Mavingu 22:23 - Tshwa Bible

²³ Hakuva Jehova i ta va yimela, ta lovisa lava va va wutlelako.

Mavingu 22:23 ပူးပေါင်းရင်းမြစ်များ

Tisimu 103:6

Jehova wa yimela hi nongameto Vontlhe lava va tsimbeketilweko.

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 12:6

A timhaka ta Jehova timhaka ti basileko, Ti khwatsi i siliva yi hlutilweko, Yi basisilweko ntlhanu ni mambiri makhati. 2 Sam. 22:31; Mav. 30:5

Tisimu 140:12

Nza tiva lezaku Jehova i ta lamulela lava va hlokiswako, Ni ku lulamisa a mhaka ya lava va vumalako.

Tisimu 140:13

Futsi, a vakululama va ta dumisa vito ga wena, Lava va lulamileko va ta tshama mahlweni ka wena.

Tisimu 35:1

Jehova, nzi yimele ka lava va nzi vukelako; Lwana ni lava va lwako na mina.

Tisimu 35:10

A marambu ya mina wontihe ma taku: Jehova, himani a fananako na wena, Loyi a tlhatlhisako a xisiwana ka loyi a mu tlulako hi ntamu, Ina, loyi a tsimbeketilweko ni muvumali a ka loyi a mu wutlelako ke?

Tisimu 43:1

Nungungulu, tsema mhaka ya mina, u nzi yimela Ka lixaka leli li nga hiko na wunene; Nzi hlangute ka vakhohlisi ni lava va nga lulamangiko.

Tisimu 68:5

I dadani wa zisiwana, tlhelo muyimeli wa tinoni, Nungungulu i lomu wuakelweni gakwe go basa. Deut. 10:18

Eksodusi 22:22

Mu nga dzuki mu xanisa a noni, hambu ni nwanana wa xisiwana.

Eksodusi 22:23

Loku u va xanisa, vona va rila ka mina, mina nzi ta va ingisa futsi,

Mavingu 21:7

A kuleva ka va kubiha ku ta va lovisa; akuva va ala ku maha zinene.

Mavingu 23:11

Hakuva a mutiruli wa xona i na ni ntamu; ta yimela a mhaka ya xona.

Isaya 33:1

Khombo ka wena loyi u onhako na cima wena u nga onhiwangi; Wena muphangi, loyi u nga phangiwangiko; Loku u mbhetile ku onha, u ta onhiwawu, Ni loku u mbhetile ku phanga, u ta phangiwawu!

Jeremia 30:16

Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Jeremia 50:34

Kanilezi a mutiruli wabye ngwa ntamu, loyi a vito gakwe a nga Jehova wa tiyimpi. Hizinene i ta va yimela mhakeni yabye, kasi a vanga kurula laha misaveni, a vindlukisa a vaaki va le Babuloni.

Jeremia 51:36

Hikwalaho Jehova! ngalo: Nzi ta ku yimela, nzi ku photela; Nzi ta maha bimbi gakwe gipswha, Nzi pswhisa ni hlowo yakwe.

Mika 7:9

Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Habakuka 2:8

Kota lezi u phangileko a matiko yo tala, hizalezo a matiko wontihe manwani ma ta ku phangawu, hi kota ya nkhata wa vanhu, ni hi kota ya mitiro ya kanu leyi u yi maheleko matiko ni miti ni ka vontlhe lava va akileko ka yona.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

1 Samueli 24:12

Jehova a ave mulamuli xikari ka mina na wena, a nzi photela ka wena; kanilezi a canja ga mina gi nga ta ku vukela.

1 Samueli 24:15

Jehova i tava mulamuli; i ta lamula xikari ka mina na wena! A nzi cuwuke, a tsanza mhaka ya mina, ni ku nzi ponisa lomu canjeni ga wena!

1 Samueli 25:39

Laha Davida a nga zwile lezaku Nabali i file, i te ngalo: A ku bongiwe Jehova loyi a nga vikela a mhaka ya mina le ka nanza gakwe a ku maha kubiha. Jehova i tlhelisele a kubiha ka Nabali hlokweni ya yena nwinyi. Zonake Davida i lo ruma a vanhu ka Abigaili a ku ya mu wutela yena.