Maheberu 13:4 - Tshwa Bible

⁴ Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

Maheberu 13:4 ပူးပေါင်းရင်းမြစ်များ

Genesisi 2:21

Na Jehova Nungungulu i lo neha ka wanuna a wurongo ga tshongotshongo; ni laha a nga etlela, i lo susa a linwe la timbambu takwe, i lo tlhelisela a nyama wutshanweni ga yona.

Genesisi 2:24

Hikwalaho a wanuna i ta siya a raru wakwe ni nyine wakwe a namarela ka sati wakwe; vona va tava nyama yinwe. Mat. 19:5; Efe. 5:31

2 Tihosi 22:14

Zinghaho mupristi Hilkia, na Ahikamu, na Akbora, na Xafani, na Asaya va loya ka Hulda a muprofeti wa xisati, a sati wa Xaluma a nʼwana Tikva wa Harhasa, a muhlayisi wa tinguwo; i wa akile le Jerusalema hi tlhelo ga wumbiri ga muti, va lo ya wulawula naye.

Joba 31:12

Hakuva kona i nzilo loʼwu hisako wu lovisa; Wu wa ta heta kontlhe kuanza ka mina.

Isaya 8:3

Nzi lo enghena ka muprofeti wa xisati, i lo xura nyimba a pswala nʼwana. Na Nungungulu aku ka mina: Mu chule vito ga Maher-xalal-hax-baz.

Levi 15:18

Ni wasati loye a etlelako ni wanuna loyi yi humileko a mbewu ya libeleko ka yena, vona vambiri va ta hlamba lomu matini, hambu lezo va tava va nga hlazekangi kala laha gambyeni.

Levi 18:20

U nga etleli ni sati wa wakelane na wena, u ti nyenyezisa zinwe na yena.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

1 Va le Korinte 5:13

kanilezi Nungungulu i ta lamula lava va nga lahandle. Hlongolani a munhu wa kubiha xikari ka nwina. Mutsa. 12:14; Maheb. 13:4

1 Va le Korinte 6:18

Chavani wubhayi! A zionho zontlhe lezi munhu a zi mahako zi lahandle ka miri wakwe; kanilezi loyi a bhayako i onhisa a miri wakwe. Rom. 1:24; 1 Tes. 4:4

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

1 Va le Korinte 7:38

Lezoke loyi a nyikelako a nʼwana wakwe wa xisati a kuva a tekwa, i maha khwatsi; ni loyi a nga mu nyikeliko ku tekwa i maha khwatsi nguvu. Maheb. 13:4

1 Va le Korinte 9:5

A hi na fanelo hina ku fambafamba na hi hi ni sati loyi a nga mukholwa, a ku khwatsi hi vanwani vapostoli, ni vanakulobye va Hosi, na Kefasi ke? Mat. 8:14; 13:55; Mar. 6:3; Lu. 6:15; Gal. 1:19

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Va le Galatia 5:19

Makunu a mitiro ya nyama yi la su dlunya, yi nga leyi: a kubhaya, a kungahlazeki, a wurembi, 1 Kor. 3:3; Efe. 5:3; Jak. 3:14

Va le Galatia 5:21

a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu. Kuv. 22:15

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Deuteronome 22:22

Loku wanuna a kumiwa na etlela ni wasati a tekilweko, hi wumbiri gabye va tafa, loye wa wanuna a etleleko ni wasati, na yena loye wasati. Zinghaho u ta susa kubiha lomu ka Israeli.

1 Va le Tesalonika 4:6

lezaku ku nga hi kona munhu a onhako makabye hi lexi xilo; hakuva Nungungulu hi muphoteli wa zontlhe lezo, kota lezi hi nga mu byela kale hi tiyisa ka nwina. Levi 19:11

1 Timote 3:12

A madikoni a mave vanuna va sati munwe, va fumela khwatsi vana vabye ni mingango yabye.

1 Timote 3:2

A murisi i yimelwe hi kuva a nga soleki, a hi nuna wa sati munwe, a wotikhoma, a tlharihileko, a hi njinga, loyi a rurelako vapfhumba, loyi a zi tivako ku gonzisa;

1 Timote 3:4

loyi a fumelako khwatsi a ngango wakwe, a hi ni vana va ingisako hi xichawo xontlhe; Jox. 24:15

1 Timote 4:3

Va tsimbetela a ku tekana, va laya ku kala ku nga giwi zakuga lezi Nungungulu a zi vangeleko lava va kholwako ni lava va tivako zinene, lezaku zi amukelwa hi kubonga. Gen. 9:3; Mav. 18:22; 1 Kor. 8:8; Maheb. 13:4

1 Timote 5:14

Hikwalaho nzi ranza lezaku a tinoni leʼta tiswa ti tekwa, ti beleka vana, va hlayisa tiyindlu tabye, va nga nyiki nala a xikhati xo hi rukatela. 1 Kor. 7:9; Tit. 2:8

Titusi 1:6

loku u kuma munhu loyi a nga solekiko, a nga nuna wa sati munwe, na a hi ni vana lava va kholwako, lava va nga soliwiko hi kota ya vilinganya ni kungaingisi.

Maheberu 12:16

Ti woneleni lezaku ku ngavi kona a xibhayi, hambu ni munhu a kanyisako, kota Esau loyi a nga xavisa a wutewula gakwe hi ngelo munwe wa zakuga. Gen. 25:33

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6