Mateu 24:17 - Tshwa Bible

¹⁷ loye a nga hehla ka yindlu a nga ha chiki a ku ya teka lezi zi nga lomu ndlwini yakwe;

Mateu 24:17 ပူးပေါင်းရင်းမြစ်များ

2 Samueli 11:2

Kute hi ginwani siku, laha gambyeni, Davida a vuka hi laha mubhedini wakwe, a fambafamba le hehla ka langwa la yindlu ya hosi, zonake na hi le langweni i lo wona a wasati na kari a hlamba; a wasati loye i wa sasekile nguvu.

Joba 2:4

Satani i lo hlamula Jehova, aku: Hlonge hi hlonge! Ina, zontlhe lezi munhu a nga nazo i ta zi humesela wutomi gakwe.

Mateu 10:27

Lezi nzi mu byelako munyameni, zi wulawuleni kuwonekeleni; ni lezi zi hlebyiwako tindleveni ta nwina, banani hungu ha zona le hehla ka tiyindlu.

Mateu 24:16

zonake lava va nga le Judia a va chavele zitsungeni;

Mateu 24:18

ni loye a nga le masinwini ngha a nga tlheli a ya teka a nguwo yakwe,

Mateu 6:25

Hikwalaho nziku ka nwina: Mu nga karatekeli a kuhanya ka nwina, lezaku mu taga yini, kutani mu tanwa yini; hambu ni miri wa nwina, lezaku mu ta ambala yini. A kuhanya a ku hunzi kuga ke, ni miri a wu hunzi a tinguwo ke? Tis. 55:22; Fil. 4:6; 1 Ped. 5:7

Luka 12:3

Hikwalaho zontlhe lezi mu zi wulawulileko munyameni zi ta zwiwa kuwonekeleni; ni lezi mu zi hlevele-neko zipetsweni za lomo xikari ka tiyindlu, zi ta biwa hungu zixungweni za tiyindlu.

Luka 5:19

Na va nga zi kotangi ku mu enghenisa hi kota ya xidlemo, va lo kanziha hehla ka yindlu, va susa titeya, va mu relelisa ni lihlaka lakwe xikari mahlweni ka Jesu.

Mitiro 10:9

Hi manziko wa kona, kota lezi va nga ha hi ndleleni, na va tshinela mutini, Pedro i lo kanziha hehla ka yindlu a ku ya khongela; ku wa hi hora ya wuntlhanu ni yinwe. Tis. 55:17; Xip. 11:5

Deuteronome 22:8

Loku u aka yindlu ya yiswa u ta yi bhiyela langwa la kona, kasi u nga ti vekeli a nkhata lomu ndlwini ya wena, loku afa munhu hi kuwa lahasi.

1 Samueli 9:25

Laha va nga wa relele hi le wutshanwini gi tlakukileko vaya mutini, Samueli i lo wulawula na Saule na va hi le hehla ka yindlu.