Maheberu 13:20 - Tshwa Bible

²⁰ Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 13:20 ပူးပေါင်းရင်းမြစ်များ

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

1 Kronekele 16:17

Yena i xi yimisile kota nayo ka Jakobe, Ni kuva xivumelwano xo simama ka Israeli,

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

Tisimu 23:1

Jehova hi murisi wa mina, nzi nga ta vumala nchumu. Joh. 10:11; Maheb. 13:20; 1 Ped. 2:25

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Eksodusi 24:8

Zinghaho Mosi i lo teka a nkhata a nwatsekela vanhu ha wona, aku: Lowu hi nkhata wa xivumelwano lexi Jehova a mahileko zinwe na nwina hi tontlhe leti timhaka. Mat. 26:28; 1 Kor. 11:25; Maheb. 9:19; 1 Ped. 1:2

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Isaya 63:11

Zonake va lo khumbula masiku ya kaleloko xikhatini xa Mosi, vaku: I kwihi loyi a nga va humesa lomu bimbini, Zinwe ni varisi va tlhambi wakwe? I kwihi loyi a nga veka Moya wakwe wu basileko xikari kabye? Ekso. 14:29; Mitse. 11:25

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Ezekieli 37:24

A nanza ga mina Davida i tava hosi yabye; vontlhe va tava ni murisi munwe. Va ta lanzela zileletelo za mina, va hlayisa milayo ya mina, va yi maha. Isa. 40:11; Jer. 23:5; Joh. 10:11

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Zakaria 9:11

Loku ku hi wena, hi kota ya xivumelwano xa wena xa nkhata, nzi ta tlhatlha a tiperesu ta wena ti huma rinzini gi nga hiko na mati. Ekso. 24:8; Maheb. 9:19

Mateu 26:28

hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

Marku 14:24

Aku ngalo kabye: Lowu hi nkhata wa mina wa xivumelwano, lowu wu halatelweko a vanyingi.

Luka 22:20

Zinghaho ni gombe anzhako ka xilalelo, aku: Legi gombe hi xivumelwano xiswa nkhateni wa mina, lowu wu halatelwako nwina. 1 Kor. 10:16

Johani 10:11

Mina nzi murisi nene. A murisi loyi nene i nyikela kuhanya kakwe hi kota ya tiyivu. Isa. 40:11; Ezek. 34:12, 23

Johani 10:14

Mina nzi murisi nene; nza tiva a tiyivu ta mina, nzi tibyiwa hi tona, 2 Tim. 2:19

Mitiro 13:30

Kanilezi Nungungulu i lo mu vuxa hi ka vafileko;

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Mitiro 2:24

Kanilezi Nungungulu i lo mu vuxa, a mu tlhatlha kubayisekeni ka kufa; hakuva zi wa nga koteki lezaku a khomiwa ha kona. Xip. 3:15; 4:10; Rom. 4:24; 8:11; 1 Kor. 15:15; Gal. 1:1; Efe. 1:20; Kol. 2:12

Mitiro 2:32

Jesu loyi, Nungungulu i lo mu vuxa, hina hontlhe hi vakustumunyu va lezo. Xip. 1:8

Mitiro 3:15

mu daya a Hosi ya wutomi; kanilezi Nungungulu i mu vuxile hi ka vafileko; hina hi vakustumunyu va lezo.

Mitiro 4:10

ngha zi tiveka ka nwina nwentlhe, ni ka vanhu vontlhe va ka Israeli, lezaku loyi munhu a yimileko mahlweni ka nwina, i hanyisilwe hi vito ga Jesu Kristu wa le Nazareta, loyi nwina mu nga mu belela, loyi Nungungulu a nga mu vuxa hi ka vafileko. Xip. 3:6

Mitiro 5:30

A Nungungulu wa vakoko va hina i vuxile Jesu, loyi nwina mu nga mu daya mu mu hayeka sinyeni. Xip. 10:39; Gal. 3:13; 1 Ped. 2:24

Va le Roma 1:4

A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14

Va le Roma 10:7

Kutani: Himani a ta nga relela le nkeleni? (hi lezaku, kasi ku humesa Kristu hi ka vafileko.) 1 Kor. 15:3, 4

Va le Roma 15:33

Makunu ngha Nungungulu wa kurula ave na nwina nwentlhe. Amen.

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

Va le Roma 8:11

Zonake loku a Moya wa loyi a nga vuxa Jesu hi ka vafileko wu tshama ka nwina, yena loyi a nga vuxa Kristu Jesu hi ka vafileko i ta hanyisa ni mimiri ya nwina ya kufa hi Moya wakwe lowu wu tshamako ka nwina. Xip. 6:4, 5; 1 Kor. 6:14; Efe. 2:5

1 Va le Korinte 14:33

Hakuva Nungungulu a hi Nungungulu wa woyonga, kanilezi wa kurula. Xip. 11:16

1 Va le Korinte 15:15

Zonake hi kumiwa na hi hi vakustumunyu va mawunwa va Nungungulu; hakuva hi lo kustumunya ha Nungungulu lezaku i vuxile Kristu, loyi a nga mu vuxangiko, loku hakunene a vafileko va nga vuki.

1 Va le Korinte 6:14

Lezi Nungungulu a nga vuxa Hosi, lezo i ta hi vuxa hina hi ntamu wakwe. Rom. 6:5; Efe. 1:19

2 Va le Korinte 13:11

Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. Rom. 12:16; 1 Kor. 1:10; 1 Ped. 3:8

2 Va le Korinte 4:14

na hi tiva lezaku loyi a nga vuxa Hosi Jesu, i ta vuxa na hinawu zinwe na Jesu, a hi yimisa zinwe na nwina mahlweni kakwe.

Va le Galatia 1:1

Paule, a mupostoli (na ku nga hi ka vanhu, hambu ku mahiwa hi munhu, kanilezi hi Jesu Kristu, ni Nungungulu a Dadani, loyi a nga mu vuxa hi ka vafileko), Miti. 9:6

Va le Efesusi 1:20

lowu a nga tira ha wona ka Kristu, laha a nga mu vuxa hi ka vafileko, a mu tshamisa canjeni gakwe ga xinene le tilweni,

Va le Filipi 4:9

Zontlhe lezi mu nga zi gonza, ni ku amukela, mu zizwa ni ku wona ka mina, zi maheni; zonake a Nungungulu wa kurula i tava na nwina.

Va le Kolosi 2:12

na mu lahlilwe zinwe naye hi kubapatizwa, mu tlhela mu vuxiwa zinwe naye hi ku kholwa a ntamu wa Nungungulu, loyi a nga vuxa Kristu hi ka vafileko. Rom. 6:4; Efe. 3:7

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

1 Va le Tesalonika 5:23

Nungungulu wa kurula wutsumbu gakwe a mu basise matlhelo wontihe, kasi a moya wa nwina ni muhefemulo ni miri za hlayiswa zontlhe, zi nga hi na kusoleka a kuwuyeni ka Hosi ya hina Jesu Kristu. 1 Kor. 1:8; Fil. 4:9

2 Va le Tesalonika 3:16

Makunu ngha Hosi ya kurula wutsumbu ga yona yi mu nyika kurula xontlhe xikhati matlhelweni wontihe. A Hosi a yive na nwina nwentlhe.

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Maheberu 9:20

Lowu hi nkhata wa xivumelwano lexi Nungungulu a mu layileko ha xona. Mat. 26:28

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12