Mateu 5:25 - Tshwa Bible

²⁵ Hatlisa u vumelana ni loyi a ku kecarako na wa ha hi naye laha ndleleni; ku nga taku a mukecari wa wena a ku yisa ka mulamuli, a mulamuli a ku nyikela ka nyakasani u valelwa paxweni. Mav. 25:8; Lu. 12:58, 59

Mateu 5:25 ပူးပေါင်းရင်းမြစ်များ

Joba 22:21

Ti wuyiselane na Nungungulu, u ta kuma kurula; Hi lezo u ta kuma kutangala.

Tisimu 32:6

Hi kota ya lezo ngha vontlhe va lulamileko va khongela ka wena A xikhatini lexi wena wa ha kumiwako; Hakunene, laha a mati ya hombe ma khulungako ma nga ta chikela ka vona. Isa. 49:8; 2 Kor. 6:2

Mavingu 25:8

U nga tsutsumeli ku ti enghenisa kukanetisaneni, nga tsanzeka ku ti hlamulela hi magumo, aha a muakelane wa wena na ku wisa tingana.

Mateu 26:58

Pedro i lo mu lanzela hi le kule, aya hubyeni ya mupristi wa hombe; i lo enghena a tshama zinwe ni malanza, kasi ku wona kumbhela ka zona.

Luka 18:3

A mutini walowo ku wa hi ni noni, leyi yi ngata kanyingi kakwe, yi taku: Nzi lulamisele a mhaka ka nala wa mina.

2 Va le Korinte 6:2

hakuva i ngalo: Nzi ku ingisile a xikhatini xi faneleko, Nzi ku vunile hi siku ga kuhanyiswa. Langutani makunu hi xikhati xi faneleko, makunu hi siku ga kuhanyiswa. Isa. 49:8

Maheberu 12:17

Hakuva ma zi tiva lezaku anzhako loku a lavile ku kuma a tshomba yakwe ya kukatekiswa, i lo kanetwa hakuva a nga kumangi xikhati ku hunzulusa a mhaka, hambu lezi a nga kombela hi mihloti.

Maheberu 3:13

Khongotelanani a masiku ni masiku, loku ka ha wuliwa ku ngalo: Nyamutlha; kasi ku nga nonohiswi ni munwe wa nwina hi kukhohlisa ka kuonha.

Maheberu 3:7

Hikwalaho, kota lezi wu wulako a Moya wa ku Basa, wuku: Nyamutlha loku muzwa a gezu gakwe, Tis. 95:7