Malaki 4:1 - Tshwa Bible

¹ Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Malaki 4:1 ပူးပေါင်းရင်းမြစ်များ

Joba 18:16

A mitsu yakwe yi ta oma lomu hasi; Ni le hehla a maravi yakwe ma ta tsemiwa.

Tisimu 119:119

U susa vontlhe vakubiha va misava khwatsi makaha, Hikwalaho nza ranza a zikhumbuxeto za wena.

Tisimu 37:9

Hakuva a vamahi va kubiha va ta lobyiswa; Kanilezi lavo va rinzelako ka Jehova va taga tshomba ya tiko.

Eksodusi 15:7

Hi wukulu ga wuhosi ga wena, Wa hangalasa lava va ku vukelako; U humesa a zanga ya wena, Yi va hisa kota byanyi.

Isaya 40:24

Na va ha ku byaliwa, na va ha ku xwanyiwa, A tshinya gabye na ga ha tlhava mitsu misaveni, Loku a pupuxa hehla ka vona va wuna, Ni xipupuri xi va kukuleta ku fana ni mungu.

Isaya 41:2

Himani a vuxileko munhu hi Mutsuwuka-gambo, Loyi a hlulako ni kwihi a yako kona? A wuya a mu nyika matiko ni ku khozisa tihosi? Himani a hunzulako tisupado ta tona tiva ntshuri, Ni mawura yabye ma maha mungu wu kukuletwako hi mheho?

Isaya 47:14

Langutani, va taku khwatsi i byanyi, A nzilo wu ta va hisa; Va nga ta ti ponisa ntanwini wa langavi. A hi makhala yo ti kufumeta ha wona, A hi nzilo wa ku wora.

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Ezekieli 20:38

Nzi ta phaka xikari ka nwina a vahluwuki ni lava va nzi fularelako, nzi va humesa a tikweni legi va luvelako ka gona; kanilezi va nga ta enghena tikweni ga ka Israeli: mu ta zi tiva lezaku hi mina Jehova.

Ezekieli 21:32

Wena u ta maha tihunyi ta nzilo, a nkhata wa wena wu ta khulungela xikari ka tiko; u nga ta ha alakanyiwa kambe, hi mina Jehova nzi zi wulileko.

Ezekieli 24:11

Zonake yi kungete laha ka makhala ya nzilo na yi hi phanga, kasi ya fela ku hisa, wuswa a suku wa kona, kasi a chaka ga yona gi ta nyeka, kuswa a kutshutshumbala ka yona.

Ezekieli 34:17

Loku ku hi nwina, ntlhambi wanga, Hosi Jehova i ngalo: Nzi ta lamula xikari ka tiyivu ni tiyivu, ni xikari ka tihamba ni timhongo. Mat. 25:32

Ezekieli 7:10

Languta a siku, languta gata. A khombo ga wena gata; a liravi li pfepfile, a matshanza ma balekile. Isa. 10:5

Joeli 2:1

Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Amosi 2:9

Kasike hi mina nzi lovisileko a maAmori mahlweni kabye, lava kuleha ka vona ku nga ringana ni kuleha ka tisedare, na va hi ni ntamu wo fanana ni wa mitule; kasike nzi lovisile a mihanzu yabye le hehla ni mitsu yabye lahasi. Deut. 2:33; Jox. 24:8; Vala. 11:23

Obadia 1:18

A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.

Nahume 1:10

Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.

Zefania 1:14

A siku ga hombe ga Jehova gi kusuhani, ga tshinela hi xihatla. Hi nga zwani, a siku ga Jehova hi legi! A tinhenha ta rila ti tsikwila!

Zefania 1:18

A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.

Zakaria 14:1

Languta, gata a siku ga Jehova, legi ku ta nga avanyiswa ha gona a muphango wa wena xikari ka wena.

Malaki 3:15

Makunu hi ngalo a vamatshanza va katekile. Ina, va vuvuma lava va mahako kubiha; va phika Nungungulu, va huluka.

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Malaki 3:2

Kanilezi himani a nga tiyelako a siku ga kuta kakwe? Himani a ta nga yima a kutani kakwe? Hakuva yena i ta kotisa a nzilo wa munyekisi, ni ku kotisa a sabawu ya vahlazi.

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Malaki 4:5

Langutani, nzi ta mu rumela muprofeti Elija hi mahlweni na gi nga se kuta a siku ga Jehova, leʼga hombe gi chavisekako. Mat. 11:14; Mar. 9:11; Lu. 1:17

Mateu 3:12

A lihlelo lakwe li le canjeni gakwe, yena i ta swiyelisisa a wuhulelo gakwe, a hlengeletela a mavele yakwe magombeni yakwe, kanilezi a mungu i ta wu hisa hi nzilo wu nga timekiko. Mal. 3:3; Xip. 13:30

Luka 19:43

Hakuva a masiku ma tata hehla ka wena, laha a valala Va wena va ta nga ku bhiyela, va ku ranzela, va ku valela matlhelweni wontihe. Isa. 29:3, 4; Jer. 6:3, 6

Luka 21:20

Kanilezi loku mu wona Jerusalema na gi ranzelwe hi tiyimpi, pimani lezaku a kuhangalaka ka gona ku le kusuhani. Mat. 24:15; Mar. 13:14

Luka 6:23

Tsakani hi lego siku, mu maha migiyo; hakuva ngwa hombe a nchachazelo wa nwina le tilweni; hakuva hi mahela legi a vararu vabye va lo xanisa a vaprofeti. Mat. 5:12; Miti. 5:41; Kol. 1:24

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

2 Pedro 3:7

Kanilezi a matilo laya ma nga kona makunu, ni misava, zi hlayiselwe nzilo hi gezu gwalego, zi gongelwa a siku ga kulamulwa ni ga kulobyiswa ka vanhu, lava va nga chaviko Nungungulu. Mat. 25:41