Malaki 1:13 - Tshwa Bible

¹³ Mu engeta muku: Langutani a makaratela ya yona! mu tlhela mu yi njorola, ku wula Jehova wa tiyimpi. Mu neha lezi zi phangilweko, ni lezi zi khwitako, ni lezi zi babyako mu ta maha muphahlo hi zona! Nzi ta zi amukela mandleni ya nwina ke? ku wula Jehova.

Malaki 1:13 ပူးပေါင်းရင်းမြစ်များ

2 Samueli 24:24

A hosi yiku ka Arauna: Lezo a hi zona. Nzi ta xava ka wena hi mali, hakuva a nzi zi koti ku nyikela ka Jehova Nungungulu wa mina a muphahlelo wa zilo lezi nzi nga rihelangiko nchumu. Zinghaho Davida i lo xava a nzhimbo ni tihomu hi 50 wa maxekeli ya siliva.

Isaya 1:12

Laha na muta mahlweni ka mina, himani a mu rumileko a ku kanzihela a tihubye ta mina ke?

Isaya 57:6

A xiavelo xa wena hi maribye yo retemuka ya nkova, Hi yona a tshomba ya wena leyo. Hi wona lawo u ma phahlelako hi vinya, Ni xinyikiwo xa mapa. Nzi ta xalaliswa hi lezo zilo ke?

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Ezekieli 4:14

Zonake nzi te ngalo: Ha! Hosi Jehova! Cima a nzi ti nyenyezisangi; kusukela wusweni ga mina kala lezi a nzi ngagi a xilo xakuva xi ti feleko ha xoce, ge hambu lexi xi delweko hi zivanza; a nyama yo biha cima a yi se nga enghena nonwini wa mina. Levi 7:18, 24; Miti. 10:14

Ezekieli 44:31

A vapristi va nga taga a nyama ya xihari xi ti feleko, hambu leyi yi tobyilweko, na nga kuva xinyanyani kutani xifuyo.

Hosea 13:9

A kulobyiswa ka wena Israeli, kuta hilezi u nzi vukeleko, mina loyi nzi nga muvuni wa wena.

Levi 22:8

A ngagi a xihari xi fileko ha xoce, hambu lexi xi delweko hi zivanza, kasi a nga ti nyenyezisi ha zona. Hi mina Jehova. Ezek. 44:31

Levi 6:4

loku a onhile kota lezo, ava ni nanzu, i yimelwe hi ku tlhelisa a zilo lezi a nga wa zi wutlile kutani ku yiva, kutani a zilo lezi zi nga wa vekilwe kakwe, hambu ni zilo lezi zi nga wa lahlekile a zi thumba;

Amosi 8:5

A siku ga hweti yiswa gi ta mbhela rini, kasi hi fela ku xavisa mavele? A sabado gona gi ta hunza rini, kasi hi fela ku vulula magomba ya hina, hi hungula a efa, hi kulisa a tsengo, hi kalavela laha xikalweni? Deut. 25:13

Mika 6:3

Tiko ganga, xini nzi ku maheleko? Xini nzi ku rerileko ha xona? Nzi byele!

Malaki 1:10

O loku ku wo khwa i kona xikari ka nwina loyi a nga valako a tinyangwa, kasi mu nga dziveli a nzilo mahala laha alatini ga mina! A nzi xalaliswi hi nwina, ku wula Jehova wa tiyimpi, kambe nzi nga ta amukela a muphahlo wu tiswako hi canja ga nwina.

Malaki 2:12

A munhu loyi a mahako lezo, Jehova i ta fuvisa vontlhe lava va ka kabye, a mu humesa tendeni ga Jakobe, zinwe ni loyi a nehako munyikelo ka Jehova wa tiyimpi.

Malaki 2:13

A xinwani lezi mu zi mahako hi lezi; Mu tata a alati ga Jehova hi mihloti, ni kurila ni kutsikwila, laha kaku a nga ha khatali hi minyikelo ya nwina, hambu ku amukela hi litsako lezi zi humako mandleni ya nwina.

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Mateu 6:5

Laha mu khongelako, mu nge khwatsi hi vaxengeteli, lava va ranzako a ku khongela na va yimile masinagogeni ni lomu mahanzakanyeni ya maphango, kasi va fela ku woniwa hi vanhu. Hizinene nziku ka nwina, va sina va amukele a nchachazelo wabye.

Deuteronome 15:21

Ni loku a xifuyo xi lamele, kutani na xi khwita, kutani na xi file mahlo, kutani na xi ni wulema ginwani ga hombe, u nga xi nyikeli ka Jehova Nungungulu wa wena laha maganzelweni. Mal. 1:8, 13

1 Samueli 2:29

Hi kuyini mu kanzihelako a miphahlelo ya mina ni minyikelo ya mina, lezi nzi leleteleko a kuva zi nyikelwa lomu ndlwini ya mina ke? U dzunzile a vana va wena ku hunza mina, mu ti kulukisa hi milangelwa ya minyikelo yontlhe ya vanhu va mina va ka Israeli.