Malaki 2:15 - Tshwa Bible

¹⁵ A hi na muvangi munwe loyi a ranzako ku hlayisa a moya wa hina ke? Ni loyi wa munwe i xuva yini? I wa lava a lixaka ti basileko, hikwalaho ti woneleni mimoyeni ya nwina, ngha a nga hi kona ni munwe a to kala a nga tsumbeki ka sati wa wuswa gakwe.

Malaki 2:15 ပူးပေါင်းရင်းမြစ်များ

Genesisi 1:27

Nungungulu i lo vanga munhu hi mufananiso wakwe; a mu vanga a fanana na Nungungulu; a vanga wanuna ni wasati.

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Genesisi 24:44

loku aku ka mina: Nwana wena, nzi ta khela ni makameli ya wena kambe; ngha loye nhwana a hi yena a hlawulelweko a nʼwana wa nwinyi wa mina hi Jehova.

Genesisi 27:46

Rebeka i te ngalo ka Isaka: Nzi swirilwe hi kota ya mahanyela ya vanhwana va ka Hiti, ni loku Jakobe a teka sati ka vanhwana va ka Hiti, wo kota vanhwana va legi tiko, a kuhanya ka mina ku ta nzi yini ke?

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

Ezra 9:4

Zonake ku lo tsombana ka mina vontlhe va rurumeliswako hi timhaka ta Nungungulu wa ka Israeli, hi kota ya kuonha ka lava va wuyileko hi le wukhumbini. Mina wutsumbu nzi lo tshama lahasi na nzi swirekile kala xikhatini xa muphahlelo wa laha gambyeni.

Nehemia 13:24

a vanana vabye va nga mbheteleli ku tiva a lirimi la xiAxdodi ge hambu la xijuda, kanilezi ka lirimi linwe ni linwani va wa wulawula khihlanya.

Joba 27:3

Na nza ha hefemula, A moya wa Nungungulu na wa ha enghena tinhovini ta mina,

Eksodusi 20:14

U nga bhayi.

Mavingu 2:17

Loyi a tsikako munghana wa wuswa gakwe, rivakelwa xivumelwano xa Nungungulu wakwe.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Mavingu 6:25

A mbilu ya wena ngha yi nga naveli wumbhuri gakwe, e hambu ku kokiwa hi tisiyi takwe.

Mavingu 7:25

A timbilu ta nwina ngha ti nga kokiwi hi tindlela takwe, u nga pengi mu lanzela tisoko takwe.

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Jeremia 2:21

Nzi lo ku byala na u hi sinya yo saseka ya vina, Ya lixaka li nene; Hikuyini makunu u hunzukileko u maha sinya ya limbe lixaka ke? Mat. 21:33; Mar. 12:1; Lu. 20:9

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Malaki 2:14

Makunu muku; Hikuyini? Nziku: Hakuva Jehova i kustumunyu xikari ka wena ni sati ga wuswa ga wena loyi u nga tsumbekangiko kakwe, kasilezo munghana wa wena, a sati wa xivumelwano xa wena. Gen. 31:49

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Johani 20:22

Laha na a wulile lezo, i lo va pupuxela, aku ka vona: Amukelani Moya wa ku Basa.

Mitiro 3:25

Nwina mu vana va vaprofeti, ni va xivumelwano lexi Nungungulu a nga xi maha ni vakoko va nwina, laha a ngaku ngalo ka Abrahama: Hi ka pswalo wa wena a tixaka tontlhe ta misava ti ta katekiswa. Gen. 12:3; Rom. 9:4, 8; 15:8; Gal. 3:26

1 Va le Korinte 7:14

Hakuva a wanuna loyi a nga kholwiko i basisilwe hi kota ya sati wakwe, ni wasati loyi a nga kholwiko i basisilwe hi nuna. Loku zi wa nga hi lezo ngha vanana va nwina va nga hlazekangi, kasike lezi va basile. Mal. 2:15

1 Va le Korinte 7:2

kanilezi hi kota ya wubhayi, ngha wanuna munwe ni munwani a hi ni sati wakwe, ni wasati munwe ni munwani a hi ni nuna wakwe. Mav. 5:19

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Va le Efesusi 6:4

Na nwinawu vararu, mu nga zangarisi a vana va nwina; kanilezi va wundleni hi kululeka ni kulaya ka Hosi. Gen. 18:19; Deut. 6:7; Kol. 3:21

Deuteronome 7:4

Hakuva va ta hambukisa a vana va wena va nzi fularela, zonake va ya khozela vanwani vanungungulu, kwalahoke a zanga ya Jehova yi ta vura hehla ka nwina yi mu lovisa hi kuhatlisa.

Titusi 1:6

loku u kuma munhu loyi a nga solekiko, a nga nuna wa sati munwe, na a hi ni vana lava va kholwako, lava va nga soliwiko hi kota ya vilinganya ni kungaingisi.

Rute 4:12

Ngha a yindlu ya wena yi fanana ni yindlu ya Perezi, loyi Tamari a nga beleka na Juda, ziva nghaho ni ka vanana lava Jehova a ta nga ku nyika hi pswatsana loyi.

1 Samueli 2:20

Eli i lo katekisa Elkana ni sati wakwe, aku: Jehova a ku nyike vana hi ka loyi wasati vo valeta loyi a nga mu kombela ka Jehova; zonake va lo tlhela kaya.