Mateu 13:22 - Tshwa Bible

²² Loyi a nga xwanyiwa xikari ka mizwa, hi yena loyi a zwako mhaka, kanilezi a kukaratekela a zilo za tiko, ni kukhohlisa ka xuma, ku tlimba a mhaka, lezaku yi nga pswali mihanzu. Jer. 4:3; Mar. 10:23

Mateu 13:22 ပူးပေါင်းရင်းမြစ်များ

Tisimu 52:7

Hi nga wona munhu loyi a nga tekangiko Nungungulu a kuva khokhola gakwe, A tsumba ntsena a wunyingi ga titshomba takwe, A ti tiyiseta lomu kubiheni kakwe.

Tisimu 62:10

Mu nga tsumbi tihanyi, Ge hambu ku ti kulisa hi wukhamba; Loku kufuma ku enzeleka, mu nga zi khataleli. Joba 31:24; Lu. 12:16; 1 Tim. 6:17

Mavingu 11:28

Loyi a tsumbako wukosi gakwe i tawa; anilezi a valulamileko va anza kukotisa liravi.

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Jeremia 4:3

Hakuva Jehova i ngalo ka vavanuna va ka Juda ni ka Jerusalema: Rimani a mafusi ya nwina, mu nga byali xikari ka mizwa,

Mateu 12:32

Kani hi wihi a wulawulako kubiha hi Nʼwana wa munhu i ta tsetselelwa; kanilezi kani hi wihi a wulawulako a vukela Moya wa ku Basa, cima a nga ta tsetselelwa a ka xikhati lexi, hambu ka xikhati xi tako. Joh. 7:12, 52; 1 Tim. 1:13

Mateu 13:39

a nala loyi a nga va xwanya hi Satani; a kutshovela hi kugumesa ka tiko; ni vatshoveli hi tingelosi. Joeli 3:13; Kuv. 14:15

Mateu 13:40

Kota lezi a nyasavari a hlengeletelwako a hiswa hi nzilo, ku tava nghaho kugumeseni ka tiko.

Mateu 13:7

Tinwani ti lo wela xikari ka mizwa: a mizwa yi kula, yi ti tlimba.

Luka 12:15

Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7

Luka 12:21

Zinghaho ni loyi a ti veketelelako a tshomba, na a nga fumangi hi ka Nungungulu. Mat. 6:20; 1 Tim. 6:18, 19

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

Luka 8:14

Ni leti ti weleko mizweni, hi vona lava va zwileko; kanilezi loku va ti fambela va tlimbiwa hi kukaratekela, ni kufuma ni kutsaka ka kuhanya loku; a va pswali mihanzu yi kala yi buva.

Mitiro 8:18

Laha Simoni a nga wona lezaku a Moya wa ku Basa wa nyikiwa hi kutlhatekwa ka mandla ya vapostoli, i lota kabye ni mali,

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

1 Va le Korinte 1:20

I kwihi loyi a tlharihileko? I kwihi loyi a tivako mitsalo? I kwihi a mukaneti wa nguva leyi? Xana Nungungulu a nga mahangi a wutlhari ga misava giva wupumbu ke? Isa. 33:18; 44:25

1 Va le Korinte 2:6

Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15

1 Va le Korinte 2:8

A wutlhari legi a tihosi ta nguva leyi a ti gi tivi; hakuva loku ti wa gi tivile, ngha ti nga belelangi a Hosi ya kungangamela. Miti. 13:27

1 Va le Korinte 3:18

Ngha na munhu a nga ti kanganyisa Loku munwani wa nwina a alakanya lezaku i tlharihile hi wutlhari ga nguva leyi, ngha a maha xipumbu, kasi a fela ku tlhariha.

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

Va le Galatia 1:4

loyi a nga ti nyikela hi kota ya zionho za hina, lezaku kasi a fela ku hi hlanguta ka nguva leyi ya kubiha, kotisa a kuranza ka Nungungulu a Dadani wa hina. Isa. 65:17; Joh. 15:19; 17:14; 1 Joh. 2:2

Va le Efesusi 2:2

lezi mu nga famba ha zona kale, kukotisa a mahanyela ya misava leyi, mu lanzela a hosana ya mintamu ya lomu ndengelengeni, wu nga moya lowu wu tirako makunu ka lava va nga ingisiko. Kol. 3:6; 1 Joh. 5:19

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

2 Timote 4:10

hakuva Demasi i nzi tsikile, kota lezi a ranzako za nguva leyi, i yile Tesalonika; Kreseke i yile Galatia, na Titusi i yile Dalmatia. 1 Joh. 2:15; Kol. 4:14; File. 24