Mateu 4:24 - Tshwa Bible

²⁴ A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Mateu 4:24 ပူးပေါင်းရင်းမြစ်များ

2 Samueli 8:6

Zonake Davida i lo veka mabutho ya tiyimpi takwe a ku hlayisa le Siria wa le Damasku; zonake a maSiria ma lo maha malanza ya Davida, va luva kakwe. Zinghaho Jehova i lo vunetela Davida ni kwihi laha a yako kona.

1 Tihosi 10:1

Laha a muzinza wa le Xeba a nga wa zwile a wudumo ga Solomoni xungetano ni vito ga Jehova, i lo ta mu ringa hi ziwutiso zo binza. Mat. 12:42; Lu. 11:31

1 Tihosi 4:31

I wa tlharihile ku hunza vontlhe vanhu; i wa hunza na Etana a muEzra, na Hemani, na Kalkola, na Darda, a vana va Mahola. Ni wudumo gakwe gi wa tibyiwa ka wontihe matiko.

1 Kronekele 14:17

Zonake a wudumo ga Davida gi lo hangalaka matikweni wontihe; na Jehova i lo maha a vito ga Davida gi chabyiwa hi matiko wontihe.

1 Kronekele 29:2

Nzi ti karatile hi ntamu wa mina wontihe nzi longisela a yindlu ya Nungungulu wa mina, a nzalama ya lezi zi ta ngava za nzalama; a siliva ya lezi zi ta ngava za siliva; a suku wa lezi zi ta ngava za suku; a ziketse za lezi zi ta ngava za ziketse; a tisinya ta lezi zi ta ngava za tisinya; a maribye ya berile, ni maribye lawa ma ta nga tlhatekelwa, ni maribye yo khazamula, ni maribye ya mivala ya tixakaxaka, ni tixaka tontlhe ta maribye ya malongo, ni marmore yo basa yo tala nguvu.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Mateu 12:22

Zonake ku lo tiswa: kakwe munwe loyi a nga hi ni dimoni, a nga xikhumu ni mbeveve, a mu hanyisa, lezo a mbeveve yi lo wulawula, yi tlhela yi wona. Mar. 3:11; Lu. 11:14

Mateu 14:1

Hi lexo xikhati Herodi loyi a nga hi mwamangulu i lozwa wudumo ga Jesu, Mar. 6:14; Lu. 9:7

Mateu 15:22

Zonake ku lota kakwe a wasati wa muKanani, a humako hi ka matlhelo lawo; i lo huwelela, aku: Nzi zwele wuxinji, Hosi, nʼwana, Davida; a nhanyana wa mina wa bayiseka nguvu hi madimoni.

Mateu 17:15

Hosi, mu zwele wuxinji a nʼwana wa mina, hakuva i nani zicira, wa xaniseka nguvu; zikhati zinyingi a wela nzilweni, ni zikhati zinyingi a wela matini, Mar. 9:14; Lu. 9:37

Mateu 17:18

Jesu i lo kawuka a dimoni, gi huma ka mufana, a hanyiswa xwalexo xikhati.

Mateu 4:23

Jesu i lo nzulanzula le Galilea gontlhe, na a gonzisa masinagogeni yabye, na a kanela ivangeli ya mufumo, a chuma tixaka tontlhe ta tinghumbe, ni tixaka tontlhe ta mababyi xikari ka vanhu. Xip. 24:14; Mar. 1:34; Lu. 4:14

Mateu 8:28

Laha na a chikele tlhatuko le tikweni ga vaGadara, i lo tlhangavetwa hi vanhu vambiri va nga hi ni madimoni, na va huma zilahleni; va wa leva nguvu, laha kakuva ku nga hi na munhu a nga tiya ku hunza hi ndlela leyo. Mar. 5:1; Lu. 8:26

Mateu 8:33

A varisi va makhumba va lo tsutsuma vaya mutini, va ya hlawutela zontlhe, nguvunguvu lezi zi mahekileko ka lava va nga hi ni madimoni.

Mateu 8:6

yiku: Hosi, a nanza ga mina gi etlele lomu ndlwini ya mina, gi file reve ga tlhelo, ga xaniseka nguvu.

