Maheberu 12:24 - Tshwa Bible

²⁴ ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Maheberu 12:24 ပူးပေါင်းရင်းမြစ်များ

Genesisi 4:10

Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

Eksodusi 24:8

Zinghaho Mosi i lo teka a nkhata a nwatsekela vanhu ha wona, aku: Lowu hi nkhata wa xivumelwano lexi Jehova a mahileko zinwe na nwina hi tontlhe leti timhaka. Mat. 26:28; 1 Kor. 11:25; Maheb. 9:19; 1 Ped. 1:2

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Levi 1:5

Yena i ta tlhava a nkuzi mahlweni ka Jehova, zonake a vapristi, a vana va Aroni, va ta teka a nkhata va nwatsekela ha wona matlhelweni wontihe hehla ka alati legi gi nga laha nyangweni ya tabemakeli ga mutlhangano.

Mateu 23:35

Lezaku ku fela kuta hehla ka nwina a nkhata wontihe wu lulamileko lowu wu nga halatiwa misaveni, kusukela nkhateni wa Abeli a lulamileko, kala ka nkhata wa Zakaria nʼwana Barakia, loyi mu nga mu daya xikari ka tempeli ni alati. Gen. 4:8; 2 Kro. 24:20; Kuv. 18:24

Mateu 26:28

hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

Marku 14:24

Aku ngalo kabye: Lowu hi nkhata wa mina wa xivumelwano, lowu wu halatelweko a vanyingi.

Luka 11:51

Ku sangula hi nkhata wa Abeli ku kala nkhateni wa Zakaria, loyi a nga dawa xikari ka alati ni tempeli; ina, nziku ka nwina, wu ta labyiwa ka lexi xizukulwana. Gen. 4:8; 2 Kro. 24:20, 21

Luka 22:20

Zinghaho ni gombe anzhako ka xilalelo, aku: Legi gombe hi xivumelwano xiswa nkhateni wa mina, lowu wu halatelwako nwina. 1 Kor. 10:16

Va le Galatia 3:20

Makunu a mutlhanganyisi a hi mutlhanganyisi wa munwe ntsena. Kanilezi Nungungulu munwe. Rom. 3:29

1 Timote 2:5

Hakuva ku kona Nungungulu munwe ntsena, kambe ni mutlhanganyisi munwe xikari ka Nungungulu ni vanhu, Kristu Jesu a nga munhu a wutsumbu gakwe. Gal. 3:20; Maheb. 9:15

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 11:28

Hi kukholwa i lo yimisa a pasika ni ku nwatsekelwa hi nkhata, lezaku kasi a mudayi wa matewula a nga henyi ya vaIsraeli. Ekso. 12:21

Maheberu 11:4

Hi kukholwa Abeli i lo nyikela ka Nungungulu a muphahlelo wu nene ku hunza lowu wa Kana, lowu a nga mahelwa wukustumunyu ha wona lezaku i lulamile; Nungungulu wutsumbu i lo maha wukustumunyu hi kota ya minyikelo yakwe; hi kukholwa loko wa ha wulawula hambu lezi a fileko. Gen. 4:4, 10

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 7:22

Hizalezo Jesu i mahile a mutiyisi wa xivumelwano xi nene ku hunza lexi xa kale:

Maheberu 8:13

Lezi a nge ngalo: A xivumelwano xiswa, i kombisa lezaku lexi xo ranga xa kale makunu. Kanilezi lexi xi mahako xa kale xi guhala xi le kusuhi ni ku nwalala. 2 Kor. 5:17

Maheberu 8:6

Kanilezi makunu Kristu i kumile a wukhozeli ga hombe go hunza ga vona, kota lezi a nga mulamuli wa xivumelwano xa hombe ku hunza lexi xa kale, lexi xi seketelweko hi zitsumhiso za zinene nguvu. 2 Kor. 3:6, 8, 9

Maheberu 8:8

Kanilezi Nungungulu i lo va sola, aku: Languta, a masiku ma tata, ku wula Hosi, Lawa nzi to maha a xivumelwano xiswa ni yindlu ya ka Israeli, ni yindlu ya ka Juda; Jer. 31:31-34

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Maheberu 9:19

Hakuva laha Mosi a nga hlawutele yontlhe milayo ka vanhu vontlhe, yena i lo teka a nkhata wa marole ni timbuti, zinwe ni mati ni woya go pswhuka ni hisope, a nwatsekela a bhuku ga kona ni vanhu vontlhe, aku: Ekso. 24:5, 6, 8; Levi 14:4, 6, 7, 49

Maheberu 9:21

Kambe i lo nwatsekelisa zalezo hi nkhata a tabernakeli ni zibya zontlhe za ku khozela ha zona. Ekso. 29:12; Levi 8:15

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22