Malaki 2:14 - Tshwa Bible

¹⁴ Makunu muku; Hikuyini? Nziku: Hakuva Jehova i kustumunyu xikari ka wena ni sati ga wuswa ga wena loyi u nga tsumbekangiko kakwe, kasilezo munghana wa wena, a sati wa xivumelwano xa wena. Gen. 31:49

Malaki 2:14 ပူးပေါင်းရင်းမြစ်များ

Genesisi 2:18

Na Jehova Nungungulu aku ngalo: A zi saseki lezaku a wanuna a tshama yece; nzi ta mu mahela a muvuni wo kota yena.

Genesisi 31:50

Loku wena u xanisa a vana va mina, ni loku wena u teka vanwani vasati lahandle ka vana va mina, hambu loku ku nga hi na munhu, languta Nungungulu i kustumunyu xikari ka mina na wena.

Mavingu 2:17

Loyi a tsikako munghana wa wuswa gakwe, rivakelwa xivumelwano xa Nungungulu wakwe.

Mavingu 30:20

Zinghaho ni ndlela ya wasati wa xibhayi: ga a ti sula nomu, ku: Cima a nzi mahangi kubiha.

Mavingu 5:20

U wa ta wungujelwa yini hi wasati wa xibhayi, angarela a sati wa vambe xifuveni xa wena ke?

Mutshawuteli 9:9

Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

Xizimba xa ka Solomoni 1:15

U sasekisile kuyini xiranzwa xanga! U sasekisile kuyini! A mahlo ya wena me khwatsi matuva.

Isaya 54:6

Hakuva Jehova wa ku vitana khwatsi u wasati a tsikilweko, Loye a karatekako moyeni; A sati a lowolweko kuranga a nga hlongolwa ke? Ku wula Nungungulu wa wena.

Isaya 58:3

Vaku; Zi hi vuna yini a ku yila, loku wena u nga hi woni? Ni ku hlokisa a mihefemulo ya hina, loku u nga wuli nchumu ha zona? Langutani, a siku legi mu yilako zakuga mu tira mitiro ya nwina, Mu tirisa hi ntamu a zitiri za nwina.

Jeremia 29:23

Hakuva va mahile wupumbu lomu ka Israeli, va bhaya ni vasati va vaakelwane, ni ku wulawula timhaka ta mawunwa vitweni ga mina, leti nzi nga va layangiko. Mina nza zi tiva, niku nzi mboni, ku wula Jehova.

Jeremia 42:5

Vaku ka Jeremia: Ngha Jehova ava mboni ya zinene yi tsumbekileko, loku hi nga mahi zontlhe lezi Jehova a Nungungulu wa wena a ta nga ku ruma ku ta hi byela zona. Ekso. 19:8; 24:3, 7

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Jeremia 9:2

O mayiwako! loku nzi wa hi ni zumbo ga vafambi lomu xiwuleni, Zonake nzi wa ta ngha nzi tsikile a vanhu va mina, nzi suka xikari kabye, Hakuva vontlhe zibhayi, i hubye ya vakanganyisi. Tis. 55:6

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Mika 1:2

Nwina matiko wontlhe, ingisani! Zwana wena misava, ni zontlhe lezi zi nga ka wena! Hosi Jehova i na ni wukustumunyu go mu vukela, yona a Hosi leʼyi nga tempeleni ya yona yo basa. Deut. 32:1; Isa. 1:2

Malaki 2:15

A hi na muvangi munwe loyi a ranzako ku hlayisa a moya wa hina ke? Ni loyi wa munwe i xuva yini? I wa lava a lixaka ti basileko, hikwalaho ti woneleni mimoyeni ya nwina, ngha a nga hi kona ni munwe a to kala a nga tsumbeki ka sati wa wuswa gakwe.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Malaki 3:8

A munhu a nga zi kota ku yivela Nungungulu ke? kasike nwina ma nzi yivela. Kanilezi mu ngalo: Xini hi ku yiveleko? Hi zawukhume ni minyikelo. Mitse. 18:24; Neh. 10:37; 12:44

Valamuli 11:10

A masingalakati ya le Gileade maku ka Jefta: Jehova a mahe kustumunyu xikari ka hina, loku hi nga mahi kota lezi u wulileko.

1 Samueli 12:5

Yena aku kabye: Jehova hi mboni ya ku mu vukela, zinwe ni a totilweko wa yena r mboni legi siku ya lezaku a mu kumangi nchumu lomu canjeni ga mina. Vona vaku ngalo: A zive tano.