Mateu 9:26

A wudumo ga kona gi lo zwala tikweni lego gontlhe.

Mateu 9:35

Jesu i lo nzulanzula mitini yontlhe ni zimitaneni, a gonzisa masinagogeni, na a kanela Ivangeli ya mufumo, a chuma tontlhe tixaka ta tinghumbe ni tixaka tontlhe ta mababyi. Mar. 6:6; Lu. 13:22

Marku 1:28

A wudumo gakwe gi lo hangalaka wutshanwini gontlhe ga le Galilea.

Marku 1:32

Laha gambyeni loku gi pelile, va lo neha kakwe lava va nga babya, ni lava va nga hi ni madimoni. Mat. 8:16; Lu. 4:40

Marku 2:3

Ku lo nehiwa kakwe a munhu loyi a nga file reve ga tlhelo, na a rwelwe hi mune wa vavanuna.

Marku 2:4

Laha va nga tsanzeka ku tshinela ka yena hi kota ya xidlemo, va lo tlhatlha a langwa la yindlu leyi a nga hi ka yona; laha na va li hoxile, va lo releta a lihlaka leli a nga etlele ka lona loyi a nga file reve ga tlhelo.

Marku 2:9

Hi xihi xi hehukako, a ku wula ka loyi a fileko reve ga tlhelo: A zionho za wena zi tsetselelwe, kutani ku ngalo: Suka, u teka sango ga wena, u famba? Mat. 9:5

Luka 2:2

A xitsalela lexi xo ranga xi lo mahiwa laha Kwiriniu a nga hi mwamangulu le Siria. Miti. 5:37

Luka 4:14

Jesu i lo tlhelela Galilea hi ntamu wa Moya; ni wudumo ga yena gi la su ga fenemete tikweni gontlhe ga leyo. Mat. 4:12; Joh. 4:43; Miti. 10:37

Luka 4:38

Zonake i lo huma sinagogeni, a ya enghena ndlwini ya Simoni; kanilezi a mukokati wa Simoni i wa babya hi feveri yo biha; ya lo mu khongotela ku mu vuna. Mat. 8:14; Mar. 1:29

Luka 5:15

Kanilezi hi kona gi nga hangalaka nguvu a wudumo ha yena; ni zidlemo za hombe zi lo tsombana kasi ku muzwa, ni ku hanyiswa wubabyini ga zona. Mat. 4:25; Mar. 3:7; Joh. 6:2

Luka 5:24

Kanilezi kasi mu fela ku zi tiva lezaku Nʼwana wa munhu i na ni ntamu misaveni ku tsetselela zionho, nziku ka wena u fileko reve ga tlhelo: Vuka, u teka lihlaka la wena, uya kaya ka nwina.

Luka 7:17

Ni mhaka leyi yi lo zwakala le Judia gontlhe ni matikweni wontihe ya leyo. Johani Mubapatizi a ruma vapizani ka Jesu.

Johani 10:21

A vanwani vaku: A magezu laya a hi ya munhu wo ngha a hi ni dimoni. Kunene a dimoni ga zi kota ku hanyisa mahlo ya zikhumu ke? Ekso. 4:11; Tis. 94:9; Xip. 9:6, 7

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Mitiro 15:23

Va lo tsala papilo, va famba nago, gaku: Hina vapostoli ni masingalakati ni vamakabye, ha losetela a ka vamakabye lava va nga vamatiko va le Antiokia, ni le Siria, ni le Kilikia, hiku:

Mitiro 15:41

I lo tsemakanya Siria ni Kilikia, na a tiyisa mabandla.

Mitiro 28:9

Laha ku nga wa mahekile lezo, vontlhe lava va nga hi ni tinghumbe lomo xihlaleni va lota, va ta hanyiswa.

Mitiro 8:7

Hakuva a mimoya ya kubiha yi lo suka ka vanyingi lava va enghenilweko hi yona, yiba huwa hi gezu ga hombe; ni vanyingi lava va nga hi ni wubabyi gofa reve ga tlhelo, ni zilema, va lo hanyiswa. Mar. 16:17

Joxua 6:27

Na Jehova i wa hi zinwe na Joxua, ni wudumo gakwe gi lo hangalaka tikweni gontlhe.