi koti ku zi tshawutela. A tihlo a gi kolwi hi ku wona, ni ndleve a yi eneliswi hi kuzwa.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Mutshawuteli 6:7

A ntiro wontihe wa munhu ngwa nomu wakwe; Hambu zi hi tano, a kunavela kakwe cima a ku eneliswi.

Isaya 5:14

Hikwalaho Xeole xi kulisile kunavela ka xona, Xi ahlamisile a nomu wa xona ku hunza mpimo, A vahombe va Jerusalema va ta relela kona, zinwe ni zidlemo zi mahako guwa, Ni vontlhe lava va tsakako kona.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Habakuka 2:5

Tlhatakumbiri, a vinya gi khohlisa, a wamatshanza a nga na ku tshamiseka mutini. I ahlamisa a nomu wakwe khwatsi Xeole, i na ni mahlokoti khwatsi hi lufo, wa ti tsombanyisela wontihe matiko, a ti hlengeletela tixaka tontlhe.

Hagai 1:9

Mu wa cuwukela zo tala, kanilezi mu kumile zitsongwani; ni laha mu nga zi neha kaya nzi lo zi buveta. Hikuyini, ku wula Jehova wa tiyimpi. Hi kota ya yindlu ya mina yi hahlukileko, laha a munwe ni munwani wa nwina a hatlisako ku aka a yindlu yakwe.

1 Johani 2:16

Hakuva zontlhe lezi zi nga laha tikweni: a kunavela ka nyama, ni kunavela ka mahlo, ni kutikulisa hi kota ya zilo za loku kuhanya, a ziti hi ka Dadani, kanilezi zita hi lomu tikweni.