Malaki 3:11 - Tshwa Bible

¹¹ Nzi ta mu hawukela a humbi, kasi yi nga mu dayeli a mihanzu ya misava ya nwina; ni mivina ya nwina yi nga ta tlhatlheka hi mahlweni ka xikhati lomu masinwini, ku wula Jehova wa tiyimpi.

Malaki 3:11 ပူးပေါင်းရင်းမြစ်များ

Jeremia 8:13

Nzi ta va lovisa bhi, ku wula Jehova. A ku na mauva sinyeni ya vina, Hambu a makuwu nkuweni, Na wona matluka ma womile. Lezi nzi va nyikileko zi ta pswonyoka kabye. Isa. 5:5; Lu. 13:6

Hosea 2:21

A sikwini lego nzi ta hlamula, ku wula Jehova; nzi ta hlamula matilo, wona ma ta hlamula misava.

Joeli 1:12

A mavina ma wunile ni mikuwu yi chomile, a sinya ya pomegranada, ni cinzu, ni sinya ya mamasa, ina ni tontlhe tisinya ta khwati ti womile: a kutsaka kontlhe ku mbhelile xikari ka vanhu.

Joeli 1:4

Lezi zi siyilweko hi bhanzala zi gilwe hi humbi, lezi zi siyilweko hi humbi zi gilwe hi zidodwani, ni lezi zi siyilweko hi zidodwani zi gilwe hi ziwungwani.

Joeli 1:7

Wu onhile a xivina xa mina, wu kwamula mahati ya mikuwu ya mina, wu tlhatlha matluka ya yona, wu yi hangalasa lahasi; a maravi ya yona ma tshama ma basile.

Joeli 2:20

Kanilezi a yimpi ya le Nwalungu nzi ta yi hlongola kule, yiya tikweni ga chuwa; a ntlawa wa yona loʼwo ranga wu taya bimbini ga Muhuma-gambo, ni wa le nzhako wuya bimbini ga Muhlwa-gambo. A kunuha ka yona ku ta hangalaka, hakuva yi mahile zilo za hombe.

Joeli 2:22

Na nwina zihari za khwati, mu nga chavi, hakuva a wuriselo ga lomu xiwuleni ga hluka; a tisinya ta pswala mihanzu, a mikuwu ni mivina za humesa a ntamu wa zona.

Joeli 2:25

Nzi ta mu tlhelisela a malembe lawa ma nga giwa hi humbi, ni zidodwani, ni ziwungwani, ni bhanzala, zi nga hi yimpi ya mina leyi nzi nga yi rumela xikari ka nwina.

Amosi 4:9

Nzi bile a mavele ya nwina hi mheho ya xikobani ni tindlati, a masimu ya nwina yo tala, ni zivina za nwina ni mikuwu ya nwina ni mioliva ya nwina zi gilwe hi bhanzala; hambu zi hi tano, a mu hunzulukangi ka mina, ku wula Jehova.

Habakuka 3:17

Hambu lezo a kuwu wu to kala wu nga ha hluki, Ge hambu a mivina a ku pswala mihanzu, Ni mihanzu ya maoliva yi nga humi, Ni masimu ma nga humesi zakuga; Hambu loku tiyivu ti vumaleka rangeni, Ni tihomu ti hi hava marangeni,

Hagai 1:11

Nzi nehile kubalela hehla ka tiko, ni le hehla ka zitsunga, ni le hehla ka mavele, ni le hehla ka vinya, ni le hehla ka mafura, ni le hehla ka zontlhe lezi zi humako misaveni, ni le hehla ka vanhu, ni le hehla ka zihari, ni le hehla ka mitiro yontlhe ya mandla ya nwina. 1 Tih. 17:1; 2 Tih. 8:1; Has. 2:18

Hagai 2:17

Nzi lo muba hi xikobani, ni kukura, ni maralala, mitirweni yontlhe ya mandla ya nwina; kanilezi a mu tlhelelangi ka mina, ku wula Jehova.

Zakaria 8:12

A mbewu ya kurula yi tava kona; a vina wu ta humesa a mihanzu ya wona, ni misava yi ta humesa a pfuno wa yona, ni tilo gi ta vanga nzhokati ya gona. Zontlhe lezi nzi ta zi nyika ka misalela ya vanhu lava a kuva tshomba yabye.

Deuteronome 11:14

nzi ta nyika a vula ka tiko ga nwina hi tinguva ta kona, a vula ya tsangela nguva, ni vula yo gumesa; u ta hula a mbewu ya wena, ni vinya ga wena, ni mafura ya wena. Jer. 5:24; Joeli 2:23