Mateu 6:13 - Tshwa Bible

¹³ U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Mateu 6:13 ပူးပေါင်းရင်းမြစ်များ

Genesisi 22:1

Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

1 Tihosi 1:36

Zonake Benaia wa Jehoiada i lo hlamula, aku: Amen! A wulise zalezo Jehova Nungungulu wa hosi ya mina!

1 Kronekele 16:36

A ku khesiwe Jehova Nungungulu wa ka Israeli Kala kupinzuka ni kupinzuka! Zonake a vanhu vontlhe vaku: Amen! va dumisa Jehova.

1 Kronekele 29:11

Ga wena Jehova a wukulu ni ntamu, ni wudumo, ni kubasa, ni wuhosi, hakuva zontlhe lezi zi nga le tilweni ni laha misaveni za wena; a mufumo ngwa wena Jehova, wena loyi u tlakukileko, u hi hosi hehla ka zilo zontlhe! 1 Tim. 1:17; Kuv. 4:11; 5:12

1 Kronekele 4:10

Jabeza i lo khongela ka Nungungulu wa ka Israeli, aku: Loku u wa nzi katekisa, u engetela a mimbhingano ya mina, a canja ga wena giva zinwe na mina, u nzi vikela ka lezi zi bihileko, kasi nzi nga kumi hlomulo! Nungungulu i lo mu nyika lezi a zi kombeleko.

Tisimu 10:16

Jehova i Hosi kala kupinzuka ni kupinzuka; A vamatiko va lobyiswa tikweni gakwe.

Tisimu 106:48

A khesiwe Jehova, Nungungulu wa Israeli, Kusukela kusanguleni kala kupinzukeni! A vanhu vontlhe a va wule, vaku; Amen! Dumisani Jehova!

Tisimu 22:28

Hakuva a mufumo ngwa Jehova; Hi yena mufumeli wa matiko wontihe. Obad. v. 21; Mika 5:2

Tisimu 41:13

A bongiwe Jehova, a Nungungulu wa Israeli, Kusukela kupinzukeni kala kupinzuka! Amen, Amen!

Tisimu 47:2

Hakuva Loyi a Hunzeleleko Kutlakuka wa chaveka. Hi yena Hosi ya hombe laha misaveni yontlhe. Zak. 14:9; Mal. 1:14

Tisimu 47:7

Hakuva Nungungulu i Hosi ya misava yontlhe, Yimbelelani lisimu.

Tisimu 72:19

A gi khesiwe a vito gakwe ga hombe kala kupinzuka; A misava yontlhe ngha yi tala hi wudzunzo gakwe. Amen ni Amen!

Tisimu 89:52

A khesiwe Jehova kala kupinzuka, Amen ni Amen!

Eksodusi 15:18

Jehova i ta fuma kala kupinzuka.

Mavingu 30:8

A kuxengetela ni mawunwa ngha ziva kule na mina; nga nzi nyiki wusweti hambu wukosi; zi phamele zakuga lezi zi nzi ringanako. 1 Tim. 6:8

Jeremia 15:21

Nzi ta ku ponisa canjeni ga vakubiha, Nzi ku tirula mandleni ya lava va tihanyi.

Jeremia 28:6

muprofeti Jeremia aku: Amen! Jehova a mahe lezo. Ngha Jehova a tatisa a timhaka ta wena, leti u ti profetileko, ta ku wuyisa a zibya za yindlu ya Jehova, ni vontlhe va nga wukhumbini ga le Babuloni, va wuya laha.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 7:18

Kanilezi a vobasa va Loyi a Hunzeleleko Kutlakuka va ta nyikwa mufumo va fuma kala kupinzuka ni kupinzuka.

Mitsengo 5:22

ni mati lawa ma vangako nzhukano ma ta enghena lomu rumbyini ga wena, ma vimbisa a rumbu ga wena, ni ku wunisa a mahangaswa ya wena. A wasati i taku ngalo: A zive nghaho, a zive nghaho!

