Maheberu 9:8 - Tshwa Bible

⁸ A Moya wa ku Basa wu kombisa hi lezi, lezaku a ndlela ya ku enghena lomu Wutshanwini go Basabasa a yi se ku vululiwa, a tabernakeli go ranga na ga ha yimile. Joh. 14:6

Maheberu 9:8 ပူးပေါင်းရင်းမြစ်များ

Isaya 63:11

Zonake va lo khumbula masiku ya kaleloko xikhatini xa Mosi, vaku: I kwihi loyi a nga va humesa lomu bimbini, Zinwe ni varisi va tlhambi wakwe? I kwihi loyi a nga veka Moya wakwe wu basileko xikari kabye? Ekso. 14:29; Mitse. 11:25

Luka 1:80

A nwanana i lo kula, a ngangamukelana hi ntamu moyeni; zonake i wa hi le xiwuleni ku kala siku lego a nga huma ha gona xikari ka vaIsraeli. Xip. 2:40

Johani 10:7

Hikwalaho Jesu i lo engeta aku ka vona: Hizinene nziku ka nwina: Mina nzi nyangwa ya tiyivu.

Johani 10:9

Mina nzi nyangwa, loku munhu a enghena ha mina, i ta hanyiswa; i ta enghena a huma, a kuma mikova. Xip. 14:6; Efe. 2:18

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Mitiro 28:25

Laha va nga kala va nga zwanani, va lo suka loku Paule a va byelile a mhaka leyi yi nge ngalo: I wulawulile khwatsi a Moya wa ku Basa hi muprofeti Isaya ka vararu va nwina, aku:

Va le Galatia 3:8

Khwatsi hilezi a mutsalo wu wonileko kale lezaku Nungungulu i ta hlayela a vamatiko kululama hi kukholwa, wu lo tivisa Abrahama a mahungu yo saseka hi mahlweni wuku: A matiko wontihe ma ta katekiswa ha wena. Gen. 12:3

Va le Efesusi 2:18

Hakuva ha yena ha zi kota ku enghena hi wumbiri ga hina hi Moya munwe ka Dadani.

Maheberu 10:15

Na wona Moya wa ku Basa kambe wa hi mahela wukustumunyu; hakuva anzhako ka kuva na wu wulile ku ngalo:

Maheberu 3:7

Hikwalaho, kota lezi wu wulako a Moya wa ku Basa, wuku: Nyamutlha loku muzwa a gezu gakwe, Tis. 95:7

Maheberu 9:3

Lenzhako ka xisirelo xa wumbiri ku wa hi ni xipetso xi tibyiwako a Wutshamu go Basabasa; Ekso. 26:33

2 Pedro 1:21

Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18