Maheberu 9:27 - Tshwa Bible

²⁷ Kambe kota lezi ku yimiselweko vanhu a kuva vafa kanwe, va lamulwa; Gen. 3:19; 2 Kor. 5:10; Kuv. 20:12

Maheberu 9:27 ပူးပေါင်းရင်းမြစ်များ

Genesisi 3:19

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

2 Samueli 14:14

Hakuva zi te dlunya lezaku hi tafa hakunene; hi fanana ni mati lawa ma halatilweko lahasi ma nga ha kotekiko ku wungeletelwa kambe, Nungungulu a nga susi wutomi ga munhu, kanilezi i xuva lezaku loyi a hlongolweko ngha a nga hambani naye. Tis. 89:49; Ezek. 18:23, 32

Joba 14:5

Loku masiku yakwe ma hlayilwe, ni tsengo wa tihweti takwe wu tibyiwa hi wena, U mu vekele mimbhingano leyi a nga zi kotiko ku yi tlula;

Joba 19:25

Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. Isa. 41:14; Hos. 13:14

Joba 30:23

Hakuva mina nza zi tiva lezaku u nzi yisa kufeni: Ndlwini leyi u yi longiseleko vo ntlhe vahanyako.

Tisimu 89:48

Himani loyi a hanyako, loyi a to kala a nga woni kufa ke? Himani a nga tlhatlhisako muhefemulo wakwe hi le Xeole ke? (Sela.)

Mutshawuteli 11:9

O jaha, tsakela a wuswa ga wena, a mbilu ya wena a yi ku tsakise masikwini ya wuswa ga wena; famba hi tindlela ta kuranza ka mbilu ya wena, ni kuwoneni ka mahlo ya wena; kanilezi tiva lezaku Nungungulu i ta ku lamula hi zontlhe lezi zilo. Mat. 12:36; 2 Kor. 5:10

Mutshawuteli 12:14

Hakuva Nungungulu i ta yisa a mitiro yontlhe kulamuleni, ni zontlhe lezi zi fihlilweko, hambu zi sasekile, kutani za kubiha. 1 Kor. 4:5; 2 Kor. 5:10; Kuv. 20:12

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Mutshawuteli 3:2

Ku nani xikhati xa ku belekiwa, ni xikhati xa kufa; a xikhati xa ku byala, ni xikhati xa ku tsuwula lezi zi byalilweko; Gen. 8:22; Joba 14:5

Mutshawuteli 3:20

Zontlhe ziya wutshamu ginwe; zontlhe zi mahilwe hi ntshuri, hikwalaho zontlhe zi tlhela ziya ntshurini kambe. Gen. 2:19; Tis. 104:29; Joba 34:15

Mutshawuteli 9:10

Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

Mutshawuteli 9:5

A vahanyako va zi tiva lezaku va tafa, kanilezi a vafileko a va tivi nchumu, ge, kuva ni nchachazelo, hakuva a va ha alakanyiwi.

Luka 20:32

Anzhako ka lezo ni wasati kambe i lofa.

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 5:12

Hikwalaho khwatsi hi lezi a kuonha ku nga enghena misaveni hi kota ya munhu munwe, ni kufa ku tile hi kota ya kuonha; hizalezo a kufa ku lo thapela vanhu vontlhe, hakuva vontlhe va onhile. Gen. 3:6; 1 Kor. 15:21

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

2 Timote 4:1

Nza ku hlambanyisa mahlweni ka Nungungulu, ni ka Kristu Jesu, loyi a ta nga lamula a vahanyako ni vafileko, na hi kuwoneka kakwe ni mufumo wakwe, nziku:

Maheberu 10:27

kanilezi ku sele ntsena a ku rinzela hi kuchava a kulamulwa, ni xikuhe xa nzilo lowu wu ta nga hetisa a valala. Ezek. 36:5; Zef. 3:8; 2 Tes. 1:8

Maheberu 6:2

ni gonzo ya kubapatiza, ni kutlhatekwa ka mandla, ni kuvuka ka vafileko, ni kulamula ka pinzukelwa. Miti. 8:14-17; 17:31, 32

1 Johani 4:17

A liranzo li mbhelelisilwe xikari ka hina loku hi hi ni kutiya hi tlhelo ga siku ga kulamula; hakuva kota lezi yena a nga zona, hinawu hi zalezo tikweni legi. Jak. 2:13

Juda 1:15

a ku ta lamula vontlhe, yi kona vontlhe lava va nga chaviko Nungungulu hi kota ya mitiro yabye ya kubiha leyi va yi mahileko, yi tlhelisela a vaonhi hi kota ya magezu wontihe ya matshanza va yi rukateleko ha wona.

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10