Malaki 3:17 - Tshwa Bible

¹⁷ Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Malaki 3:17 ပူးပေါင်းရင်းမြစ်များ

Nehemia 13:22

Nzi lo byela vaLevi lezaku va ti basisa, ni kuva vata va ta hlayisa tinyangwa, kasi ku basisa a siku ga sabado. Nungungulu wa mina, nzi alakanye kambe hi lezo, nzi lonzowote hi wukulu ga wuxinji ga wena!

Tisimu 115:13

Yena i ta katekisa lava va chavako Jehova, Vontlhe vatsongwani ni vahombe.

Tisimu 135:4

Hakuva Jehova i ti hlawulele Jakobe, Na Israeli lezaku ave tshomba yakwe. Ekso. 19:5; Deut. 7:6

Eksodusi 19:5

Makunu lezi, loku mu ingisa a gezu ga mina, mu hlayisa a xivumelwano xa mina, mu tava tshomba ya mina nwinyi ku hunza manwani matiko hakuva a misava yontlhe nja mina. Deut. 5:2; 1 Kor. 10:28; Tit. 2:14

Eksodusi 32:32

Kanilezi makunu tsetselela kuonha kabye! Loku zi nge ngaho, vinya a vito ga mina legi u gi tsalileko lomu bhukwini ga wena. Tis. 69:28; Rom. 9:3

Xizimba xa ka Solomoni 2:16

A muranziwa wa mina ngwa mina, na mina nzi wakwe; I risa mitlhambi yakwe xikari ka makonʼwa,

Isaya 4:2

A ka siku lego a hluke ga Jehova gi tava gi bombisilwe gi ngangamela, a mihanzu ya misava yi tava yi nene ni ya wumbhuri a ka lava va ponileko va ka Israeli. Ekso. 19:5; Lu. 10:20; Kuv. 13:8

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:21

A tiko legi nzi ti maheleko gona gi ta nzi dzunza.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Zefania 2:2

hi mahlweni a nyiwo na yi nga se ku tatiseka, hakuva a siku lego gata khwatsi i mungu lowu wu kukuletwako, hi mahlweni a zanga ya Jehova yi nga se ngata ka nwina, hi mahlweni a siku ga zanga ya Jehova na gi nga se ngata ka nwina.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Malaki 4:3

Mu ta kanzihela a vakubiha, hakuva va ta fanana ni khuma lahasi ka mikonzo ya nwina, a sikwini legi nzi ta nga tira a ntiro wa mina, ku wula Jehova wa tiyimpi.

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

1 Va le Korinte 15:23

Kanilezi munwe ni munwani i ta vuka hi xikhati xakwe; a matewula hi Kristu; zonake lava va nga va Kristu va ta vuka a kuwuyeni kakwe. 1 Tes. 4:15

1 Va le Korinte 6:20

hakuva mu xabyilwe hi tsengo, hikwalaho dumisani Nungungulu mirini wa nwina. Mat. 5:16; 2 Kor. 7:1; Gal. 3:13; Maheb. 9:12; 1 Ped. 1:18; Kuv. 5:9

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Va le Galatia 5:24

Vona lava va nga va Kristu Jesu va belele a nyama yabye zinwe ni kumbilukela ni kunavela ka yona. Rom. 6:6

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Deuteronome 7:6

hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18