Malaki 2:17 - Tshwa Bible

¹⁷ Mu rerile Jehova hi kuwulawula ka nwina. Kasike mu ngalo: Hi mu rerile hi yini? Hi lezi mu nge: Munwe ni munwani loyi a mahako kubiha i lulamile kuwoneni ka Jehova, niku, wa xalaliswa hi vakunghahi. Ni loku muku: I kwihi a Nungungulu wa nongameto?

Malaki 2:17 ပူးပေါင်းရင်းမြစ်များ

Joba 34:17

Loyi a vengako kululama i ta fumela ke? U ta mu kona loyi a hunzeleleko kululameni ke? Rom. 3:6

Joba 34:36

Joba a simamise ku ringwa, Hakuva i hlamule kukotisa a munhu wo biha.

Joba 36:17

Kanilezi wena u tele hi maalakanyo ya vaonhi, A tsayiso wu ta lanzelana ni kulamula.

Joba 9:24

A misava yi nyikilwe canjeni ga va kubiha, Yena wa vala mahlo ya valamuli va yona; Loku ku nga hi yena, himani a nga mahako lezo ke?

Mutshawuteli 8:11

Hakuva a kulamulwa ka wakubiha a ku hatlisi kuta, a timbilu ta vanhu ti navela ku maha zo biha.

Isaya 1:14

A muhefemulo wa mina wa venga a mibuzo ya nwina ya hweti yiswa ni mibuzo ya hombe; za nzi tikela, nzi karele hi ku zi rwala.

Isaya 29:15

Khombo ka vona lavo va fihleleko Jehova a xikungo xabye, Va maha mitiro yabye munyameni; Vaku: Hi ta woniwa hi mani, himani a hi tivako?

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 43:22

Kanilezi wena Jakobe a ku nzi kombelangi, A ku ti karatangi ha mina, wena Israeli!

Isaya 43:24

A ku nzi xavelangi a lihlanga la ku nuhela, A ku nzi xurisangi hi mafura ya timhamba ta wena; Kanilezi u nzi xanisile hi zionho za wena, U nzi karata hi zigoho za wena.

Isaya 7:13

Isaya aku: Ingisani makunu, nwina va yindlu ya ka Davida: Kasi xilo xitsongwani loku mu karata vanhu, ko kala mu karata na Nungungulu wa mina ke?

Jeremia 12:1

A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 17:15

Languta, va wula ka mina, vaku: Yi kwihi a mhaka ya Jehova ke? A yi tatiseke makunu! Ezek. 12:22; 2 Ped. 3:4

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Ezekieli 16:43

Kota lezi u nga kala ku alakanya a masiku ya wuswa ga wena, kanilezi u nzi zangarisa hi zilo lezi zontlhe, hikwalaho nzi ta tlhelisela a zimaho za wena hehla ka hloko ya wena, ku wula Hosi Jehova. Zonake u nga ta ha maha wubemba legi zinwe ni manyalataniso wontihe ya wena.

Ezekieli 18:25

Nwina muku: A ndlela ya Jehova a yi lulamangi. Zwanani nwina va yindlu ya ka Israeli! A yi lulamangi a ndlela ya mina ke? a hi leti ta nwina ti nga lulamangiko ke?

Ezekieli 8:12

Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.

Ezekieli 9:9

Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.

Amosi 2:13

Langutani, nzi ta mu manya wutshanwini ga nwina, khwatsi i kareta gi manyako na gi tele hi milumbi.

Zefania 1:12

Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!

Malaki 2:14

Makunu muku; Hikuyini? Nziku: Hakuva Jehova i kustumunyu xikari ka wena ni sati ga wuswa ga wena loyi u nga tsumbekangiko kakwe, kasilezo munghana wa wena, a sati wa xivumelwano xa wena. Gen. 31:49

Malaki 3:8

A munhu a nga zi kota ku yivela Nungungulu ke? kasike nwina ma nzi yivela. Kanilezi mu ngalo: Xini hi ku yiveleko? Hi zawukhume ni minyikelo. Mitse. 18:24; Neh. 10:37; 12:44

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

1 Samueli 2:3

Mu nga ha engeti mu wulawula hi matshanza, Ni wuxezi gi nga ha humi nonwini wa nwina; Hakuva Jehova i Nungungulu loyi a tivako zontlhe. Hi yena loyi a ringanyisako zimaho za vanhu.