Mateu 11:29 - Tshwa Bible

²⁹ Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Mateu 11:29 ပူးပေါင်းရင်းမြစ်များ

2 Kronekele 10:11

Hakuva dadani i wa mu rwexile mikhinyavezo yo binza, kanilezi mina nzi ta engetela ku yi binzisa; dadani i wa mu tsayisa hi tshilani, mina nzi ta mu tsayisa hi tihume!

Tisimu 116:7

Tlhelela kuhumuleni ka wena, muhefemulo wanga, Hakuva Nungungulu i ku katekisile.

Tisimu 131:1

Jehova, a mbilu ya mina a yi kukumukangi, Ge ni mahlo ya mina, a ma tlakukangi; A nzi yangi timhakeni ta hombe, Leti ti nzi hlulako hi wukulu ga tona.

Mavingu 3:17

A tindlela ta gona tindlela ti tsakisako, i tisoko ta gona ti tele hi kurula.

Isaya 28:12

Lava a nga va byela, aku: A humulo hi gwalegi, Tsikani vakareleko va humula; Laha ku kona kurula, kanilezi a va layangi kuzwa. Jer. 6:16; Mat. 11:28; 23:37

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mitsengo 12:3

Kanilezi inaloyi Mosi i wa hi munhu wo rula nguvu ku hunza vanhu vontlhe va nga laha misaveni.

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Mateu 7:24

Hikwalaho kani hi mani loyi a zwako a timhaka leti ta mina, a ti maha, i ta fanana ni munhu a tlharihileko, loyi a nga aka yindlu yakwe laha ribyeni. Lu. 6:47

Luka 8:35

A vanhu va lo huma a ku ya wona lezi zi mahekileko; laha va nga chikela ka Jesu, va lo kuma a munhu loyi ma humileko ka yena a madimoni, na a tshamile mikonzweni ya Jesu, a ambele, a hi ni kupima kunene; va lo chava.

Johani 13:15

Hakuva nzi mu nyikile xikombiso, kasi na nwinawu ma fela ku maha kota lezi nzi mahileko ka nwina. Fil. 2:5; 1 Ped. 2:21; 1 Joh. 2:6

Johani 13:17

Loku mu tiva a timhaka leti, mu katekile loku mu ti maha. Jak. 1:25

Mitiro 7:37

Hi yaloye Mosi a ngaku ngalo ka vanana va ka Israeli: Nungungulu i ta mu vuxela a muprofeti wo kota mina xikari ka vamakabye va nwina. Deut. 18:15

1 Va le Korinte 9:21

Ka vona lava va nga hiko na nayo, nzi wo khwatsi a nzi na nayo (na nzi nga hi loyi a nga hava nayo wa Nungungulu, kanilezi na nzi hi nayweni wa Kristu), kasi nza fela ku kuma lava va nga hiko na nayo. Rom. 2:12; Xip. 7:22; Gal. 3:2

2 Va le Korinte 10:1

Mina Paule wutsumbu nza mu khongotela hi wunene ni kurula ka Kristu, mina loyi nzi ti koramisako loku nzi hi xikari ka nwina, kanilezi loku nzi hi hava nzi maha wurena ka nwina. Rom. 12:1

2 Va le Korinte 10:5

Hi hangalasa a maalakanyo, ni tigingisi tontlhe leti ti tlakukileko to bhiyela a kutiva ka Nungungulu, hi khozisa a maalakanyo wontihe mava tikhumbi ta ku ingisa Kristu; 1 Kor. 1:19; 3:19

Va le Filipi 2:5

Ngha mu hi ni kupima loku a nga hi nako Kristu Jesu; Joh. 13:15

1 Va le Tesalonika 4:2

Hakuva ma yi tiva a milayo leyi hi nga mu nyika yona ha Hosi Jesu,

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

1 Johani 2:6

Loyi a wulako aku i tshama ka yena, i yimelwe hi ku famba kota lezi yena a nga fambisa zona. Mat. 11:29; Joh. 15:4, 5; 1 Ped. 2:21