Maheberu 3:9 - Tshwa Bible

⁹ Laha a vakoko va nwina va nga nzi ringa ni ku nzi hlola. Hambu lezi va nga wonile a mitiro ya mina 40 wa malembe.

Maheberu 3:9 ပူးပေါင်းရင်းမြစ်များ

Tisimu 95:9

Laha a vadadani va nwina va nga nzi ringa, Va lo nzi ringa, hambu lezi va wonileko mitiro ya mina. 1 Kor. 10:9

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Eksodusi 20:22

Jehova aku ka Mosi: Wo ngalo ka vanana va ka Israeli: Mu wonile laha nzi nga wulawula na nwina na nzi hi tilweni.

Amosi 2:10

Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Mitsengo 14:33

Zonake a vanana va nwina va ta nzulanzula lomu xiwuleni 40 wa malembe, na va kari va rwala a nanzu wa ku nga tsumbeki ka nwina, kala ku mbhela a zirumbi za nwina lomu xiwuleni.

Luka 7:22

I lo hlamula, aku ngalo kabye: Fambani, mu ya byela Johani lezi mu zi wonileko ni lezi mu zi zwileko: a zikhumu zi tlheliselwa kuwona, a zilema za famba, a vahlokonho va hlaziwa, ni ziwiri zazwa, a vafileko va vuxiwa, ni zisiwana zi kanelelwa a mahungu yo saseka. Isa. 35:5; Mat. 11:4; Xip. 4:18

Mitiro 13:8

Kanilezi Elima, (kutani Mungoma, hakuva a vito gakwe gi wula lezo,) i lo va vukela, na a xuva ku hambukisa a hosana kukholweni.

Mitiro 7:36

Hi yena a nga va humesa, na a mahile a zirewukiso ni ziwoniso le Gipite, ni le Bimbini go Pswhuka, ni le xiwuleni hi 40 wa malembe. Ekso. 14:21; 16:1; 33:1

Deuteronome 11:7

Hilezo a mahlo ya nwina ma wonile mitiro yontlhe ya hombe leyi Jehova a yi tirileko.

Deuteronome 29:2

Na Mosi i lo vitana vontlhe va ka Israeli, aku kabye: Nwina mu wonile zontlhe lezi Jehova a nga zi maha ka Faro mahlweni ka nwina, le tikweni ga le Gipite, ni ka malanza yakwe wontihe, ni ka tiko gakwe gontlhe.

Deuteronome 4:3

A mahlo ya nwina ma wonile lezi Jehova a mahileko hi kota ya Baal-Peori; hakuva vontlhe lava va nga lanzela Baal-Peori, Jehova Nungungulu wa wena i lo va lovisa xikari ka nwina.

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

Deuteronome 8:4

A tinguwo ta wena a ti hlakalangi mirini wa wena, ni mikonzo ya wena a yi vimbangi lomu ka 40 wa malembe.

Joxua 23:3

Mina nzi wa kale, nzi na ni malembe yo tala. Na nwina mu wonile zontlhe lezi Jehova Nungungulu wa nwina a zi mahileko ka wontihe matiko lawa hi kota ya nwina; hakuva hi Jehova Nungungulu wa nwina loyi a nga mu lwela.

Joxua 24:7

Laha va nga rila ka Jehova, yena i lo veka munyama xikari ka nwina ni vaGipite, i lo wuyisa a bimbi hehla ka vona gi va fenengeta. A mahlo ya nwina ma wonile lezi nzi zi mahileko ka vaGipite; zonake mu lo tshama xiwuleni masiku yo tala.

Joxua 5:6

Hakuva a vanana va ka Israeli va lo famba lomu xiwuleni 40 wa malembe, kala vontlhe vanhu va hetwa, ku mbhela vavanuna lava va hlomako yimpi, va mbhela vontlhe lava va nga huma hi le Gipite, lava va nga kala ku ingisa a gezu ga Jehova; hakuva i wa hlambanyile lezaku cima va nga ta wona a tiko legi a hlambanyileko ka vararu vabye ku va nyika gona, a tiko gi khulungako masi ni wulombe. Mitse. 14:21