Mateu 26:41

Rinzelani, mu khongela, kasi mu nga engheni kuringweni; hakunene a moya wa vumela, kanilezi a nyama yi na ni gome. Mar. 13:33; Efe. 6:18

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Mateu 5:37

Kanilezi kuwulawuleni ka nwina, loku muku, Ina, a kuve ina; a Ahihi ava ahihi; kani hi xihi xa ku hunza lezi xita hi ka loyi wa kubiha. Kol. 4:6; Jak. 5:12 Ku ti photela.

Mateu 6:10

A wute mufumo wa wena. Kuranza ka wena a ku mahiwe misaveni, kota lezi ku mahiwako le tilweni.

Johani 17:15

A nzi kombeli lezaku u va susa tikweni, kanilezi lezaku u va hlayisa ka loyi wo biha. Gal. 1:4; 2 Tes. 3:3; 1 Joh. 5:18

1 Va le Korinte 10:13

A mu se nga humelwa hi nzhingo ahandle ka lowu munhu a wu kotako ku rwala; Nungungulu i tsumbekile, a nga ta vumela a kuva mu ringwa ku hunza a ntamu wa nwina; kanilezi i ta mu mahela a ndlela ya kupona loku wuta nzhingo, kasi mu ta zi kota ku wu rwala. Jer. 29:11; 2 Ped. 2:9

1 Va le Korinte 14:16

Hakuva loku u khesa Nungungulu hi moya ntsena, a munhu wa lahandle i ta wulisa kuyini aku, Amen, a kukheseni ka wena ke, kota lezi a nga zi tiviko lezi u zi wulako? Xip. 11:24

2 Va le Korinte 1:20

Hakuva hambu loku a zitsumhiso za Nungungulu zi ngava zingani, a Ina wa zona ku kona ka yena; hi kota ya lezo hi wula Amen ha yena, lezaku Nungungulu a dumiswa ha hina. Rom. 15:8, 9

Va le Galatia 1:4

loyi a nga ti nyikela hi kota ya zionho za hina, lezaku kasi a fela ku hi hlanguta ka nguva leyi ya kubiha, kotisa a kuranza ka Nungungulu a Dadani wa hina. Isa. 65:17; Joh. 15:19; 17:14; 1 Joh. 2:2

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

2 Va le Tesalonika 3:3

Kanilezi a Hosi yi tsumbekile, yi ta mu tiyisa, yi mu hlayisa ka loyi wa kubiha. Joh. 17:15

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

Maheberu 11:36

Vanwani va lo ringwa hi kutseketselwa ni kubiwa; ina, va bohiwa ni ku valelwa paxweni. Jer. 20:2

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9

Kuvululelwa 19:1

Anzhako ka lezo nzi lozwa a ku khwatsi i gezu ga hombe le tilweni, giku: Haleluya! A kuhanyisa, ni wudzunzo, ni ntamu zi lumba Nungungulu wa hina; Xip. 4:11; 7:10, 12; 11:15

Kuvululelwa 19:4

A 24 wa manghanakana ni mune wa zimahwa zi hanyako zi lowa hasi zi khozela Nungungulu loyi a tshamileko xitshanwini xa wuhosi, ziku: Amen, Haleluya! 1 Kro. 16:36; Neh. 5:13; Xip. 4:4, 6

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 21:4

I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26

Kuvululelwa 3:10

Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni. Isa. 24:17; Lu. 2:1; 2 Ped. 2:9

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5

Kuvululelwa 5:13

Ni zilo zontlhe zi vangilweko lezi zi nga le tilweni, ni za laha misaveni, ni lezi zi nga lahasi ka misava, ni lezi zi nga bimbini, ni zontlhe zi nga ka zona, nzi lo zizwa ziku: A kubongwa, ni wudumo, ni kukhesiwa, ni kufuma, a zive ka loyi a tshamileko xitshanwini xa wuhosi ni ka Yivana, kala kupinzuka ni kupinzuka. Fil. 2:10; 1 Tim. 6:16; Xip. 7:10