Mateu 9:23 - Tshwa Bible

²³ Laha Jesu na a chikelendlwini ya mufumeli, i lo wona lava va ngaba tinjhele, ni lava va nga tsombene va hlaluka,

Mateu 9:23 ပူးပေါင်းရင်းမြစ်များ

2 Kronekele 35:25

Jeremia i lo chula lisimu lo rila Josia; a vayimbeleli va xinuna ni va xisati va lo wulawula a timhaka to rila Josia lomu tisinwini tabye kala nyamutlha. Va lo ti maha xileletelo lomu ka va ka Israeli. A timhaka leto ti tsalilwe lomu bhukwini ga tisimu ta Mikosi.

Jeremia 16:6

A vahombe ni vanana va tafa hi wumbiri gabye tikweni legi, na va nga lahliwi; a vanhu va nga ta va rilela, hambu ku ti tlhavela ni ku halula tihloko. Levi 19:28; Deut. 14:1; Mika 1:16

Ezekieli 24:17

Hefemuteka na u miyele, u nga mahi xirilo xa loyi a fileko; boha xihuku xa wena, u ambala zilato mikonzweni, u nga fenerigeti xilevu xa wena, u ngagi xibaba xa xirilo. Levi 10:6; 13:45; 2 Sam. 15:30; Mika 3:7

Mateu 11:17

Hi mu bele tinanga, kanilezi a mu kinangi; hi hlalukile, kanilezi a mu mahangi hlomulo.

Luka 7:32

Va fanana ni vanana va tshamileko wutshanwini go xavisa, va vitananako, vaku: Hi mu bele tinanga, kanilezi a mu kinangi; Hi hlalukile, kanilezi a mu rilangi.

Mitiro 20:10

Paule i lo relela, a korama hehla kakwe, a mu angarela, aku: Mu nga rili, hakuva a muhefemulo wakwe wa ha hi ka yena. 2 Tih. 4:34; Mat. 9:24

Mitiro 9:39

Pedro i lo suka a famba navo. Laha a nga chikele va lo mu yisa ndlwini ya le xitezi; zonake a tinoni tontlhe ti lota kakwe na ti rila, ti mu komba a mabhaji ni tinguwo lezi a nga zi rungile Dorkasi laha a nga ha hi navo.

Kuvululelwa 18:22

A gezu ga vabi va magubhu ni vayimbeleli, ni lava va bako maxava ni mimpunzu cima gi nga ta ha zwiwa ka wena kambe; cima ku nga ha ta kumiwa ka wena a meseri ni wa wihi ntiro; ni guwa ga xigayo gi nga ha ta zwakala ka wena kambe. Isa. 24:8; Ezek. 26:13