Maheberu 9:24 - Tshwa Bible

²⁴ Hakuva Kristu a nga enghenangi Wutshanwini go Basabasa gi mahilweko hi mandla, legi gi nga xifananiso ntsena xa legi ga ginene; kanilezi i lo enghena kona tilweni ha koce, kasi ku hi yimela makunu mahlweni ka Nungungulu. Rom. 8:34; 1 Joh. 2:1

Maheberu 9:24 ပူးပေါင်းရင်းမြစ်များ

Tisimu 68:18

Wena u tlakukela hehla, u yisa a vakhomiwa; U amukele a zinyikiwo hi ka vanhu, Ina, ni xikari ka lava va hluwukileko, kasi Jehova Nungungulu wa fela ku tshama xikari ka vona.

Eksodusi 28:12

A maribye laya mambiri u ta ma veka lomu makatleni ya efode, kasi ma tava xialakanyiso xa vana va ka Israeli. Aroni i ta rwala mavito ya vana va ka Israeli mahlweni ka Jehova laha makatleni yakwe, xiva xialakanyiso.

Eksodusi 28:29

Loku Aroni a enghena wutshanwini go basa, i ta rwala mavito ya vanana va ka Israeli laha xifuveni xakwe hi ngenge ya ku tsema timhaka, kasi xiva xialakanyiso xa kala kupinzuka mahlweni ka Jehova.

Zakaria 3:1

I lo nzi kangeta Joxua, a mupristi wa hombe, na yimile mahlweni ka ngelosi ya Jehova, na Satani a yimile reveni gakwe ga xinene kasi ku mu kecara.

Mateu 18:10

Ti woneleni lezaku mu nga kanyisi ni munwe wa lava va tsongwani; hakuva nza mu byela, lezaku a tingelosi tabye le tilweni ta wona xikhati xontlhe a nghohe ya Dadani wa mina loyi a nga le tilweni. Maheb. 1:14; Lu. 1:19

Marku 14:58

Hi wa mu zwile aku: Nzi ta khungumula tempeli leyi yi akilweko hi mandla, hi masiku manharu nzi ta aka yinwani yi nga mahiwangiko hi mandla. Xip. 15:29; Joh. 2:19

Marku 16:19

Laha Hosi Jesu na a wulawulile na vona, i lo tlakuselwa tilweni, aya tshama hi le reveni ga xinene ga Nungungulu. Lu. 24:51

Luka 24:51

Ku te na a ha va katekisa, a su hambana navo, a tlakuselwa le tilweni. Mar. 16:19; Miti. 1:9

Johani 16:28

Nzi humele hi ka Dadani, nzita misaveni, makunu nzi tlhela nzi siya misava, nziya ka Dadani. Xip. 13:3

Johani 6:62

Zonake mu taku yini loku mu wona Nʼwana wa munhu na a kanziha laha a nga hi kona hi kusanguleni ke? Mar. 16:19; Miti. 1:9; Efe. 4:8

Mitiro 3:21

loyi a tilo gi faneleko ku mu amukela ku kala xikhatini xa kutlheliselwa ka zilo zontlhe, lexi Nungungulu a kanetako ha xona hi milomu ya vaprofeti vakwe vo basa, lava va nga hi kona hi kata ka matiko. Xip. 1:11; Maheb. 8:1

Va le Roma 8:33

Himani a ta nga kecara a vahlawulilweko va Nungungulu ke? Hi Nungungulu a va hlayelako kululama. Isa. 50:8

2 Va le Korinte 5:1

Hakuva ha zi tiva lezaku loku wu hahluka a xaxa wa miri wa hina, yi nga yindlu ya hina ya misava, hi na ni yindlu leyi yi akilweko hi Nungungulu, leyi yi nga akiwangiko hi mandla, ya pinzukelwa le tilweni. Fil. 3:21; Maheb. 11:10; 2 Ped. 1:13

Va le Kolosi 3:2

Alakanyani a zilo za le hehla, na ku nga hi zilo za laha misaveni.

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Maheberu 4:14

Makunu kota lezi hi nga ni mupristi wa hombe a hunzeleleko wukulu, loyi a tsemakanyileko matilo, a nga Jesu a Nʼwana wa Nungungulu, ngha hi khomisisa a kuvumela ka hina. Xip. 3:1; 7:26

Maheberu 6:20

lomu Jesu a nga enghena kona hi kota ya hina, a hi murangeli wa hina, na a mahilwe mupristi wa hombe hi tshamela ga Melkizedeki. Xip. 3:1; 4:14; 5:6, 10

Maheberu 8:2

loyi a khozelako lomu ndlwini yo basa yi nga tabernakeli ga zinene, legi gi yimisilweko hi Hosi, na ku nga hi munhu.

Maheberu 8:5

lava va khozelako wutshanwini legi go basa, legi gi nga xifananiso ni xiruti xa zilo za le tilweni. Hakuva Mosi i lo layiwa hi Nungungulu na a nga se ku sangula ku maha a tabernakeli, ku ngalo: Cuwuka lezaku u maha zilo zontlhe kota a lezi u nga kombisiwa zona le xitsungeni. Ekso. 25:40; Mitse. 8:4; Kol. 2:17

Maheberu 9:1

Hakunene ni xivumelwano xo sangula xi wa hi ni mileletelo ya ku khozela Nungungulu, ni wutshamu go basa ga laha misaveni, Ekso. 25:8

Maheberu 9:23

Hikwalaho zi wa lavekile lezaku a zilo lezi zi fananisako a zilo za le tilweni zi basiswa hi miphahlo ya kunghaho; kanilezi a za le tilweni zona zi wa fanele ku basiswa hi miphahlo yi nene yo hunza leyi.

Maheberu 9:9

Hakuva a xipetso lexi mufananiso wu xungetako a xikhati lexi, lexi ha xona ku humeswako a minyikelo ni miphahlelo leyi yi nga zi kotiko ku mbhelelisa a livalo la mukhozeli wa kona, Gal. 3:21

1 Pedro 3:22

loyi a yileko tilweni, a ya tshama reveni ga xinene ga Nungungulu; a tingelosi ni tihosi ni mintamu na zi vekilwe a lahasi kakwe. Tis. 110:1; Rom. 8:28; 1 Kor. 15:24

Kuvululelwa 8:3

Ku lota yinwani ngelosi yi ta yima laha alatini, na yi hi ni xibya xa nzalama xo hisela kona mpepo; yi lo nyikiwa mpepo wo tala, lezaku yi wu patsa ni mikhongelo ya vobasa vontlhe laha alatini ga nzalama legi gi nga mahlweni ka xitshamu xa wuhosi. Ekso. 30:1; Xip. 5:8; 6:9