Mateu 26:56 - Tshwa Bible

⁵⁶ Kanilezi zontlhe lezi zi maheka, kasi ku fela ku tatiseka a mitsalo ya vaprofeti. Zonake a vapizani vontlhe va lo mu siya, va tsutsuma. Jesu a lamuliwa hi mupristi wa hombe.

Mateu 26:56 ပူးပေါင်းရင်းမြစ်များ

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Mikosi 4:20

Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Danieli 9:26

Anzhako ka 62 wa maviki, loyi a totilweko i ta dawa, na a nga hi na muvaleti. A vanhu va hosi leyi yi ta ngata va ta hahlula a muti, ni wutshamu ga kubasa. A kugumelwa ka yona ku tava ku khwatsi yi dawa hi ntalo; ku tava ni yimpi kala kugumeseni, ku layilwe lezaku kuva ni kuhahlulwa.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Mateu 21:42

Jesu aku kabye: Xana a mu gonzangi Mitsalweni ku ngalo: A ribye legi gi nga aliwa hi vaaki, Gi mahile a hloko ya magumo; Lexi xi mahilwe hi Hosi, Xa hlamalisa mahlweni ya hina. Tis. 118:22; Miti. 4:11; Efe. 2:20

Mateu 26:24

A Nʼwana wa munhu wa suka kota lezi ku tsalilweko ha yena; kanilezi i khombo ka munhu loyi a ta nga nyikelwa hi yena! Ku wa hi chuko ka munhu loyi loku a wa nga belekwangi. Tis. 22; Isa. 53; Dan. 9:26

Mateu 26:31

Zonake Jesu aku ka vona: Nwina nwentlhe mu ta khubeka ha mina wusiku legi; hakuva kutsalilwe ku ngalo: Nzi taba murisi, ni tiyivu ta ntlhambi ti ta hangalaka. Zak. 13:7; Mar. 14:27

Mateu 26:54

Zonake yi ta tatiseka hikuyini a mitsalo, yi nge ngalo zi fanele ku maheka lezi ke? Isa. 53:7

Johani 16:32

Mangabye, xa hata xikhati, xi chikele ni lezi, xa kuva mu hangalaka, munwe ni munwani a famba kaya kakwe, mu nzi siya nzoce; kanilezi a nzi nzoce, hakuva Dadani i na mina. Mat. 26:31; Xip. 8:29; 20:10

Mitiro 1:16

Vamakabye, zi wa lavekile lezaku a Mutsalo wu tatiseka, lowu Moya wa ku Basa wu nga profeta hi kale hi nomu wa Davida ha Judasi, loyi a nga wa hi murangeli wa vona lava va nga khoma Jesu. Tis. 41:9; Joh. 18:3

Mitiro 2:23

loyi a nyikelweko ntanwini wa nwina, hi khungo gi tiyileko ga Nungungulu, ni kutiva kakwe ka kale; nwina mu mu belele, mu mu daya hi mandla ya zihunza-milayo. Lu. 24:44; Xip. 4:28

2 Timote 4:16

A kutihlamuleleni ka mina ko ranga ku wa nga hi kona munhu loyi a nga nzi yimela, kanilezi vontlhe va lo nzi tsika; ngha va nga hlayelwi nanzu lowo. Miti. 7:60