Mateu 6:24 - Tshwa Bible

²⁴ A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni Mamona. Lu. 16:13; Gal. 1:10; 1 Tim. 6:17

Mateu 6:24 ပူးပေါင်းရင်းမြစ်များ

Genesisi 47:17

Zonake va lo neha mitlhambi yabye ka Josefa, yena i lo va nyika zakuga, va lo neha ni mahaxi, ni tiyivu, ni tihomu, ni timbongola, zonake i lo va hanyisa hi mavele gontlhe lego lembe, hi ku xava zifuyo zabye zontlhe.

1 Tihosi 18:21

Elija i lota mahlweni ka vanhu vontlhe, a taku: Kala rini na ma ha yimile xikari ka maalakanyo mambiri ke? Loku Jehova a hi Nungungulu, mu lanzeleni; ni loku Baali a hi Nungungulu, lanzelani yena! A vanhu va lo miyela vaku hwi! Jox. 24:15; Vala. 6:31

2 Tihosi 17:41

Zinghaho a vamatiko lavo va lo chava Jehova, kanilezi na va kari va khozela a zifananiso zabye; ni vanana vabye kambe ni vazukulu vabye va lo maha khwatsi hi vararu vabye kala nyamutlha.

Ezekieli 20:39

Kasike a ka nwina va yindlu ya ka Israeli, Hosi Jehova i ngalo: Fambani nwentlhelele mu ya khozela zifananiso za nwina. Kanilezi anzhako ka lezo mu ta nzi ingisa, mu nga ha nyenyezisi a vito ga mina hi minyikelo ya nwina ni zifananiso za nwina.

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Luka 16:11

Hikwalaho loku mu nga tsumbekangi ka cuma xi nga lulamangiko, zonake himani a ta nga mu nyika ku lonzowota a tshomba yi nene ke?

Luka 16:13

A ku na nanza gi zi kotako ku tirela tihosi timbiri; hakuva gi ta venga yinwe, gi ranza yinwani; kutani gi ta namarela ka yinwe, gi kanyisa yinwani. Nwina a mu zi koti ku tirela Nungungulu ni Mamona. Mat. 6:24

Luka 16:9

Nziku ka nwina: Ti maheleni a maxaka hi cuma lexi xi nga lulamangiko; kasi loku xi mbhelile, va fela ku mu amukela mixaxeni ya pinzukelwa. Dan. 4:27; Mat. 6:19; 19:21

Va le Galatia 1:10

Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

2 Timote 4:10

hakuva Demasi i nzi tsikile, kota lezi a ranzako za nguva leyi, i yile Tesalonika; Kreseke i yile Galatia, na Titusi i yile Dalmatia. 1 Joh. 2:15; Kol. 4:14; File. 24

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8