Mavingu 14:10 - Tshwa Bible

¹⁰ A mbilu ya tiva kubayiseka ka yona; i munwani a nga ti enghenisi litsakweni la yona.

Mavingu 14:10 ပူးပေါင်းရင်းမြစ်များ

Genesisi 42:21

Vona va lo wulawulisana voce, vaku: Hakunene hi na ni nanzu ka nakulori, hakuva hi lo mu wona na a xaniseka Mbilwini yakwe, hi ala ku mu zwela wusiwana, laha a nga wa hi khongotela; hi kota ya lezo ha humelwa hi khombo ga kunghahi.

2 Tihosi 4:27

Zonake i lota ka munhu wa Nungungulu le xitsungeni a ta khoma milenge yakwe. Gehazi i lo tshinela laha kusuhani a ku ta mu tsikisa, kanilezi a munhu wa Nungungulu i te ngalo kakwe: Mu tsike, hakuva a muhefemulo wakwe wa karateka, kanilezi Jehova i nzi fihlele lezi zilo, a nga nzi tivisangi.

Joba 10:1

A muhefemulo wa mina wu karele hi kuhanya; Nzi ta nyika xikhati ka kutsanwa ka mina, Nzi ta wulawula hi kubayiseka ka muhefemulo wa mina.

Joba 21:25

Kasi a munwani afa hi hlokiselelo ya muhefemulo wakwe; Na a nga danjhangi hambu litsakwana titsongwani.

Joba 7:11

Hikwalaho cima nzi nga ta vala nomu wa mina; Nzi ta wulawula hi hlomulo wa moya wa mina, Nzi ta keta hi kubayiseka ka muhefemulo wa mina.

Joba 9:18

A nga nzi nyiki ni xikhati xa ku hefemula, Hakuva wa nzi xurisa hi kubayiseka.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Mavingu 15:13

A mbilu yi tsakileko yi nwayitanisa a nghohe; anilezi a kuxaniseka ka mbilu ku tshova muhefemulo.

Mavingu 18:14

A moya wa munhu wa mu tiyiseta gomeni gakwe; anilezi himani a nga zi kotako ku rwala a moya wu tshovekileko ke?

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Johani 12:27

Makunu a muhefemulo wa mina wa karateka; nzi ta kuyini ke? Dadani, nzi ponise ka lexi xikhati? Kanilezi hi xigelo lexi nzi tileko ka xona a xikhati lexi. Mat. 26:38; Lu. 12:50; 22:53

Johani 14:18

Nzi nga ta mu siya na mu hi zisiwana, nzi tata ka nwina. Mat. 28:20

Johani 14:23

Jesu i lo mu hlamula, aku: Loku munhu a nzi ranza, i ta hlayisa timhaka ta mina; Dadani i ta mu ranza, zonake hi tata ka yena, hi tshama zinwe naye. 1 Joh. 2:24; Kuv. 3:20

Va le Filipi 4:7

Zonake a kurula ka Nungungulu, loku ku nga hiko na kupimiwa, ku ta hlayisa a timbilu ta nwina ni maalakanyo ya nwina ka Kristu Jesu. Joh. 14:27; Rom. 5:1; Kol. 3:15

1 Pedro 1:8

loyi mu mu ranzako hambu lezi mu nga mu wonangiko; loyi mu kholwako ha yena hambu lezi mu nga mu woniko makunu, mu tsaka nguvu hi kutsaka loku ku nga wulekiko, loku ka hombe; Joh. 20:29; 1 Joh. 4:20

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

1 Samueli 1:10

A moya wa Hana wu wa karateka; i lo khongela ka Jehova, a tsikwila,

1 Samueli 1:15

Hana a hlamula, aku: Kokwihi, hosi yanga! Nzi wasati wa ku karateka mbilwini. A nzi nwangi vinya hambu byala, kanilezi nzo chulula a muhefemulo wa mina mahlweni ka Jehova.