Maheberu 12:16 - Tshwa Bible

¹⁶ Ti woneleni lezaku ku ngavi kona a xibhayi, hambu ni munhu a kanyisako, kota Esau loyi a nga xavisa a wutewula gakwe hi ngelo munwe wa zakuga. Gen. 25:33

Maheberu 12:16 ပူးပေါင်းရင်းမြစ်များ

Genesisi 27:36

Yena i te ngalo: A gi chulwangi khwatsi a vito gakwe ku ngalo hi Jakobe ke? I nzi tekele zikatekiso zimbiri; i tekile a tshomba ya wutewula ga mina; languta, makunu i nzi tekele a xikatekiso xa mina. Aku ngalo: Wena a ku nzi vekelangi a xikatekiso ke?

Marku 7:21

hakuva hi lomo nzeni, hi le timbilwini ta Vanhu, ku huma maalakanyo yo biha, a wubhayi, a kuyiva, ni kudaya; ni wurembi, Gen. 6:5; 8:21; Mat. 15:19

Mitiro 15:20

kanilezi va tsaleliwa lezaku va tsika a manyala ya zifananiso, ni kubhaya, ni lezi zi fileko hi ku tlimbiwa, ni nkhata. Gen. 35:2; Ekso. 20:3; 1 Kor. 6:9; Levi 3:17; 1 Ped. 4:3

Mitiro 15:29

zi nga lezaku mu tsika lezi zi phahlelweko ka zifananiso, ni nkhata, ni lezi zi fileko hi ku tlimbiwa, ni kubhaya. Loku mu ti wonela ka lezo, mu tava mu mahile khwatsi. Salani khwatsi! Levi 17:14; Xip. 21:25; Kuv. 2:14

1 Va le Korinte 10:8

Ngha hi nga mahi wubhayi kota vanwani ya vona va nga maha wubhayi, vafa hi siku ginwe 23,000 wa vanhu. Mitse. 25:1

2 Va le Korinte 12:21

Ku nga taku loku nzi chikele ka nwina, a Nungungulu wa mina i ta nzi bohlisa mahlweni ka nwina, zonake nzi rilela vanyingi lava va onhileko kale, va nga hunzulukangiko a kunyenyezeni ni wubhayini ni wurembini legi va gi mahileko. 1 Kor. 5:1; Xip. 2:1, 4; Fil. 3:18

Va le Efesusi 5:3

Kanilezi a wubhayi ni kungahlazeki kontlhe, ni makangwa, ngha zi nga kumbukwi xikari ka nwina, a zi faneli vobasa.

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

1 Timote 1:9

na a zi tiva lezaku a nayo a wu vekelwangi munhu a lulamileko, kanilezi wu vekelwe a zihunza-milayo ni va nga ingisiko, lava va nga chaviko Nungungulu, ni vaonhi, ni lava va nga basangiko, ni lava va wulawulako tihlamba, a vadayi va vararu vabye ni vamamani vabye, ni vadayi va vanhu, Gal. 3:19

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6