Mateu 5:19 - Tshwa Bible

¹⁹ Hikwalaho kani hi mani a ta nga hambunyeta munwe wa milayo leyi yi tsongwani, a gonzisa vanhu ku maha lezo, i ta hlayiwa loyi tsongwanyani mufunweni wa le tilweni. Kanilezi loyi a hlayisako milayo a yi gonzisa, i ta hlayiwa wahombe mufunweni wa tilo. Jak. 2:10

Mateu 5:19 ပူးပေါင်းရင်းမြစ်များ

Tisimu 119:128

Nza wona lezaku a zileletelo za wena zontlhe zi lulamile, Nzi venga a tindlela tontlhe ta mawunwa.

Tisimu 119:6

Zonake nzi nga tava na tingana, Laha na nzi chela kota hi zileletelo za wena.

Danieli 12:3

Lava va tlharihileko va ta ngangamela ku fanana ni tilo, ni lava va kokelako vanyingi kululameni va ta fanana ni tinyeleti kala kupinzuka ni kupinzuka. Mat. 13:43; 1 Kor. 15:41

Mateu 11:11

Hizinene nziku ka nwina: Xikari ka lava va belekilweko hi vavasati, a ku humangi wa hombe ku hunza Johani Mubapatizi; hambu lezo loyi a nga tsongwanyani mufunweni wa tilo ngwa hombe ku hunza yena.

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Mateu 20:26

Zi nga tava nghaho xikari ka nwina; kanilezi loyi a ranzako ku maha wahombe xikari ka nwina ngha a maha nanza ga nwina. Xip. 23:11; Mar. 9:35; 1 Ped. 5:3

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Luka 1:15

hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

Luka 11:42

Kanilezi khombo a give ka nwina vaFarisi; hakuva mu nyikela a za wukhume ka minte ni rue ni khubyanyi wontihe, kasi mu tsika nongameto ni kuranza ka Nungungulu; kanilezi mu wa fanele ku maha lezi, na mu nga tsikangi ku humesa leʼzo ranga. Mat. 23:23

Luka 9:48

aku ngalo kabye: Kani hi wihi a ta nga amukela a nwanana loyi tsongwanyani hi vito ga mina i amukela mina; ni loyi a nzi amukelako, i amukela yena loyi a nzi rumileko; hakuva loyi a nga tsongwani xikari ka nwina nwentlhe, hi yena a nga wa hombe, Mat. 10:40; Mar. 9:37; Joh. 12:44

Mitiro 1:1

Teofilu, a bhukwini go ranga nzi hlawutele zontlhe lezi Jesu a nga sangula ku zi maha ni ku zi gonzisa, Lu. 1:3

Va le Roma 3:8

Hikuyini hi nga wuliko hiku: A hi maheni kubiha kasi ku fela ku huma kusaseka? (kota lezi vanwani va hi hlevako vaku hi wula zona hina). A kukoniwa ka vakunghahi ku va ringene. Xip. 5:20

Va le Roma 6:1

Makunu hi taku yini ke? Hi ta simamisa kuonheni lezaku a tipswalo ti fela ku anza ke?

Va le Roma 6:15

Hi taku yini ke? Hi ta onha lezi hi nga hiko lahasi ka nayo, kanilezi hi lahasi ka tipswalo ke? Kokwihi! 1 Kor. 9:21

Deuteronome 12:32

Zontlhe lezi nzi mu leleteleko mu ta zi hlayisa, mu zi maha. Mu nga engeteli nchumu, ge ni ku hungula nchumu.

Deuteronome 27:26

Khombo a give ka loyi a nga khomisisiko a timhaka ta lowu nayo a ti maha! A vanhu vontlhe va ta hlamula, vaku: Amen! Dan. 9:11; Gal. 3:10

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

1 Johani 3:4

Ni wihi loyi a onhako i hambunyeta nayo; hakuva a kuonha hi ku hambunyeta nayo.

Kuvululelwa 2:20

Kanilezi nzi na ni xisolo lexi ha wena, lezaku u vumela Jezebeli, a wasati loyi a ti wulako ku muprofeti, a gonzisa ni ku xengetela a malanza ya mina a kuva ma bhaya, ni kuga nyama yi phahlelweko zifananisweni. Ekso. 34:15; 1 Tih. 16:31; Miti. 15:20

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.