Maheberu 9:23 - Tshwa Bible

²³ Hikwalaho zi wa lavekile lezaku a zilo lezi zi fananisako a zilo za le tilweni zi basiswa hi miphahlo ya kunghaho; kanilezi a za le tilweni zona zi wa fanele ku basiswa hi miphahlo yi nene yo hunza leyi.

Maheberu 9:23 ပူးပေါင်းရင်းမြစ်များ

Luka 24:26

Xana zi wa nga faneli lezaku Kristu a xaniseka kota lezi, a enghena kungangameleni kakwe ke? Miti. 17:3; 1 Ped. 1:1

Luka 24:46

aku ngalo kabye: Ku tsalilwe lezaku Kristu i ta xaniseka, a tlhela a vuka hi ka vafileko hi siku ga manharu; Tis. 22; Isa. 53:2; Miti. 17:3

Johani 14:3

Hambu loku nzi famba nzi ya mu longisela wutshamu, nzi ta wuya kambe, nzi ta mu teka muta ka mina; kasi laha nzi nga kona, mu fela kuva kona na nwinawu. Miti. 1:11; 1 Tes. 4:17

Mitiro 23:15

Makunu nwina ni hubye, kombelani a nduna ya hombe lezaku yi mu relelisa ka nwina, a ku khwatsi ma ha lava ku hlolisisa khwatsanyana a mhaka yakwe; hina hi tava hi longile ku mu daya na a nga se ku chikela ka nwina.

Va le Kolosi 2:17

lezi zi nga xiruti xa zilo lezi zi ta ngata; kanilezi a miri wa zona hi Kristu. Maheb. 8:5

Maheberu 10:1

Kota lezi a nayo wu nga ni xiruti ntsena xa zilo zo saseka lezi zi tako, na wu nga fananisi hi kumbheleleko a xiyimo xa zona, cima a wu zi koti ku mbhelelisa vona lava va tshinelako hi miphahlelo leyi va nyikelako yona malembe ni malembe. Kol. 2:17

Maheberu 10:4

Hakuva a zi koteki lezaku a nkhata wa tikuzi ni timbuti wu susa zionho. Mika 6:6, 7

Maheberu 8:5

lava va khozelako wutshanwini legi go basa, legi gi nga xifananiso ni xiruti xa zilo za le tilweni. Hakuva Mosi i lo layiwa hi Nungungulu na a nga se ku sangula ku maha a tabernakeli, ku ngalo: Cuwuka lezaku u maha zilo zontlhe kota a lezi u nga kombisiwa zona le xitsungeni. Ekso. 25:40; Mitse. 8:4; Kol. 2:17

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Maheberu 9:24

Hakuva Kristu a nga enghenangi Wutshanwini go Basabasa gi mahilweko hi mandla, legi gi nga xifananiso ntsena xa legi ga ginene; kanilezi i lo enghena kona tilweni ha koce, kasi ku hi yimela makunu mahlweni ka Nungungulu. Rom. 8:34; 1 Joh. 2:1

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24