Malaki 3:10 - Tshwa Bible

¹⁰ Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Malaki 3:10 ပူးပေါင်းရင်းမြစ်များ

Genesisi 28:22

Legi ribye nzi gi yimisako laha akuva mhinga, gi ta kuva a yindlu ya Nungungulu; zonake ka zontlhe lezi u ta nga nzi nyika zona, nzi ta susa nzi nyikela za wukhume.

Genesisi 7:11

Hi lembe ga wu 600 ya kuhanya ka Noa, hi hweti ya wumbiri, hi siku ga wuntlhanu ni mambiri, hi siku lego a zibuka zontlhe za kueta loku ka hombe zi lo vululeka, ni tinyangwa ta tilo ti lo vululeka, Joba 38:16

2 Tihosi 7:19

A nduna yi wa hlamule a munhu wa Nungungulu, yiku: Hambu loku Jehova a vulula a tinjhanela ta le tilweni, zi nga kala zi mahisa kuyini lezo ke? Makunu Elixa i wa te: Wena u ta zi wona hi mahlo ya wena, kanilezi u nga ta ziga.

2 Tihosi 7:2

Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

1 Kronekele 26:20

Lomu xikari ka vaLevi, Ahija i wa hi muhlayisi wa titshomba ta yindlu ya Nungungulu, ni titshomba ta zilo lezi zi basisilweko.

Nehemia 12:44

A siku lego ku lo hlawulwa a vahlayisi va tikwaruto ta mihlengo, a minyikelo ya kunziwitela, a mihanzu yo ranga, a za wukhume, va veketela ka tona maringano ni masimu ya miti, ni zipanze lezi zi yimisilweko hi nayo za vapristi ni vaLevi; hakuva Juda i wa tsaka hi lezi a vapristi ni vaLevi va nga wa tlhelile va yima mahlweni ka Nungungulu.

Nehemia 12:47

Masikwini ya Zerubabeli ni ya Nehemia, vontlhe va ka Israeli va wa maha mihlengo ya vayimbeleli ni varinzeli va tinyangwa, khwatsi hi lezi zi nga laveka siku ni siku, va zi basisela vaLevi, vonawu vaLevi va zi basisela a vana va Aroni.

Nehemia 13:5

I lo mu longisela a kwaruto ya hombe, leyi kusanguleni yi nga hi wuhlayiselo ga minyikelo ya mapa, ni mipepo, ni zibya, ni za wukhume za mavele, ni vinya, ni mafura, lezi a nayo wu nga leletela ku nyika vaLevi, ni vayimbeleli, ni varinzeli va tinyangwa, ni minyikelo ya kunziwitela ya vapristi.

Tisimu 37:3

Tsumba Jehova, u maha kusaseka; Lezo u ta aka tikweni, u tsumbeka.

Tisimu 78:23

I lo leletela a marefu le hehla, A wuya a vulula a tivati ta tilo;

Mutshawuteli 11:3

Loku a marefu ma tele hi vula ma yi chulula laha misaveni; ni loku sinya yi wela tlhelo ga Dzonga kutani tlhelo ga Nwalungu, yi ta sala kwalaho yi weleko kona.

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Ezekieli 44:30

Leʼza chukwana za mihanzu yontlhe yo ranga, ni minyikelo yontlhe yi nyikwako Nungungulu yi tava ya vapristi. Kambe mu ta nyika vapristi a mapa ya nwina yo ranga, kasi ku tisa makatekwa ndlwini ya wena. Ekso. 23:19; Mitse. 15:20; 18:12

Hosea 2:21

A sikwini lego nzi ta hlamula, ku wula Jehova; nzi ta hlamula matilo, wona ma ta hlamula misava.

Joeli 2:19

Jehova i to hlamula aku ka vanhu vakwe: Langutani, nzi ta mu rumela mavele ni vinya ni mafura, mu ta xura ha zona. Nzi nga ta ha mu maha a xiruko xikari ka matiko. Deut. 28:11

Joeli 2:24

A magomba ma ta tala hi mavele, ni maphiso ma ta halakela a vinya ni mafura.

Levi 26:10

Mu taga a mavele laya ma tshovelweko kale, kala mu ma humesa hi ku chela mavele ya maswa.

Levi 26:3

Loku mu famba hi milayo ya mina, mu hlayisa zileletelo za mina, mu zi maha,

Levi 27:30

A xipanze xa wukhume xa zontlhe lezi zi tshovelwako, lezi zi pambulweko lomu ka timbewu, ni mihanzu ya tisinya, za Jehova, zi basiselwe Jehova.

Hagai 2:19

Ya ha hi kona a mbewu lomu gombeni ke? ge hambu a xivina, ni mikuwu, ni sinya ya pomegranada, ni sinya ya maoliva, a zi na nga pswala nchumu. Kanilezi kusukela nyamutlha nzi ta mu katekisa.

Mitsengo 18:21

Languta, mina nzi nyikile a vanana va ka Levi, a minyikelo ya zontlhe za wukhume, lezi zi humeswako hi va ka Israeli, zi tava tshomba yabye, hi kota ya ntiro lowu va tirako lomu ka tenda ga mutlhangano.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Deuteronome 12:6

Mu ta yisa laho a miphahlo ya nwina ya kuhiswa, ni miphahlelo ya nwina, ni za wukhume za nwina, ni miphahlelo ya nwina ya ku nziwitela, ni miphahlo ya zifungo za nwina, ni miphahlo ya kuranza ka nwina, ni matewula ya zifuyo za nwina za hombe ni lezi za zitsongwani.

Deuteronome 14:22

Wena u ta susa xipanze xa wukhume ka zontlhe lezi zi ta nga huma ka timbewu ta wena, ni lezi zi ta nga mila lomu masinwini ya wena, wontihe malembe.

Deuteronome 14:29

Zonake a muLevi i tata, hakuva yena a nga na xiavelo ni tshomba kota wena, ni muluveli ni xisiwana, ni wasati wa noni, lava va nga laha mutini wa wena, va taga va xura; kasi Jehova Nungungulu wa wena a fela ku ku katekisa mitirweni yontlhe ya wena, leyi u ta nga tira hi mandla ya wena.

Deuteronome 28:12

Jehova i ta ku vululela tilo, gi nga bako gakwe ga titshomba, ni ku nyika a misava ya wena a tivula hi zikhati za tona, ni ku katekisa yontlhe mitiro ya mandla ya wena. Wena u ta cenekisa matiko ya ku tala, kanilezi wena u nga ta ceneka nchumu ka wona.