Maheberu 2:14 - Tshwa Bible

¹⁴ Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

Maheberu 2:14 ပူးပေါင်းရင်းမြစ်များ

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Mateu 16:17

Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 12:24

Hizinene nziku ka nwina: Loku a mbewu ya mavele yi ngawi misaveni yifa, yi ta tshama yoce; kanilezi loku yifa, ya pswala nguvu. 1 Kor. 15:36

Va le Roma 14:9

Hakuva Kristu i lofa a tlhela a hanya, lezaku a fela kuva Hosi ya vafileko ni vahanyako. Miti. 10:36; 2 Kor. 5:15

Va le Roma 8:3

Hakuva lezi a nayo wu nga tsanzeka ha zona, hilezi wu nga hi ni gome hi kota ya nyama, Nungungulu i zi tirile hi ku rumela a Nʼwana wakwe hi xiyimo xa nyama ya kuonha, lezaku a kona a kuonha le nyameni. Maheb. 7:18

1 Va le Korinte 1:28

ni zilo zi nga nyawuliko, a zilo zi nyenyekako, Nungungulu i lo zi hlawula, ina, ni lezi zi nga hiko nchumu, Nungungulu i lo zi hlawula lezaku a fela ku mbhetisa a zilo lezi zi nga kona; Rom. 4:17; Xip. 2:6

1 Va le Korinte 15:50

Makunu vamakabye, nzi wula lezaku a nyama ni nkhata a zi na kuga a tshomba ya mufumo wa Nungungulu; hambu ni kubola a kuna kuga a tshomba ya kungaboli. Mat. 16:17; Joh. 3:3, 5

Va le Galatia 4:4

Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14

Va le Kolosi 2:15

I lo wutla matlhari ya vafumeli va mimoya ni mintamu, a va wisa tingana kubaseni, a giyagiya hi ku va hlula kakwe xihambanweni. Gen. 3:15; Tis. 66:18; Isa. 53:12; Lu. 10:18; Joh. 12:31

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

2 Timote 1:10

kanilezi makunu ti wonekelisilwe hi kuwoneka ka Muhanyisi wa hina Kristu Jesu, loyi a nga hetisa kufa, a wonekelisa a wutomi ni kungafi hi ivangeli, 1 Kor. 15:54; Efe. 1:9; Kol. 1:26; 1 Ped. 1:20

Maheberu 10:10

Hi kuranza kwaloko hi basisilwe hi kunyikelwa ka miri wa Jesu Kristu kanwe ku mbhela. Joh. 17:19

Maheberu 10:5

Hikwalaho laha Kristu a ngata laha misaveni, i te ngalo: A miphahlelo ni minyikelo a ku tsaki ha zona, Kanilezi u nzi longiselele a miri; Tis. 40:6; Isa. 1:11

Maheberu 2:17

Hikwalaho zi lo mu fanela a kuva a fanana ni vamakabye vakwe hi matlhelo wontihe, lezaku a fela kuva mupristi wa hombe, a nga ni wuxinji ni kutsumbeka ntirweni wa Nungungulu, kasi a maha nzhiho hi kota ya zionho za vanhu. Fil. 2:7; Xip. 4:15; 5:1, 2

Maheberu 2:18

Hakuva lezi yena wutsumbu a nga xaniseka a ringwa, wa zi kota ku vunetela lava va ringiwako.

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 20:2

Yi lo khoma drako, a nyoka leyi ya kale, yi nga Muhlevi na Satani, yi mu boha a 1,000 wa malembe. Juda 6; Xip. 12:9