Malaki 3:7 - Tshwa Bible

⁷ Kusukela masikwini ya vararu va nwina mu hambukile milayweni ya mina, a mu yi hlayisangi. Tlhelelani ka mina, na mina nzi ta tlhelela ka nwina, ku wula Jehova wa tiyimpi. Kanilezi nwina mu ngalo: Hi ta tlhelela yini?

Malaki 3:7 ပူးပေါင်းရင်းမြစ်များ

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Jeremia 16:11

Zonake u taku kabye: A vararu va nwina va nzi tsikile, ku wula Jehova, va lanzela a vanwani vanungungulu, va va tirela ni ku va khozela; va nzi tsikile, a va gongangi a nayo wa mina.

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Jeremia 7:25

A kusukela a siku legi a vararu va nwina va nga suka le tikweni ga Gipite kala lezi a siku ni siku na ga hi mixo nzi rumele ka nwina a malanza ya mina wontihe, va nga vaprofeti. 2 Kro. 36:15

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Ezekieli 2:3

Aku ka mina: Nʼwana wa munhu, Nza ku ruma ka vana va ka Israeli, a ka mifumo leyi yi hluwukileko, leyi yi nzi vukelako. Vona hi vadadani vabye va nzi gohele kala ni lezi.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Ezekieli 20:21

Kanilezi a vana vabye va lo nzi hluwuka; a va hlayisangi a milayo ya mina, va alile a zileletelo za mina, lezi a munhu a ta nga hanya ha zona loku a zi maha; va lo nyenyezisa a masabado ya mina. Zonake mina nziku nzi ta chulula a zanga ya mina hehla ka vona, nzi tira hi khulo ga mina kabye lomu xiwuleni.

Ezekieli 20:28

Hakuva laha nzi nga va enghenisile a tikweni legi nzi nga hlambanya lezaku nzi ta va nyika gona, a ka xihi xitsunga xo tlakuka va nga xi wona, ni ka tontlhe tisinya to tlhuma va lo mahela ka zona a miphahlo yabye, va nzi zangarisa hi minyikelo yabye; va hisa kambe ni muri wa masema yo nuhela, va chulula kona a minyikelo yabye ya kunwa.

Ezekieli 20:8

Kanilezi va lo nzi hluwuka, va nga vumeli ku nzi ingisa; a munhu ni munhu a nga cukumetangi a manyalataniso ya mahlo yakwe, ge hambu ku tsika a zifananiso za Gipite. Zonake nziku, nzi ta chulula a zanga ya mina hehla kabye, nzi tira hi khulo ga mina kabye lomu tikweni ga Gipite.

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Zakaria 1:3

Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Malaki 3:13

A magezu ya nwina ma wa nzi vukela hi ntamu, ku wula Jehova. Kanilezi mu ngalo: Zini hi zi wulileko zo vukela wena?

Mateu 23:27

Khombo a give ka nwina vatsali ni vaFarisi, nwina vaxengeteli! Hakuva mu fanana ni zilahla zi basisilweko, lezi zi wonekako na zi sasekile khwatsi hi lahandle, kanilezi lomu nzeni na zi tele hi marambu ya vanhu va fileko, ni kungahlazeki kontlhe. Lu. 11:44; Miti. 23:3

Luka 15:16

I lo navela ku xura hi makamba lawa ma giwako hi makhumba; kanilezi a nga nyikwangi hi munhu.

Va le Roma 10:21

Kanilezi hi tlhelo ga Israeli i ngalo: Gontlhelele siku nzi nawulutile a mandla ya mina ka vanhu va nga ingisiko, lava va kanetako;

Va le Roma 10:3

Hakuva va wa kohlwa hi kululama ka Nungungulu, na va lava ku ti yimisela a kabye kululama, a va ti koramisangi kululameni ka Nungungulu.

Va le Roma 7:9

Nzi wa kari nzi ti hanyela handle ka nayo; kanilezi na ku chikele a kulaya a kuonha ku lo vuka, zonake mina nzi lofa;

Deuteronome 31:20

Hakuva nzi ta va chiketa tikweni legi nzi hlambanyileko ka vararu vabye a ku va nyika, a tiko gi khulungako masi ni wulombe; laha va ta ngaga va xura, va kuluka, va ta sangula ku hunzulukela vanwani vanungungulu va va khozela, va nyenya mina, va hambunyeta xivumelwano xa mina.

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22