Mateu 27:4 - Tshwa Bible

⁴ aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Mateu 27:4 ပူးပေါင်းရင်းမြစ်များ

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

2 Tihosi 24:4

kambe hi kota ya nkhata lowu wu nga hiko na nanzu lowu a wu halatileko, hakuva i tatile a Jerusalema hi nkhata wu nga hiko na nanzu; hikwalaho Jehova a nga vumelangi ku tsetselela.

Joba 13:4

Kanilezi nwina mu vahembi va mawunwa, Mu tinʼanga ti nga vuniko nchumu.

Joba 16:2

Kanyingi nzi zwile timhaka ta kunghaho; Nwentlhe mu vachaveleli va nga vuniko nchumu.

Tisimu 94:21

Va hlengeletanela a muhefemulo wa loyi a lulamileko, Va kona lava va nga hiko na nanzu.

Eksodusi 12:31

Zonake i lo vitana Mosi na Aroni gona wusiku gwalego, aku ka vona: Sukani mu huma lomu tikweni ga mina, nwina ni vanana va ka Israeli, mu ya khozela Jehova khwatsi hi lezi mu wulileko.

Eksodusi 9:27

Zonake Faro i lo vitana Mosi na Aroni, aku ka vona: Makunu mina nzi onhile; Jehova i lulamile, mina ni vanhu va mina hi vaonhi.

Mavingu 12:8

A munhu i ta dzunziwa maringano ni wutlhari gakwe; anilezi loyi wa mbilu yi bihileko i ta nyenyiwa.

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

Jona 1:14

Hikwalaho va lo rila ka Jehova, vaku: Jehova ha ku kombela lezaku u nga hi lovisi hi kota ya wutomi ga wanuna loyi, u nga hi rwexi a nkhata wu nga hiko na nanzu: hakuva wena Jehova u mahile a kuranza ka wena.

Mateu 27:19

Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Luka 23:22

Pilatu aku ngalo kabye hi xikhati xa wunharu: Hikuyini, kubiha muni a ku mahileko ke? A nzi kumangi ka yena xigelo xaku i fanele kufa ha xona; hikwalaho nzi ta muba, nzi mu tlhatlha.

Luka 23:41

Hina zi hi ringene, hakuva hi amukela a nchachazelo wa mitiro ya hina; kanilezi loyi munhu a nga gohangi nchumu.

Luka 23:47

Laha a nduna ya zana yi nga wa wonile lezi zi mahekileko, yi lo dumisa Nungungulu, yiku: Hakunene, loyi i wa hi munhu a lulamileko. Mat. 27:54; Mar. 15:39

Johani 19:7

A vaJuda va lo hlamula, vaku; Hina hi na ni nayo, hi nayo lowu i yimelwe hi kufa, hakuva i ti mahile a Nʼwana wa Nungungulu. Levi 24:16; Mat. 26:65; Xip. 5:18

Mitiro 13:28

Hambu lezo va nga kala ku kuma nanzu ka yena wa kuva afa, va lo kombela Pilatu lezaku ngha a dayiwa.

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19

Titusi 1:16

Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

1 Pedro 1:19

na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9

1 Johani 3:12

hi nga koti Kana, loyi a nga hi nʼwana wa loyi wa kubiha, a daya nakulobye. Xana i lo mu daya hikuyini ke? Hilezi a mitiro yakwe yi wa bihile, ni ya nakulobye yi wa lulamile. Gen. 4:4, 8

Kuvululelwa 11:10

Ni lava va akileko misaveni va tava ni migiyo ha vona, va tsaka, va rumelana zinyikiwo; hilezi a vaprofeti lava vambiri va lo karata lava va akileko misaveni. Estere 9:19

1 Samueli 15:24

Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.

1 Samueli 15:30

Saule aku: Mina nzi onhile! Kanilezi nzi dzunze makunu mahlweni ka masingalakati ya vanhu va mina, ni mahlweni ka va ka Israeli, u tlhela na mina, kasi nza fela ku ya khizama mahlweni ka Jehova Nungungulu wa wena!

1 Samueli 19:5

Hakuva yena i ti enghenisile mhangweni a hlasela vaFilistia, na Jehova i hlulele vaIsraeli ha hombe. Wena u zi wonile ha wece u kala u tsakiswa ha zona. Makunu u ta mahisa kuyini ku onha hi nkhata lowu wu nga hiko na nanzu, u daya Davida ahandle ka xigelo?