Maheberu 7:19 - Tshwa Bible

¹⁹ (hakuva a nayo a wu mbhelelisangi nchumu), ku engheniswa a kutsumba ka chukwana, loku hi tshinelako ka Nungungulu ha kona. Miti. 13:39; Rom. 5:2; Xip. 6:18

Maheberu 7:19 ပူးပေါင်းရင်းမြစ်များ

Tisimu 73:28

Kanilezi zi nzi sasekele a ku tshama kusuhi ni Nungungulu; Nzi mahile Hosi Jehova a kuva wuchavelo ga mina, Kasi nza fela ku tlhatlhambutela a mitiro ya wena yontlhe.

Mikosi 3:57

U lo tshinela a siku nzi nga ku vitana, Uku ka mina: U nga chavi!

Johani 1:17

Hakuva a nayo wu lo nyikiwa hi Mosi; kanilezi a wuxinji ni zinene zi humele hi Jesu Kristu. Ekso. 20:1; Xip. 14:6; Rom. 5:21

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Mitiro 13:39

Ni kambe kani hi wihi loyi a kholwako wa hlayelwa kululama ha yena, ka zilo zontlhe lezi nwina mu nga hluleka ku hlayelwa kululama hi nayo wa Mosi. Isa. 53:11; Gal. 2:16

Va le Roma 5:2

Loyi hi kumileko ha yena a kuenghena ka hina tipswalweni leti hi nga ka tona; hi maha migiyo ya kutsaka na hi kari hi langutela a kungangamela ka Nungungulu. Joh. 10:9; 14:8; 1 Kor. 15:1; Efe. 3:12

Va le Roma 7:7

Zonake hi taku yini? A nayo kuonha ke? Kokwihi! Ahembalokoke, ngha nzi nga ku tivangi a kuonha ahandle ka nayo; hakuva ngha nzi nga ku tivangi a kunavela, loku a nayo wu wa nga wulangi, wuku: U nga naveli, Ekso. 20:17; Xip. 3:20

Va le Roma 8:3

Hakuva lezi a nayo wu nga tsanzeka ha zona, hilezi wu nga hi ni gome hi kota ya nyama, Nungungulu i zi tirile hi ku rumela a Nʼwana wakwe hi xiyimo xa nyama ya kuonha, lezaku a kona a kuonha le nyameni. Maheb. 7:18

Va le Galatia 2:16

kota lezi hi zi tivako lezaku a munhu a nga hlayelwi kululama hi mitiro ya nayo, sine hi kukholwa ka Jesu Kristu, hina hi lo kholwa ka Kristu Jesu lezaku hi fela ku hlayelwa kululama hi kukholwa ka Kristu, na ku nga hi mitiro ya nayo; hakuva a ku na munhu a ta nga hlayelwa kululama hi mitiro ya nayo. Tis. 143:2; Miti. 13:38; Rom. 1:17; 8:3

Va le Galatia 3:21

Xana a nayo wu alana ni zitsumhiso za Nungungulu ke? Kokwihi, hakuva loku wu wa nyikilwe ka vanhu a nayo lowu wu zi kotako ku hanyisa, hakunene a kululama ngha ku tile hi nayo.

Va le Galatia 3:24

Hizalezo a nayo wu mahile a mugonzisi wa hina wa ku hi yisa ka Kristu, lezaku hi fela ku hlayelwa kululama hi kukholwa. Mat. 5:17

Va le Efesusi 3:12

loyi hi tiyako ha yena a ku tshinela ka Nungungulu hi kutsumba, hi kukholwa ka yena.

Va le Kolosi 1:27

Hakuva Nungungulu i lo ranza ku va tivisa lezaku ku talisile kuyini a kungangamela ka fihlakalo lowu xikari ka vamatiko, lowu wu nga lezaku Kristu i xikari ka nwina, loyi a nga kutsumba ka kungangamela.

1 Timote 1:1

Paule a mupostoli wa Kristu Jesu hi kulaya ka Nungungulu, a Muhanyisi wa hina, na Kristu Jesu a kutsumba ka hina, Gal. 1:1; Kol. 1:27; Xip. 2:3; Tit. 1:3; 2:10; 3:4

Maheberu 10:1

Kota lezi a nayo wu nga ni xiruti ntsena xa zilo zo saseka lezi zi tako, na wu nga fananisi hi kumbheleleko a xiyimo xa zona, cima a wu zi koti ku mbhelelisa vona lava va tshinelako hi miphahlelo leyi va nyikelako yona malembe ni malembe. Kol. 2:17

Maheberu 11:40

hakuva Nungungulu i hi longiselele a xilo xi nene xe hunzeleta, lezaku a va na ku mbheleliswa na hina hi nga hi kona.

Maheberu 11:6

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

Maheberu 4:16

Hikwalaho a hi tshineleni hi kutiya xitshanwini xa wuhosi xa tipswalo, kasi hi fela ku mahelwa wuxinji, hi kuma tipswalo ta ku hi vuna xikhatini xa kuvumala.

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

Maheberu 7:11

Makunu loku a kumbheleliswa ku kumeka hi wupristi ga va ka Levi (hakuva hi gona gi nga yimisa a milayo ya tiko), xana ku wa ha lavekela yini lezaku ku huma munwani mupristi hi tshamela ga Melkizedeki, loyi a ta nga kala a nga hlayelwi a tshamela ga Aroni ke? Gal. 2:21; Xip. 8:7

Maheberu 7:20

Kona a ku engheniswangi a handle ka kuhlambanya.

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Maheberu 8:6

Kanilezi makunu Kristu i kumile a wukhozeli ga hombe go hunza ga vona, kota lezi a nga mulamuli wa xivumelwano xa hombe ku hunza lexi xa kale, lexi xi seketelweko hi zitsumhiso za zinene nguvu. 2 Kor. 3:6, 8, 9

Maheberu 9:9

Hakuva a xipetso lexi mufananiso wu xungetako a xikhati lexi, lexi ha xona ku humeswako a minyikelo ni miphahlelo leyi yi nga zi kotiko ku mbhelelisa a livalo la mukhozeli wa kona, Gal. 3:21

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22